Biblia Todo Logo
Bib sou entènèt

- Piblisite -




Hosea 2:4 - ŊWÀʼ NYÙY

4 Bó yòʼ dzə̀ féyì feyì m yiì rə̀r mendzən me won və́, bìʼ fo dzəə̀n wón ve á dzəən é kwaʼ viŋkar.

Gade chapit la Kopi




Hosea 2:4
17 Referans Kwoze  

Gomer kfən tìím bvəm, e dzə̀ə́ wán wiíy. Nyùy Tàr suúy e Hosea jii, «Shù yír wan və̀ne ji ‹Làmèndzən›, bìʼ fo bó m yòʼ dzəə́ wìy rər mendzən me wìr veé Isray, kìn féyì ji m laysin ajay vév.


Yì‑iì dzə̀ é ghan se Nyùy Tàr‑iì kèʼèn, a suŋnín e Hosea ji wù lo ntum rə, wù‑uù sùúy shó jii, «Dùu, e tàʼ wiíy, e wày é lav, lóo way, à wàa kiíy ji yeè lav wò və̀n wíy a ghan a ghán kisaŋe, e dzəə́ wón é ndzə. Kù dzə̀ kíwun ke wír vémé yii e mò. Á ŋwày ne mo woo Nyùy Tàr, e toòmé liì kisaŋ, a cù anyùy ve səné.»


Bìʼ bey, m lo, e dìn dòʼshwíiy wom aáwuné kitu. Bó m yòʼ lo, e leéy, e bavtí, a bó m yòʼ yíi a rər mendzən mev. Aáwune fèn tòŋ e mǒ vitùʼùr, a waamé waamén, bo bó m yòʼ yíi yuurí.»


Wun yíi a lì wír, a fòr a wùmòʼ shó, à ŋgàywìr, à wánlè, suuy a wun woo Nyùy Tàr. Yòʼ dzə̀ wun yiì rə̀r á mendzən mev, e shàm á áwune, e lèm a ji á goʼ atin.


A kí dzə̀ jii, Nyùy wíy lòo tàr ké wìr kee kinyo, é la wù yòʼ a rər a mendzən fo wìr wo bó wù yòʼ‑oò ló a rər sa fo wír ámóʼó. Yii bèy, lóo dzə wír wo wù‑uù rə́r mendzən me wír ámóʼó, é Nyùy rə́r sá mvə́ə.


Vèn wáa yen rì mo Nyùy yii yii vinyo və́. Wìr jáy, wù màʼ ŋgeʼ sho, e rə̀r mendzən fo wo wù tóŋ fo wun. Vèn ku nèn a yu a dzə̀ fo wun fo wù faari sá ven, e màʼày.


Kee shoon ki nén a dìn ji Nyùy lo, wù shàm wír a dzə̀ á mo wù kòŋèn. Wù koŋ, wù yiì, wùmòʼ wàa tav a dzə̀ kitú.


Vèn yii kinyo a dzə̀ ké wóon woo tàr.» Áwune nèn sàyín jii, «Vèr yòʼ dzə̀ atáfójiy, vèr kì tàr wor e mòʼón, a dzə̀ Nyùy.»


Nshìylav Nyùy Tàr nèn a ghay ké wìr veé Juda jii, «Éè Nyùy Tàr, wò woo Taà Mànjòŋ, à wíy shwiíy kilòŋ vèn à wír veé Jerusaleme, e shwiíy vèn à ŋkà se laʼ seé Juda si, e dù meé e le? Mo siìn lèn ji kiyá msaàmbà, bo ví bèr visìʼín, é bo à kfən shàm áwune?»


Á bèy, kém kí nén a dzə sa jii, bó yòʼ dzə̀ m lèéy áwune, e bàvtí, a bó m yòʼ yíi rər mendzən mev. M yíi lovtí aáwune mo njiìn wov dzəə̀n.»


Nyùy Tàr kfən sùúy jii, «Lá à yòʼ a nəə́ e ŋgày kpu, lá à yòʼ a dù kpú ye diyìné, kìn ji à du kinsham. M fə̀ə́r ne kiwó kém fo wír vìné kinyò. Suuy mo woo Nyùy Tàr. M yòʼ dzəə́ wìy a fo nyaáŋ e wír vìne, a bó m yòʼ dzəə́ wìy a dìn koŋ yém aáwune, e bóo fə̀m a sham.


«Yii bèy, ven vee wón aŋgàa səm, ven vee rám vé kinjàŋ wùn aàsàkìi, vèn kóʼtí fen, e yuùrí kinyo ke m yoŋ ki.


Sí sooyì, tám se vici sí yúm, béʼkirì, é vikìy wáa wìy, a siv ji meŋkaʼ. Rúrú, wír vìne ter fo vinyò e kúmé, a Nyùy Tàr wo wù‑uù bomen áwune yòʼ wíy sham áwune. Wun wo wù‑uù bomen áwune yòʼ wíy dìn shammèndzə̀n aáwune.


Joram yén Jehu, e dzə̀r shó jii, «Jehu, wiy rə̀ne kù dzə̀ ye juŋe a?» Jehu bìnèr sho jii, «A dzə̀ wàa dzə ye juŋe é le, aànyùy kisaŋe wùn à virim ve yè won Jesebel vi kù kuʼ kùʼùn ben?»


M wíy dìn wò mo dòʼshwíiy wom dzəə̀n, e màʼtì wír vìn, aá nyavri e wò là mendzən. Áwune wíy shoʼ yúy yé, e shoʼtí vituʼùr vé, wìr bér fo wò mvəm, aá yúyrí e nyùy rə̀r. Á wíy koo wón vé vee vilum, e koo vee vikìy, é və́yí laar kibér.


Áwune shwèy ne Nyùy Tàr, e dù a yen a dzə̀ anyùy ve səné, a wón ve á kéríi yòʼ dzə̀ vé Nyùy. Bìʼ bey, ŋkàʼ se á lem e kitu ke ŋwee ji sé Nyùy si ló, e bìnkìr, e laàr áwune láarin, à nsay yev shó.


Nyùy Tàr nén a suŋnín, a suúy jii: «A fèn dzə̀ rú ji mò‑oò fə̀ə́r yè won woo Jerusalem, vèn dìn ri ŋwàʼ woo ji mò‑oò jùm wune. Wìr wo wù kaá mo, é bo m wáa fiìnè ven ji m laʼ kaá dzə̀ la? Vèn yuúrí, vé‑eè koòrí ven, e dù sho e kitum kímóʼ kí, a kù dzə̀ bìʼ vinyo vén ve bi ví. Rúrú, kù‑uù yiì liì won kisaŋ, é bo á koórí ven.


Swiv nou:

Piblisite


Piblisite