Biblia Todo Logo
Bib sou entènèt

- Piblisite -




Hosea 2:5 - ŊWÀʼ NYÙY

5 Yè wov dzə̀ sàkì, a wù yòʼ kér dzə̀rkìtu, bóŋ bvəm e ndzə, là woómé. Wù lo, wù wàa sevtí jii, ‹M kér fó a jùmrì vilum ve á koŋ mo, aáwune wáa geʼ e mò, a fo viyíkìr, a fo mendzə́v, a fo ndzə̀y wùn à meŋgvə́r me *oliv mè, é m kfə́n a koóy bàr kifa wó a bàʼ shuu sho.›

Gade chapit la Kopi




Hosea 2:5
33 Referans Kwoze  

Nyùy Tàr kfən lò, e sùŋnín e mò, a suúy jii, «Kfən dù, e dìn koŋ yée e yeè lav wò. Abaày, wiíy, a taà lav və kóŋ ben, wù gháʼ e gháne, e dù, e yèn lumèn wo sən. Kú a kòŋ wun réŋréŋ mo m kù dzəə́ koŋ wír veé Isray, fə̀m mo áwune loòn ne, a ghvəm anyùy ámóʼó, a kòŋ fó a cù áwune.»


«Isray woo yeè lav wom‑eè dzə́ vèr wun, a bó wù yòʼ‑oò lo gwàrìr ji yì‑iì fó a mo ŋgoòy se vifa e wun, a kù‑uù fò mo meluʼ wùn à meŋgvə́r mè, ku kfə̀n fò mo *kisha ke mbàm ke baar kí wùn à ke fəvír kí e wun nyanyày, é bo wù li, a cù a dzə̀ nyùy woo *Baal sho.


Yìiy, á wír veé Jerusalem a? Wír, a vé‑eè ghán e Nyùy mbòv, e lò lèn, a ghvəm a dzə̀ anyùy kisaŋe, kù moo wiíy wo wù leʼen lúm, e dù visàkì. Ŋkàlaʼ, a vé‑eè yii a dzə̀ vinyo vee réŋ ví fó, yúnin Nyùy fo, ghán e wun mbòv. Ké lèn ki, á kòytí ne a dzə̀ kinjuyrì.


Nyùy Tàr suuy jii: «Wír veé Isray, kishiíy ké mbìy ke mò‑oò yenen ven, yì‑iì dzə̀ mo m tò é kitiír ké *vayin, a kí koóm é kirə̀ʼ ké woʼ. Mò‑oò yèn atàr vén fó kàŋ wo mbìy, á wáa dzə moo báŋ se kici ké *fig ke kí bàʼàrìn, e bàŋ e kici. Yii bèy, áwune wìy e Gwan Peor, e kirə̀ʼ ké nyùy woo *Baal, e nèn shwì kitú e nyùy nshoórmé və̀n. Àbaày, vèn ló ben, e kfə̀n ji kifá ke koʼoyín kí moo nyùy woo shooy.


Wír veé Israyi lò ne, a ghan, a tàʼ aŋgàa ntom, kù moo kimbèʼbìy keé kwaʼ ke kí jòyìn, a tàʼ lúm. Á kòʼ ne, a lon sə́mo a dzə̀ fo Assiriya. Isray lò ne, e kfə̀n ji sàkì wo wù laʼ vilum láʼan.


Ven vee atàá cù, vèn yíi a bàyrìn, a gbù e shùy wùn à vitsə́ʼə́, é wír ve á dzəə̀n ji aŋgàa ntum vémé wáa gbùkìr sa bèy vitsə́ʼə́. M yíi laàr Isray woo yè won.


«Yii bèy, lèn və̀n, vèn roome Isray woo yè won. Bó wù yòʼ dzə̀ə́ yeè lav wom, a m yòʼ dzə̀ə́ lúm və. Vèn ku roòmè ji wù yar á liì joònè, e yàr viŋkar ve wù gháné.


