Hosea 2:8 - ŊWÀʼ NYÙY

⁸ «Isray woo yeè lav wom‑eè dzə́ vèr wun, a bó wù yòʼ‑oò lo gwàrìr ji yì‑iì fó a mo ŋgoòy se vifa e wun, a kù‑uù fò mo meluʼ wùn à meŋgvə́r mè, ku kfə̀n fò mo *kisha ke mbàm ke baar kí wùn à ke fəvír kí e wun nyanyày, é bo wù li, a cù a dzə̀ nyùy woo *Baal sho.

Hosea 2:8 Referans Kwoze

Aysaya 1:3

Nyàm yee mbòŋ kì wír wo wù kér wun, a kimbèʼbìy kí kì wír wo wù yiir wun. Yii bèy, a wír veé Israyi yòʼ kì fo á binè. Bó wír vémé yòʼ kiiy kinyo ke m yii aáwune.»

Hosea 13:2

Ké lèn ki, áwune kù sí jáy jay e wùmǒʼ kitu. Áwune sí fer mebvə̀m e *kisha ke mbàm ke fəvír kí. Á lo, á wày vifií, e nàŋsín, e fèr bèn kijuujùŋ, e lìm feyì a dzə̀ e yé ŋgaà fèr woo fií. Á bèy, á ku nèn a yòŋ áwune jii, «Wír ve á ghvə́m anyùy, baáme mebvə̀m mee wan nàʼ.»

Hosea 8:4

«Áwune lo, á ghaà wír, e kòʼór ji fon, a bó á yoʼ mbaà mo, lo, á shòʼtí vilìmbìy, a bó m yòʼ kì fó fo. Á li kisha kév ké mbàm ke baar kí wùn à ke fəvír kí, fer a dzə̀ mebvə̀m sho. Áwune yii bèy, a kù yíi lày kitú kév.

Hosea 4:11

«Meluʼ mè bvə̀ə́r ne vifií vé wìr vém, mo á nó mee lán, nó me shiiyín mè. Wír vémé yòʼ dzəə́ kiiy fo á dzəə̀n.

Ŋwàʼ woó Rom 1:28

Mo wíri tenen fó way vifií é vinyò ve ví din rú mo Nyùy dzəə̀n, wù nen màʼtì, vifií vév ví wáa tiy a dzə̀ é liì kisaŋ, á wáa yiì vinyo ve bó ví yoʼ ghèén ji dzə̀ wír, wù wàa yiì.

Ŋwàʼ Luk 15:13

Wù sə́ rə́ə yee mbìv, e làa yòʼ keerí vishiíy vinín, e nèn fiìnè, e lì mbàm, e lò sho. Wù lò, e dù e wòŋ wúmóʼó kwaʼda, a dzə fo, a sèv, a bvəʼ mbàm sìy.

Habakuk 1:16

Áwune ghvə́m alálán vév, ton kiláy, cu sho ji nyùy wov, bìʼ fo alálán véví fó áwune vikuʼùy, fó áwune vifá ve yi nyanyày.

Hosea 2:5

Yè wov dzə̀ sàkì, a wù yòʼ kér dzə̀rkìtu, bóŋ bvəm e ndzə, là woómé. Wù lo, wù wàa sevtí jii, ‹M kér fó a jùmrì vilum ve á koŋ mo, aáwune wáa geʼ e mò, a fo viyíkìr, a fo mendzə́v, a fo ndzə̀y wùn à meŋgvə́r me *oliv mè, é m kfə́n a koóy bàr kifa wó a bàʼ shuu sho.›

Daniel 5:23

Nyàr, Fòn kòʼór ne kitú kfə́ á feyì, a yen ji á shàa Nyùy Tàr woó yuv. Fòn yiì ne, á lí á vikáŋ ve dzəə̀n vee Nyùy Tǎr lav, e wìy, e yèn á wun sho, wùn aàtǎr laʼ vəə́, à vikǐy ntoʼ vəə́, à ve lemèné tátí, a no a meluʼ fo fo. Cèrèy, wùn áwune ló fó fo, a burí mebvə̀m, vifá, aá fér a dzə̀ e kisha ke mbàm ke baar kí, kìn e ke fəvír kí, kìn e kisha ke brons ki, kìn e kisha kee kiy ki. Vifá, aá lo, á sèm a dzə̀ e kicí kí, kìn e tíyí. Vifá vìn, a bó yòʼ dzə̀ ví wàa yen virə́ʼ, a yu vinyo, kìn ji ví kiíy kinyo. Yii bèy, a Nyùy wo wù kér kiyoy ke wìr e wun kiwo, kfə̀n leey dzəʼə̀m wìr dzə̀m, dzə̀ shó, a bó fòn yòʼ ghvə́m wun.

