Hosea 2:1 - ŊWÀʼ NYÙY

¹ «Á bèy, vèn wíy a yòŋ afə́r vén vee wír veé Isray ji ‹Wír Nyùy›, a yòŋ ji ‹Wír ve Nyùy shamen.›»

Hosea 2:1 Referans Kwoze

1 Pita 2:10

Vèn‑eè dzə̀ fó mbìy, a bó vèn yòʼ dzə̀ wír Nyùy. Á bèy, vèn sì wír və́ lèn. Nyùy yòʼ‑oò ló a sham ven fó mbìy, a wù shàm ne lèn.

Hosea 2:23

M wíy dzə̀ʼə̀r Isray aáwuné nsay, aá kuʼkir. M sí wìy a sham kitúm ke mò‑oò yoŋ ji ‹Làmèndzən.› M sí wìy a yòŋ wír ve bó yòʼ‑oò dzəə̀n wír vém lèn ji ‹Vém vee wír›, aáwune wáa binsí sa mo ji Nyùy wov.»

1 Timoti 1:13

Mo m fə̀m‑eè dzə́ fo mbìy, suuy vinyo ve kisaŋ vi é bàm wó, kuurì wun, ron wuú wìr və́, wù ku yòʼ lì mo é lìm fèn. A wù‑uù shám mo, bìʼ fo mò‑oò yii vinyo vìn, a bó m yóʼ ne kìíy wír wo dzəə̀n Kristu, e làa yòʼ a kiíy ji m jáy a jayín.

2 Korin 4:1

Mo ver vee aŋgàa ntume lim e dzəə̀ Nyùy ye fíy rə̀n, kiiy ji lì wun woo Nyùy ver, a wù shàm ver shámén, vèr ku nèn a lìm, e làa yòʼ a dor gheéy,

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »

Esiker 37:27

Kirə́ʼ kém ké dzə ki wíy a dzə aáwuné ntìntìn, é m wáa dzə Nyùy wov, aáwune wáa dzə wír vém.

Esiker 36:28

Vèn kù wíy a dzə e nsay ye mò‑oò foon áàtàr véné, a dzə wír vém, é m wáa dzə Nyùy won.

Esiker 11:20

Á bèy, aáwune nèn wìy a yu sáʼ yém, a rə̀tì, e bó a yiì kinyo ke m tinen. Á wíy a dzə wír vém, é m wáa dzə Nyùy wov.›

Jeremia 32:38

aáwune nèn a dzə wír vém, e m wáa dzə Nyùy wov.

Jeremia 31:33

«Yii bèy, a mensaŋ me m wíy gwàr vèr à wír veé Isray, a me mvə mè seéy ne mè dzə̀ jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.

Hosea 2:2

«Yii bèy, lèn və̀n, vèn roome Isray woo yè won. Bó wù yòʼ dzə̀ə́ yeè lav wom, a m yòʼ dzə̀ə́ lúm və. Vèn ku roòmè ji wù yar á liì joònè, e yàr viŋkar ve wù gháné.

Kèʼlo 22:17

rú wùn à rú, m yíi bùʼ wò, e yiì, é rám yée wáa dzə e gháʼán moo mejiy meé yuv, e kfə̀n a dzə moo síy seé meshavtí me *rìbà ndzə̀v. Rám yée wíy tòn aŋgàa vibàn vév.

Jeremia 51:5

Mo woo Nyùy Tàr woo Taà Mànjòŋ, mo wo m dzəə̀n Nyùy Isray wùn Juda, m yoʼ màʼày áwune, fə̀m mo áwune bùʼtìn ne vinyo woŋ wóv e dzə̀m, e jày e mò, mo wo m dzəə̀n Ŋgaà wo Ranén woó Isray.»

Esiker 36:11

M wíy səə̀vì kidzəə́y kén, e səə̀vì ké nyàm si, é wíri wùn à nyám si wáa kùʼ. M wíy yiì, é woŋ wóné kfə́n fó mo wú‑uù dzəə̀n fó mbìy, e way ven é vijùŋ ve ví shaa ve ví‑iì siìn. Á bèy, é vèn nèn kìíy ji m dzə̀ á Nyùy Tàr.