Hosea 13:3 - ŊWÀʼ NYÙY

³ Bìʼ bey, áwune yíi ŋeemé, e lày moo mbàʼŋkfəə́mé yee kijàvndzə, e yuumé moo ŋweʼ ye yí gbuùn kijàvndzə. Áwune wíy a dzə moo mvə́y se shwéri feer feèrín, a dzə moo kindzə́ʼ ke kí dzəm, fəə́ fo shùu wundu.

Hosea 13:3 Referans Kwoze

Hosea 6:4

Yii bèy, Nyùy Tàr nén a ghay jii, «Éè wìr veé Isray wùn à veé Judàa, kinyo ke dzə̀ m yiì e vèn féyì feyì ki dzə̀ ka? Koŋ ye vèn koŋ moó kù dzə̀ moo mbàʼŋkfəə́mé ye à yén lèn, shishàr, yì nèn ŋeèmé, e lày, kìn moo ŋweʼ ye yí gbu kijàvndzə, yí kù nèn yùm é ghan.

Nsùyrì Nyùy 1:4

Ké wìr ve á méŋ Nyùy ki yòʼ dzə̀ bey. Áwune dzə̀ kév moo mvə́y se shwéri feer feèrín.

Nsùyrì Nyùy 68:2

Éè Nyùy, kiír áwune mo shwéri kìír kindzə́ʼ. Wír ve á méŋ Nyùyi ku lày làyìn fo wun si. Á ku lày mo ghám vilùu yaàné e və̀y.

Daniel 2:35

Á bèy, kibámmbó kí ku nèn keèsì, vifá ve á fèrìn shó vi bvə́ʼə́y vidzə̀m, a dzə vikpuún á moo mvə́y se ŋgwàsáŋ wo á buʼun. Kisha kee kisha ki bvə́ʼə́y, à nsay mbóm shó, à kisha kee brons ki, e bóo lì a kisha ke mbàm ke fəvír kí wùn à ke baar kí. Shwéri nèn wìy, e fèér, e dù a sho, la kfəʼ yòʼ kfə̀n à bèr. Yii bèy, kilán ke kí‑ii kèrìn kibámmbó kin ki nen lò, a kùʼ, e mèé e kirùmèn ke wiy kí, e sə̀tí a kitú ke nsay.

Aysaya 17:13

Kiyor ke kí kóʼ fo vitum ki sì moo ke kí kóʼ fo ndzəv ye kuʼùné. Yii bèy, Nyùy Tàr yíi suŋnín, é vitúm vìn vi léʼkír. Ví yíi ŋeemé, e lày moo vishaárín ve shwéri feer fo agwan, e lày moo beʼmàʼ wo kìrkir shoʼoyin, a kuúr, a dù sho.

Ŋwàʼ Jov 21:18

Áwune kù yòʼ dzə̀ rú moo kisáŋsáŋ ke shwéri li, du sho a? Á kù yòʼ dzə̀ moo mvə́y se kinsəm ki feer feèrín á?

Ŋwàʼ Jov 30:15

Fane sùm ne mo súmen. Á yií, ghvə́m yémé ŋeémé, e lày, vikuʼùy vém ví shaá moo mbàʼ.

Tsəfaniya 2:2

é bo kishiíy ké Nyùy Tàr kí wáa wìy. Kishiíy, ke wù wíy dìn dòʼshwíiy və wo tavín. Kishiíy, ke wù wíy màʼ ŋgeʼ e věn kitu, e feér ven mo shwéri fèér mvə́y.

Sekariya 8:12

Vèn wíy a way vifá e nsay là kindzə́m. Súm sén sé vitiír vé *vayin si wíy a koóm kijuŋ. Viyíkìr vi wíy a kuy e věn nsay, é wuú wáa səy fo yuv. M wíy yiì, é vèn yov vifá vìn vidzə̀m, ven vee kibér ke wìr vén.