Hosea 2:12 - ŊWÀʼ NYÙY

¹² M wíy laàr vitiír vév vé *vayin, e laàr vicí vév vé *fig, vifá, a Isray yoŋ ji dzə̀ vilaʼày ve alúm vəə́ fó e wun. M wíy yiì, é súm sin si kfə́n ji kóv, é nyám se kwaʼ si laar.

Hosea 2:12 Referans Kwoze

Aysaya 7:23

«Virə́ʼ ve Fòn yén vìn ji súm se vitiír vé *vayin vi dzəə̀n shó nyanyày, súm se dzə̀ á fiìnè *ashekel ansə̀kì ansə̀kì, wíy lòo dzə e ghan fóo fèy, é wáa kuy a vimbìn wùn à vitiír vé njoŋ vi fó.

Aysaya 5:5

Ké lèn ki, vèn maʼti, é m suúy kinyo ke m lo, e yiì e súm wóm və́ne. M lo, e gwàr vinyáʼnyaʼ fó wǔn kày, gwarì, é m saʼ virə́v vé kày vidzə̀m, é nyám si fiʼ nə̀ə́ sho, e ndzə̀ə́y kifá kidzə̀m fo fo, ndzəəyì, é sí nyeŋ súm, é wú kfə́n é ŋgèŋgèr.

Hosea 13:8

M yíi ghiʼ ven moo nyám ye á yoŋ ji *bear ye á koon wán və, e ghar ven, e shùʼtì bvəm sén. M wíy sàʼtì ven moo bvərə̀ʼ, e lovtí e vèn mo lòvtí nyam kwaʼ.

Hosea 2:5

Yè wov dzə̀ sàkì, a wù yòʼ kér dzə̀rkìtu, bóŋ bvəm e ndzə, là woómé. Wù lo, wù wàa sevtí jii, ‹M kér fó a jùmrì vilum ve á koŋ mo, aáwune wáa geʼ e mò, a fo viyíkìr, a fo mendzə́v, a fo ndzə̀y wùn à meŋgvə́r me *oliv mè, é m kfə́n a koóy bàr kifa wó a bàʼ shuu sho.›

Mayka 3:12

Kí nén a dzə jii, bìʼ liì won kisaŋ, á yíi lìm Sion e njà sùm, é Jerusalem və̀n kfə́n é vifə̀m, é gwan woo fo lav cù Nyùy Tàr dzəə̀n kwiíy, e rə̀ŋsìn.

Hosea 9:1

Éè wìr veé Isray, vèn yar ŋkàʼ se vèn yí, shéʼri a dzə̀ anyùy vitum si. Vèn bìn ne ndzə̀m e Nyùy won, kù mo wiíy màʼày lúm, e fəə̀ visàkì. Vèn shéʼri anyùy kisaŋe e věn virə̀ʼ ve vèn búʼ sáŋ shó vidzə̀m, shéʼri, ji sì á vilaámé vé cù ye vèn cu áwune.

Jeremia 26:18

«Yì‑iì dzə̀ é ghan se Hesekiya‑aà dzəə̀n fon woó Juda, Mayka woó Moreshet tiísí sá ntum Nyùy. Wù‑uù sùúy e wìr dzə̀m woó Juda ji kinyo ke Nyùy Tàr woo Taà Mànjòŋ yoŋ ki dzə̀ á jii: « ‹Á wíy tuŋ Sion, e bìnèr moo súm bey, é Jerusalem kfə́n, a neŋ e vikfər vikfər, é gwan woó lav cù kwiíy, a dzə ji kóv.›

Jeremia 8:13

M wíy ndzəə́y vifá vév veé sum, é la kifá ki yòʼ dzə́ə a dzə e kitiír ké *vayin kìn é kici ké *fig. Fə̀m à vav si, sí wíy soóy. Kifá kidzə̀m ke m foon aáwune kí wíy lày. Suuy mo woo Nyùy Tàr.»

Aysaya 29:17

Nyùy Tàr yòʼ yíi siìr kóv woó Lebanon ji súm é bǎm shintàm à? Wù yòʼ yíi siìr sa súm, é sí kfə́n ji kóv a?

Nsùyrì Nyùy 80:12

À bàʼ lèn kay ye yí gìŋèn wun, e tàr bìʼ ka? Anshaàdzəə̀ adzə̀me sí koy tútúʼ və, kfə́rí.

Jeremia 5:17

Áwune wíy laàr vifá vén, e laàr viyíkìr fo kwaʼ. Áwune wíy laàr wón vén vee vilum, à vee vikìyí. Áwune wíy laàr ŋgoo sén sé bvəy, à sé nàʼ si. Áwune wíy laàr vitiír vén vé *vayin, à vicí vé *fig vi. Vé rərí wíy kètì ŋkà se laʼ sén see vikum, se vèn tiirin vifií shó.»

Jeremia 13:26

Mómò kitú kém, m yíi nàn ndzə̀y fo věn sar, é kinshóʼ kén kí yénsín.

Hosea 5:14

A dzə̀ bìʼ fo mómò kitú kém, m wíy ghiʼ wír veé Isray moo bvərə̀ʼ, e ghiʼ wír veé Juda moo kintav ke wàn bvərə̀ʼ. Mo və̀n, m wíy sàʼtì áwune é vinsàr vinsàr. Saʼtì, é m nèn màʼtì áwune, a dù. M wíy sə̀ŋ áwune, e fəə́r, a bó wìr yòʼ wíy sə áwune.