Hosea 2:6 - ŊWÀʼ NYÙY

⁶ «Bìʼ bey, m yíi tsəm káy njoŋe, e gìŋ wun sho, e bom kay, e sətí wun sho, é la wù yòʼ a ker dzə́ə ye dzə̀ wù kfə̀n fəə̀ shó.

Hosea 2:6 Referans Kwoze

Ŋwàʼ Jov 19:8

Wù sə̀tí ne dzə́ə yem ji lá m yòʼ kfə̀n yù fóo shaà, e lèm mo é ndzə vitsə̀ʼ, m wáa ghaà dzə́ə gháan.

Ŋwàʼ Jov 3:23

Bìʼ ka mo Nyùy bávti dzəʼə̀m wìr, a dzəə̀ rə sə́tí ne, wír, a Nyùy tsə́m ne kay, e giìmè sho?

Ŋwàʼ Luk 19:43

Ghán sí wíy gheén, áàŋgaà vén vibàné wiy, e bòm kay, e gìm láʼ yén, e tàr, e sə̀tí ven.

2 Korin 12:7

Mo m shovin vilìtì ve vinyò vinín bèy, Nyùy nèn yèn ji ghanmóʼ, é m yìi a yen kitú kém é ŋàŋ. Wù nèn màʼtì, Satan tsə́m mo, m ndzə́m. A ndzə́m və̀n sovtì mo moo njoŋ kifa, sər mo fo m wáa koʼór wún.

Jeremia 18:15

Yii bèy, a wír vémé ŋwày ne mo. Á sí ton kiláy, cu anyùy kisaŋe shó. Anyùyi yií, áwune wáa bàyrìn e dzəə ye á kì ghán sho, dzə́ə, ye dzəə̀n kimvə́mvə ké dzəə, e nèn lò, e bìn a dzə̀ é dzəə ye toʼrìn, dzə́ə, aá yoʼ nàŋsín, yì táʼám.

Hosea 9:6

A vèn fèn lèʼ, fo wír veé Assiriyàa laar ven, bo wír veé Ejivi kù‑úù báʼtí ven, e yùyrí. Yúyri, é wír veé Memfisi dzəəme. Vimbìn ví wíy fəə, e sətí bùʼ won, é vitiír vé njoŋ vi wáa tèʼ láʼ sén sidzə̀m.

Hosea 10:8

Á wíy laàr virə́ʼ vé anyùy veé ŋkàlaʼ Aven, fo wír veé Israyi yii cu mebvə̀m. Vitiír vé njoŋ wùn à vikwiíy ví wíy kuy, e sùm kíy sév sé cù. Wíy lòo dzə e ghan see shooy, é wíri wáa toŋ, a jàŋ virùmèn jii, «Vèn ku keèsì e věr kitu,» a toŋ, a jàŋ agwan jii, «Vèn sə́y, e sə̀tí ver.»

Aysaya 57:3

«Yii bèy, ven vee wón aŋgàa səm, ven vee rám vé kinjàŋ wùn aàsàkìi, vèn kóʼtí fen, e yuùrí kinyo ke m yoŋ ki.