Jeremia 7:18

Wón véví sív meŋkaʼ, aàtàrí li, ton və́y shó, a vikìy tóv meŋkfəŋ, ton ntuʼ se kiban sho ji sé Yaà woó Yuv. Aá yii bèy, cutì meluʼ, cu anyùy sho, yii, a kilòŋ kí shwiiy mo.

Aysaya 46:6

Wír ámóʼó lo, á kùúy kisha ke mbàm ke baar kí wùn à ke fəvír kí, kuuyì, á nèn tàʼ taà kilàm, e làʼ, wù fèr shibvə̀m sho. Wù fer maysì, ŋgaà shibvə̀m nèn a tsəm e si wo, a ghvəm.

Atǎr Nsaʼ 9:27

Wáa dzə e ghan fóo fèy, wíri wáa fəə e kwaʼ, a baʼtí báŋ se vitiír vé vayin, a fèr meluʼ sho, e nèn lò, e wìy, a yi ŋkàʼ e nyùy wóv lav. Áwune wáa yinín, a nonín, á nèn lò, a shov Abimelek.

Hosea 10:1

Wír veé Israyi‑iì dzə̀ moo kitiír ké *vayin, kitiír, a tútúʼ koóm shó nyanyày. Mo vikuʼùy ví‑iì nəə áwune, kù dzə̀ sá réŋréŋ mo vé‑eè bóm kíy se cù. Mo nsay yev‑iì fəər vifá ve yi nyanyày, kù dzə̀ mo áwune‑eè náŋsin sə́y se anyùy, a sí njaʼkìrì.

Remrí 8:18

«Vèn kú a kuumé Nyùy Tàr woo Nyùy won, bìʼ fo dzəə̀n wun wo wù fó ven vitaáví, é bo vèn wáa keŋ kéŋ sho, a kùʼkìr. Vèn kú a kuumé wun, é wù fiʼ wìy a yùŋrì *mensaŋ mvə me wù‑uù kàʼàn atàr vén shó, e lìʼ, mo wù‑uù yùŋrìn, e wìy to lán.

Esiker 23:41

Vèn‑eè yéʼ aàntaʼ ve wiyí, a kidàŋ ki tíy e wìr si, aá náŋsín, e tìír vifá sho, wù kfən neèr kiláy, e kfə̀n tìír meŋgvə́r me mè yii rəm, rəʼtìnè, vifá vìn, a yì‑iì dzə̀ ji vém.

Daniel 3:1

Fòn Nebukadnessar nèn fèr shibvə̀m e *kisha ke mbàm ke baar kí, a vida və́ ví dzə̀ kóy nshòv sitàn e ghvə̀m, vikuʼùy ví wáa dzə kóy e kimbéʼ ki. Wù‑uù tùúy shibvə̀m shee shoon a dzə̀ é mboʼ yeé Dura e wun kishev ke wòŋ ke dzəə̀n Babilon.

Hosea 13:1

Yì‑iì dzə̀ fó ŋgùʼ, a wír veé ram Efrayime‑eè súŋnin, wíri wàa fàn, a yàʼ. Vé‑eè ghvə̀m áwune é ŋàŋ é nsay Isray. Yii bèy, áwune nèn lò, e kèʼ, a ghvəm nyùy woo *Baal, lòné koó áwune, á sénkír.

1 Wòŋ 29:16

Éè Nyùy Tàr woo Nyùy wor, à dzə̀ e ránén. Nyanyày vifa wo vèr foon ji á baʼri lav rə̀n, yé a ghvəm wò sho vi kù lò a dzə̀ fo wò kiwo, a vidzə̀m vi kù dzə̀ vé.

Ŋwàʼ Jov 19:8

Wù sə̀tí ne dzə́ə yem ji lá m yòʼ kfə̀n yù fóo shaà, e lèm mo é ndzə vitsə̀ʼ, m wáa ghaà dzə́ə gháan.