Hosea 2:3 - ŊWÀʼ NYÙY

³ Roomè, wù tén fóo neèr liì woo shooy, bo m lo, e kweèy ndzə̀y fó wùn wó, e kweèy bèn, é wù wáa dzə mo vé‑eè dzəən wun. M yíi yiì, é wù kpú kilòŋ ke yumén kí, e yiì, é wù yúm, e kàʼkír moo kirə́ʼ ké woʼ, e yum bèn moo nsay ŋgaŋ.

Hosea 2:3 Referans Kwoze

Esiker 16:22

À lóo shoʼ virom, a kfər virim e visàkì vé vi bey, e làa yòʼ dzə́ə a kuumé vishiíy ve wò‑oò dzəə̀n e bór, búʼ e wò mvə̀m mensə kinshóʼ, là kifá.

Esiker 19:13

Lèn və̀n, á bìy ne kitiír kin a dzə̀ é kirə̀ʼ ké woʼ kí, kirə́ʼ, a dzə̀ nsay ŋgaŋ, là shindzə́v.

Jeremia 13:22

A tàm vèn lò, a ghay jii, «Yiì ka, é bo vinyo vìn vi wáa koóy ver? Yiì ka, é bo á tiíné ndzə̀y sér, e lòvtí e vèr ben?» Kù dzə̀ bìʼ yii yén kisaŋe ye á yiìn ne, e tònén.

Ŋgaà Yen 17:16

Mo loŋ se nyàm se m yén sìn si dzəə̀n afon e ghvə̀m, áwune wíy lò, aá nèn tàtí wùn à nyàm ye beemén rə̀y, a bàn wiíy woo sàkì və̀n. Á wíy kàr vifá fo wùn wó vidzə̀m, é wù wáa tiy kinshóʼ, aá wóʼ nyám fo wùn wó, e kfər, e tòn vighvə́r.

Jeremia 51:43

Ntèʼ see fó si wíy dù e vifə̀m, a beemé. Sí wíy lò, e dù ji woŋ kinjúme, e dù ji wóʼ. Kirə́ʼ, a bó wìr yòʼ wíy a dzə fo, a bó yòʼ fə̀m dzə̀ wìr wìy a shaà fo.

Jeremia 22:6

Kinyo ke Nyùy Tàr suuy kùm ntoʼ Juda ki dzə̀ jii: «Yì yaáne fo mò moo nsay Gilead, rəsìn moo Gwan Lebanon. Yii bèy, a m yíi siìr fó ji wóʼ. Fóo yíi kfən ji ŋkàlaʼ yee là wír.

Jeremia 17:6

Ŋwèrín dzə̀ moo vikwiíy veé wòŋ siy, wù yòʼ wíy yen ghán se vijuŋ vi wiyì. Wù kù wíy a dzə a dzə̀ é nsay ŋgaŋ e kirə̀ʼ ké woʼ kí, nsay shiŋgwaŋ fo bó wìr yòʼ dzə́.

Jeremia 13:26

Mómò kitú kém, m yíi nàn ndzə̀y fo věn sar, é kinshóʼ kén kí yénsín.

Jeremia 12:10

Vé saʼ vee vitúme bìvír ne súm wóm vitiír vé *vayin. Á fòr ne kwáʼ wóm fórin. Á lòvtí ne e nsay yem ye juŋ lóvtín, yì kfə́n ji wóʼ.

Jeremia 4:26

M kfən yèn, a nsay ye juŋ ló ne, e dù ji wóʼ, a ŋkà se laʼ see fó si sì é vifə̀m, a kù yii dòʼshwiiy Nyùy Tàr woó ŋàŋ.