Éè Juda, anyùy véné dzə̀ nyanyày mo ŋkà se laʼ sén sí dzəə̀n, a kíy se cù see fo vèn ton kiláy, cu *Baal sho si dzə̀ sinín moo dzə́ə se sí ghanen é Jerusalem.


«Isray, e kèʼ fo kèʼ, à kù‑uù mèŋ ne sáʼ yém, e tèn fó a neŋ e mǒ sar. Wò‑oò kinèn ji bó yòʼ dzə̀ à yù kinyo kém, e lò fo fo, e shòʼ a dzə̀ virə́ʼ vé anyùy. Wò‑oò ghán vitú ve agwan vidzə̀m, du e sar se vici ve rəŋsìn ví, néŋ fo, yii visàkì vé.


Nyùy Tàr nén a suŋnín, a suúy jii: «A fèn dzə̀ rú ji mò‑oò fə̀ə́r yè won woo Jerusalem, vèn dìn ri ŋwàʼ woo ji mò‑oò jùm wune. Wìr wo wù kaá mo, é bo m wáa fiìnè ven ji m laʼ kaá dzə̀ la? Vèn yuúrí, vé‑eè koòrí ven, e dù sho e kitum kímóʼ kí, a kù dzə̀ bìʼ vinyo vén ve bi ví. Rúrú, kù‑uù yiì liì won kisaŋ, é bo á koórí ven.


Vé saʼ veé Filistiàa nèn yiì lò, e bàʼtí ji á yii á cu ye kuʼùné e nyùy wov woo Dagon, a sheʼrí wun sho. Vé‑eè suuy jii, «Nyùy wòsən wày ne Samson woo ŋgaà wòsən vibàn e vèsə́n wo.»


Yì‑iì dzə̀ é ghan se Nyùy Tàr‑iì kèʼèn, a suŋnín e Hosea ji wù lo ntum rə, wù‑uù sùúy shó jii, «Dùu, e tàʼ wiíy, e wày é lav, lóo way, à wàa kiíy ji yeè lav wò və̀n wíy a ghan a ghán kisaŋe, e dzəə́ wón é ndzə. Kù dzə̀ kíwun ke wír vémé yii e mò. Á ŋwày ne mo woo Nyùy Tàr, e toòmé liì kisaŋ, a cù anyùy ve səné.»


Éè Jerusalem, vèn wáa yen, là bey, bo m lo, e bìn ndzə̀m e vèn, e yiì, é láʼ yéné kfə́n ji vifə̀m, é la wìr yòʼ a dzə sho.»


A tàm vèn lò, a ghay jii, «Yiì ka, é bo vinyo vìn vi wáa koóy ver? Yiì ka, é bo á tiíné ndzə̀y sér, e lòvtí e vèr ben?» Kù dzə̀ bìʼ yii yén kisaŋe ye á yiìn ne, e tònén.


Fo kee mo vé‑eè dzəən wò ki, yì‑iì dzə̀ é kishiíy fó, a bó wìr wóo jàv kisuy ké yòʼ‑oò dzə̀, a bó wóo sù, kìn e sòr, e bóo boo e ndzə̀y sí yòʼ‑oò ló a dzə.


Àbaày Jerusalem, vifǔmbèʼ, yuúrí kinyo ke Nyùy Tàr yoŋ ki.


M wíy màʼ wò aáwuné wo, aá bvə́ʼə́y láʼ sé se visàkì sìn, e sàʼtì virə́ʼ vee fo wò‑oò cu mebvə̀m. Áwune wíy kuúy ndzə̀y sé, e siy vifá vé ve sùsù vidzə̀m, e màʼtì wò, áà siíy, a dzə kinshóʼ ŋkuuŋkùŋ.


Wíy lòo dzə e kishiíy fóo fèy, é síi səə́né wónlě ŋgòn ve juŋe wùn à wónlě nsùm ve tavkíné, aáwune ku gbù a dzə̀ kilòŋ ke yumén kee shooy.


Swiv nou:

Piblisite


Piblisite