Hosea 2:11 - ŊWÀʼ NYÙY

¹¹ M wíy màyìr ŋkàʼ sidzə̀m fo Isray, kìn dzə̀ woó kitu ke kiya, kìn dzə̀ wo á rə́si kishiíy ké mbìy ki fó ŋwee, kìn wo á bám a dzə̀ vishiíy vímóʼ ví é kiya, kìn dzə̀ sá wo á lem kishiíy ké bam keé kitu ke ŋgàm.

Hosea 2:11 Referans Kwoze

Amos 5:21

Nyùy Tàr suuy jii, «M ban vishiíy vén vé ŋkàʼ, leey feyì, taʼ ntéŋ, a bó m yòʼ leey kitár kén kee ji á bunrì mo, yú vijuŋ.

Amos 8:5

Vèn lo, vèn wàa shwemkír ven ven jii, ‹Ŋkàʼ woó ŋwee wo fíyi yíi mày e ghàn ka féyì, é bo á kfə́n a kavnín wáy, a bìn vifá ve yi. Kishiíy ké bam ki lo, e mày e ghàn ka, aá fiʼ mvə̀ʼ kitáv ké saàr, e kèʼ wáy. Vèr kér fóo fàr mfìʼ, a màʼ vifá shishàr, a koóy mbàm nyanyày, a boʼ vé yune e kilu mbóʼmé.

Jeremia 7:34

M wíy yiì, é la á yòʼ dzəə wìy yù léŋ kisheʼrì, kìn wó vijùŋ, à yòv vijìn é ŋkà se laʼ seé Juda, aá yòʼ wíy yu sa e dzəə seé Jerusalem, bìʼ fo woŋ dzə̀me wíy kfən ji woŋ kinjúme.

Jeremia 16:9

Kinyo ke mo woo Nyùy Tàr woo Taà Mànjòŋ, mo woo Nyùy wìr veé Isray suuy ki dzə̀ jii, ‹M wíy màyìr léŋ kisheʼrì wùn à wó vijùŋe, à ŋkěŋ vijiné fó kirə̀ʼ fen, a kí wíy koóy, é vèn yén e sí yéné.›

Nahum 1:10

Á kù wíy laàr ven láarin, é ven vee amfoòkìnoó shwí, mo kinshaàrì ki shwì, e rèŋ.

Amos 8:3

Kishiíy kin ki wíy gheén, é vikìy ve á yov luŋ e ntoʼo wáa toŋnín, a shèŋ kitú. Dzə́n sé wíri sí wíy a neŋnín virə́ʼ vidzə̀m, a bó à yòʼ dzəə́ yú kikwe ke kifa.» Suuy wun woo Nyùy Tàr woo Taà Ndzə.

Hosea 3:4

Kù dzə̀ sá réŋréŋ mo wír veé Israyi wíy dzə̀ʼə̀m ntàmda, là fon, kìn taà ntoʼ. Áwune yòʼ wíy a yiì cu, a bó á yòʼ wíy a ker sə́y se á yii cu fo, kìn atàá cù, kìn mebvə̀m mé a ghvəm.

Esiker 26:13

Á bèy, é m sər yòv won, é la á yòʼ dzəə yù ji lúŋ nshì é ŋkàlaʼ.

Jeremia 25:10

M wíy yiì, é la á yòʼ dzəə wìy yù léŋ kisheʼrì kìn wó vijùŋ aáwuné mvəm, aá yòʼ wíy yu sa yòv vijìn. Á yòʼ wíy yu fo á jo kibán, a bó á yòʼ wíy yen fo á sə̀ʼə̀n kikaʼày.

1 Afòn 12:32

Wù kfən sìysì sa kishiíy ké və́ woo ŋkǎʼ Nyùy wo á wáa yi e kishiíy kee nshòv sitàn e ghvə̀m fo ŋwee woo waamé. Ŋkàʼ və́ne dzə̀ moo wo wú‑uù dzəə̀n é Juda bèy. Jeroboam ku nèn a cù anyùy vee wón nàʼ ve wù‑uù fèrìn, é kiy cù woó Betel. Wù kfən lèm sa atàá cù fo ve á wáa leéy virə́ʼ vé cù ve wù‑uù bomen é vitu ve agwan.

Hosea 5:7

Áwune shwèy ne Nyùy Tàr, e dù a yen a dzə̀ anyùy ve səné, a wón ve á kéríi yòʼ dzə̀ vé Nyùy. Bìʼ bey, ŋkàʼ se á lem e kitu ke ŋwee ji sé Nyùy si ló, e bìnkìr, e laàr áwune láarin, à nsay yev shó.

Cù 26:20

Vèn wíy a bvəʼtí wún é lìm kisáŋ, bìʼ fo nsay yen yòʼ wíy a fəə́r kifá ke yi feyì, a bó vicí ví yòʼ wíy a koóm báŋ si gheéy.