Hosea 2:2 - ŊWÀʼ NYÙY

² «Yii bèy, lèn və̀n, vèn roome Isray woo yè won. Bó wù yòʼ dzə̀ə́ yeè lav wom, a m yòʼ dzə̀ə́ lúm və. Vèn ku roòmè ji wù yar á liì joònè, e yàr viŋkar ve wù gháné.

Hosea 2:2 Referans Kwoze

Aysaya 50:1

Nyùy Tàr nén a suŋnín, a suúy jii: «A fèn dzə̀ rú ji mò‑oò fə̀ə́r yè won woo Jerusalem, vèn dìn ri ŋwàʼ woo ji mò‑oò jùm wune. Wìr wo wù kaá mo, é bo m wáa fiìnè ven ji m laʼ kaá dzə̀ la? Vèn yuúrí, vé‑eè koòrí ven, e dù sho e kitum kímóʼ kí, a kù dzə̀ bìʼ vinyo vén ve bi ví. Rúrú, kù‑uù yiì liì won kisaŋ, é bo á koórí ven.

Esiker 23:45

Wír vee jwáʼa kù wíy tinén nsaʼ yev, a njò yev kù dzə̀ visàkì wùn à kinjuyrì ki, bìʼ fo áwune‑eè yii visàkì, kfə̀n yúyrí wíri.

Jeremia 3:13

Ku biìmé a dzə̀ liì kisaŋ wo wò‑oò yiìn. Wò‑oò táv kitú vèn Nyùy Tàr woo Nyùy wò, ghvə́m anyùy a dzə̀ vé vitum, du, cu e sar se vici ve rəŋsìn ví vidzə̀m, e làa yòʼ a yunín mo gheéy. Suuy mo woo Nyùy Tàr.

Esiker 16:25

Virə́ʼ vidzə̀m, à báʼrí kitaàtì fo, e sàŋrì kitú ké fo, a bi anshaàdzəə̀ là nyaʼ, e siìr viŋgòn vé e joònè, a visàkì vé vi kúy kuyín kishiíy kidzə̀m.

Jeremia 3:1

«A lùmèn fə̀ə́r wiíy, wù du, wìr wo sən li, e wày é lav, a dzə̀ wù kfə̀n sə̀, e siìr e lav à? Bo bó yòʼ sì kon, a nsay yíi bir, e fòy fòyìn a? Isray, à yiì ne visàkì vèn à vé ve viŋkari anín. À kfə̀n sí wiy ji à yén mo a? Suuy mo woo Nyùy Tàr.

Hosea 2:5

Yè wov dzə̀ sàkì, a wù yòʼ kér dzə̀rkìtu, bóŋ bvəm e ndzə, là woómé. Wù lo, wù wàa sevtí jii, ‹M kér fó a jùmrì vilum ve á koŋ mo, aáwune wáa geʼ e mò, a fo viyíkìr, a fo mendzə́v, a fo ndzə̀y wùn à meŋgvə́r me *oliv mè, é m kfə́n a koóy bàr kifa wó a bàʼ shuu sho.›

Hosea 1:2

Yì‑iì dzə̀ é ghan se Nyùy Tàr‑iì kèʼèn, a suŋnín e Hosea ji wù lo ntum rə, wù‑uù sùúy shó jii, «Dùu, e tàʼ wiíy, e wày é lav, lóo way, à wàa kiíy ji yeè lav wò və̀n wíy a ghan a ghán kisaŋe, e dzəə́ wón é ndzə. Kù dzə̀ kíwun ke wír vémé yii e mò. Á ŋwày ne mo woo Nyùy Tàr, e toòmé liì kisaŋ, a cù anyùy ve səné.»

Jeremia 19:3

M yií du, m yòŋ á jii, éè afon veé Juda wùn à wír veé Jerusaleme, á yuúrí á kinyo ke Nyùy Tàr woo Taà Mànjòŋ, wun woo Nyùy wìr veé Isray suuy ki. Wù suuy jii, «Vèn yuúrí e yù, m yíi màʼ ŋgeʼ ye tavín é kirə̀ʼ fen, wìr wíy yú, é wúné kuúsí wun.