Jeremia 2:31

«Éè ŋgwàʼ yeé Isray, vèn yuúrí, e yù jí Nyùy Tàr. Mò‑oò ló a ker ven a dzə̀ e wó ŋgeʼe á? Mò‑oò lo màʼày ven é woʼ, kìn é ndzə vitsə̀ʼ á? Yiì ka, é bo wír vémé wáa suúy jii, ‹Vèr fəə̀ ne fo wo ŋgeʼe lèn, a bó vèr yòʼ dzəə́ yìi kfən e Nyùy sar saʼ?›

Jeremia 2:6

Áwune yòʼ‑oò ló a beè Nyùy Tàr é kinyò kímóʼ kí, Nyùy Tàr wo wù‑uù fəərin áwune fó nsay Ejiv. Nyùy wo wù‑uù tsəənen áwune é woʼ, woŋ siy, fo visóʼsóʼ ví dzəə̀n, woŋ kinjúm, a wú sə́n, e làŋsìn, woŋ, a bó wìr yòʼ yii shaa fo, woŋ, a wìr yòʼ yii dzə́ fo.

Aysaya 64:10

Ŋkà se laʼ se wò‑oò shoʼon, e lèm ji see jeéy ji wír vée wáa dzə sho, ké lèn ki, sí sí tíynin kisáŋ là wír moo wóʼ. Rúrú, Sion kfə̀n ne ji kirə́ʼ ké woʼ, wun woo Jerusalem dù ne e vifə̀m.

Aysaya 47:3

Á wíy kweèy ndzə̀y fo wò wùn, áà wáa ghan e wóŋé ndzə, é wìr dzə̀m yén kinshóʼ ké. Feyì feyì, m kér fó wìy siìr ŋkfə́tír, e màʼ ŋgeʼ e wò woo Babilon kitu, là nyaʼ.»

Aysaya 33:9

Nsay kù sí diy moo wír wo wù dìyìn kpú, vitaáví ví máy. Vicí vé *sidar veé Lebanon vi yùm ne, a tiy moo wír wo wù bùʼùn kinyo, a woomé. Nsay ye borín yee Sharon sì ji wóʼ lèn, vicí veé Bashan wùn à veé Gwan Karmel vi sòóy ne vidzə̀m.

Atǎr Nsaʼ 15:18

Kilòŋ kí nèn a yum Samson e ŋàŋ, wù tóŋ e Nyùy Tàr, e sùúy sho jii, «À fò ne ŋgaà wò lìm vitaáví, wù yóv nsiì e wír vìné kitu, bo à lo, e màʼtì, é m kpú kilòŋ ke yumén kí, é wír ve á yoʼ sàŋ mbèʼ sév víne koó mo a?»

Ŋwàʼ Fəə 17:3

Kilòŋ kí kú a yum wíri yúmén, á wáa bashí Mooser, a suúy jii, «Wò‑oò lì ver fó Ejiv, e wìy sho fèn ji ka? À taʼ e yiì, é vèr à wóné, à nyám sér sí kpú kilòŋ ke yumén kí a?»

Hosea 2:10

M wíy kweèy ndzə̀y fo wun wùn, e ŋkar sə́ sí si, é wù wáa tiy kinshóʼ, kù ji sàkì və̀ne, a bó wìr yòʼ wíy a dzə wóo bòyìr wun woo Isray fo mǒ wo.

Jeremia 14:3

Aŋgàa kav véví tùm ne vé lìm vév ji á tú mendzə́v, á dú fo visə̀m ví dzəə̀n, e dù, làa yoʼ yen mendzə́v, a kfən e vitém vi viyúmér, kfə́n, woóme, méŋ fo á dzəə̀n, nèn litì sí yév.

Hosea 13:15

Fə̀m mo vikuʼùy ví nəə áwune, shaa afə́r vév, m yíi tsənsí shwér wo yumérí fó kirə̀ʼ ké woʼ, é wú yúmér ntòŋ sév sé ndzəv, e yùmér ndzə́v sév se tuŋén sí. Á yíi faàsì kifá kidzə̀m ke áwune lèmèn é vitàv, e kuúy bèn, e dù sho.

Jeremia 51:5

Mo woo Nyùy Tàr woo Taà Mànjòŋ, mo wo m dzəə̀n Nyùy Isray wùn Juda, m yoʼ màʼày áwune, fə̀m mo áwune bùʼtìn ne vinyo woŋ wóv e dzə̀m, e jày e mò, mo wo m dzəə̀n Ŋgaà wo Ranén woó Isray.»