Hosea 2:9 - ŊWÀʼ NYÙY

⁹ Bìʼ bey, wíy lòo dzə e ghan se á káv vifá, é m sə́ ŋgoòy sém sé vifa fo wun, e faàsì meluʼ mem fó fo, faasì, é m sə́ sá ndzə̀y se mò‑oò foon ji áwune wáa teʼtín kinshóʼ sho.

Hosea 2:9 Referans Kwoze

Malakay 3:18

Á bèy, é vèn nèn kfə̀n yèn jeéyjeéy fó kinyò ke wìr ve á yúnin mo, à fó kinyò ke wìr ve á méŋ moó, a kiíy jeéyjeey wìr wo wù ghvə́m Nyùy, à wo wù yòʼ ghvə́mé.»

Malakay 1:4

Mo Nyùy yoŋ bèy, a tàm wír veé Edom vee rám Esavi lò, a suúy jii, «Aŋgaà vér vibàné sàʼtì ne mvə́m se laʼ sér, aá sàʼtì bèy, a vèr kù‑úù baʼri, e siìr fo.» A kí kòóy bèy, bo Nyùy Tàr woo Taà Mànjòŋ yíi suúy kfə́ jii, «Aáwune fə̀m bàʼrì, e siìr fo, bo m kù yíi sàʼtì, é wíri nèn a yòŋ fó ji kitúm ke vinyo ve bi ví runen shó. Kitúm, a dzə̀ ke Nyùy Tàr wíy a shwiíy kilòŋ wùn áwune, e wìy dù, e mày.»

Hosea 2:3

Roomè, wù tén fóo neèr liì woo shooy, bo m lo, e kweèy ndzə̀y fó wùn wó, e kweèy bèn, é wù wáa dzə mo vé‑eè dzəən wun. M yíi yiì, é wù kpú kilòŋ ke yumén kí, e yiì, é wù yúm, e kàʼkír moo kirə́ʼ ké woʼ, e yum bèn moo nsay ŋgaŋ.

Tsəfaniya 1:13

Á wíy kuúy káv wóv, e kètì lav sév. Áwune baʼrì lav si, a bó á yòʼ wíy shiíy sho. Áwune biy vitiír vé *vayin, a bó á yòʼ wíy no meluʼ me á yii fer e báŋ sə́ sí. Suuy mo woo Nyùy Tàr.»

Joel 2:14

Yòʼ kì la, a Nyùy Tàr yíi kuvsín kwaʼtì rə́, e səə̀vì ven, e yiì, é vifá vi kfə́n a kuy e sum. Səəvì, é vèn kfən kòóy vifá vé a cù Nyùy Tàr woo Nyùy won shó, a cù wun e vifá ve yi vi, a cù e meluʼ mè.

Hosea 9:2

Ké lèn ki, vèn yíi a kav vifá, é ví wáa dor dorín, é vèn wáa yi, e làa yòʼ a yu fo ví du. Vitiír vé melùʼ ve vèn káv vi yòʼ yíi a fəə́r meluʼ me vèn wáa rəə̀r kilòŋ shó.

Hosea 8:7

«Wír veé Israyi kù sí wáy a dzə̀ ŋgoòy vinyò ve bi ví, a kee shooy ki kù dzə̀ shwér. Á gísin, wáy bèy, aá kù yíi kav a dzə̀ ŋgeʼ, kù mo kinsəm ki teè vifá, e laàr ŋkuuŋkùŋ. Kwáʼ wóví dzə̀, a vitú ve saŋ ví yòvrí ne, a bó sáŋé yoʼ kùr shó. A kí fə̀m kòóy ji yí kúr, bo kù wíy yi viŋgwìy.

Daniel 11:13

bìʼ fo fòn wo wù sáʼ kitúm kee Siiria kfə̀n wíy baʼtí mànjòŋ vé rərí, a wù táv é ŋàŋ, e kfə̀n kùʼ, e shaà wo wù‑uù kér fo mbìy. Ghán sí wíy gheen, é wù kfən fəə̀ rə́r, a wù kér mànjòŋ vé rər e gháʼán, kér kifá ke rər kidzə̀m.

Esiker 23:26

Wír vee shooyi wíy sòr ndzə̀y sé, e kuúy vifá vé ve sùsù vidzə̀m.

Esiker 16:39

M wíy màʼ wò aáwuné wo, aá bvə́ʼə́y láʼ sé se visàkì sìn, e sàʼtì virə́ʼ vee fo wò‑oò cu mebvə̀m. Áwune wíy kuúy ndzə̀y sé, e siy vifá vé ve sùsù vidzə̀m, e màʼtì wò, áà siíy, a dzə kinshóʼ ŋkuuŋkùŋ.

Esiker 16:27

Á bèy mbà, m nen màʼ kiwó e wò kitu, e fàr woŋ wó, e wày wò aàŋgàa vibàn vé vee wír veé Filistiàá wo, á wáa rə̀m kinyo ké ke visàkì kee ben.