2 Korin 5:16

Kí nén a dzə jii, kèʼ fo lèn, vèr yòʼ dzəə́ leey kinyo ke wìr e vifií ve dzəə̀n vé wìr vi. Vèr sí leey a dzə̀ e vé Nyùy vi réŋréŋ mo Kristu‑uù dzə́ e nsay fèn, a vèr leey kinyo kfə́ mo wíri yii leeyì, a bó vèr yòʼ dzəə́ leey bèy.

Esiker 23:43

«M leéy bey, a ghay jii, ‹Áwune sà kfə̀n kì yíi a koo viŋkar wùn à vikìy víne, a visàkì vi réŋér ne a?›

Esiker 20:4

«Wàn wìr msòŋ, mo wò‑óò sov kinyo kév á? Wò‑óò wáa sòv a? Kuúmé ri jooně atàr véví aáwune,

Esiker 16:20

«Ké won ve wòsò‑oò dzəən, à lí, e tòn, e cù mebvə̀m sho. Kinyo ké ke visàkì kee shó ki‑iì dzə̀ moó le,

Jeremia 2:2

«Dù, a tiisí, é wìr dzə̀m woó Jerusalem wáa yu ji mo woo Nyùy Tàr suuy a jii: « ‹Isray, m kuúme mo wò‑oò wayin shilív e mǒ wùn, aà dzə̀ə́ ji wánlè ŋgòn. Wò‑oò koŋ mo é ghan se wòsò‑oò tatin vijín. Wò‑oò jumrì mo é kirə̀ʼ ké woʼ kí, nsay, a bó kifá ki yòʼ kúy sho.

Aysaya 58:1

Nyùy Tàr suuy jii: «Vèn fúŋ kitávín, e tiìsí ntum rə̀n. Vèn nan jí si, é sí wáa koo mo á tóŋ a dzə̀ sóŋ. Vèn tóʼ ajay ve wír vémé jáyíi, e sàr vinyo ve bi ve áwune vee rám Jakovi yii vi, aáwune yú.

Hosea 2:1

«Á bèy, vèn wíy a yòŋ afə́r vén vee wír veé Isray ji ‹Wír Nyùy›, a yòŋ ji ‹Wír ve Nyùy shamen.›»

Hosea 4:5

Ven vee atàá cù, vèn yíi a bàyrìn, a gbù e shùy wùn à vitsə́ʼə́, é wír ve á dzəə̀n ji aŋgàa ntum vémé wáa gbùkìr sa bèy vitsə́ʼə́. M yíi laàr Isray woo yè won.

Aysaya 11:12

Nyùy Tàr wíy nàn cícíwàr ji vitúm vidzə̀m vi fiʼ yèn, nanè, é wù báʼtí wír veé Isray ve vé‑eè jùmèn fo áwuné nsay. Wù wíy baʼtí wír veé Juda ve á dzə́ e vitum vímóʼ ví vinín, aá wiykir fó buu se ndzə sidzə̀m, e tàr kirə́ʼ kimòʼón.

Jeremia 3:18

Ghán sin si dzə̀, a wír vén vee rám Juda wùn à vee rám Israyi wíy tatí, e fəə fo vitum veé mbìv yee kuy, e kfən e nsay ye mò‑oò foon áàtǎr ram véné ji vitsə́ʼ.› »

Mayka 2:13

Kí nén a dzə̀ jii, Nyùy wíy mvə̀ʼ dzə́ə, aáwune fəə́ fó kwaʼ vikwàn. Áwune wíy kiv shúu kày woó ŋkàlaʼ, a dù là kindzə́m, a Fòn wov woo Nyùy Tàr wíy shem mbìy, a tsəəné áwune, a fəə sho.