Hosea 2:16 - ŊWÀʼ NYÙY

¹⁶ «Ke mo woo Nyùy Tàr suuy ki dzə̀ jii, kishiíy kee shooy ki wíy gheén, é wù kfə́n a yòŋ mo ji lúm və, e làa yòʼ dzə́ə a yòŋ mo ji Baal wo wù kér wun.

Hosea 2:16 Referans Kwoze

Aysaya 54:5

Lum wò kù dzə̀ə́ wun woo Ŋgaà Mbom wò. Yír yémé dzə̀ Nyùy Tàr woo Taà Mànjòŋ. Dzə̀ mo Ŋgaà wo Ranén woó Isray, a tìn mo wò fo ŋgeʼ, a kù sáʼ mo kitú ke nsay kidzə̀m.»

Hosea 2:7

Wù wíy a leʼnín aàŋgàa ŋkòŋmé vəə́ bàm, a bó wù yòʼ wíy yen. Wù wíy a tàʼ áwune e waá shuù, a bó wù yòʼ wíy shov e si. Kí kooy bèy, é wù nèn sùúy jii, ‹Mo‑óò kfə́n ri e bàm fo lum wóm wùn. Mò‑oò dzə́ fo, yú vijuŋ, e shaà dzə́ ye m dzə́ rə̀n.›

Jeremia 3:14

« ‹Wónen, ven ve á ŋwayin mo, vèn kfə́n é bàm e mǒ wùn, kù kér mo ven. Suuy mo woo Nyùy Tàr. Vèn kfə́né, é m shóʼtí wir mòʼón mòʼón fo ŋkàlaʼ, e shòʼtí fo kfəə abaà abaà, e lì, e dù sho e Gwan Sion.

Ŋgaà Yen 19:7

Á wáa sheʼrí, a sàvnìn, a koʼór yír rə́. Ghán sí ghèén ne se Wàn Njiì Nyùy yíi koóy wiíy və, a jìn bàʼtí ne, a shìy shìyìn.

2 Korin 11:2

Vèn wáa kiíy jii, m kíyri ven mo Nyùy kìyrí wír və́, bìʼ fo m juùrìn ne ven e Kristu ji kù sì wun lúm won, a m yòʼ taʼ ji wìr wo sən kfən kùm ven.

Joon 3:29

Wìr wo wù kooy jín dzə̀ lum jìn. Ŋkar rə lóo tiy fo ghaŋ, lóo yu mo wù yoŋrì, wù wàa sheʼrí sheʼrín. M nén a dzə sa moo ŋkar lum jìn, a sheʼrí lèn feyì.

Kèʼlo 34:3

Mo wù ghatin bey, Dina woo wan Jakov nəə́ e wun shiliv, wù nèn kèʼ mboòrì.

Atǎr Nsaʼ 19:3

Lum nèn ŋàʼáy, a dù fo, ji wun fiʼ dù, e boòrì ji wù kfə́n á e bàm. Wù lòo dù, e lì wír və lìm wùn à vimbèʼbìy ví vibaà. Wù dù, e mày fo, wiíy səə́sí wun, e dù sho e tàr wóv lav. Tàr wov yén wun, e səə̀sí wun e kishéʼrì ki.

Ŋwàʼ Rut 2:13

Rut suúy jii, «Kí bòŋ, áà kú a kòŋ mo bey, tàr wor. Jí sé se juŋ si, se à súŋnin e mò sí yiì ne, shilív shí rə́sín mo, mo woo wánlè wò, a bó m yoʼ fə̀m mèé e wan wò lìm wùmòʼ.»

Aysaya 40:2

Vèn kú a suŋnín lám wo juŋe, a rəə̀r wír veé Jerusalem sho jii, ghán se áwune‑eè rə́si yén ŋgeʼ ye tavín sí shaà a ne, aá làysìn a ne ajay vév. Fə̀m mo Nyùy Tàr màʼàn ne ŋgeʼ aáwuné kitu, e tòm e ŋgeʼ, bìʼ vinyo vidzə̀m ve áwune rə́si buʼtì, ké lèn ki, wù shàm á ne áwune.»

Esiker 20:35

M wíy lì ven, e dù sho e woʼ ye vitúm vi kaarin, e tàr, é vèsən tiím é kibàʼ, é m din kisáŋ kén fó.