Hosea 13:2 - ŊWÀʼ NYÙY

² Ké lèn ki, áwune kù sí jáy jay e wùmǒʼ kitu. Áwune sí fer mebvə̀m e *kisha ke mbàm ke fəvír kí. Á lo, á wày vifií, e nàŋsín, e fèr bèn kijuujùŋ, e lìm feyì a dzə̀ e yé ŋgaà fèr woo fií. Á bèy, á ku nèn a yòŋ áwune jii, «Wír ve á ghvə́m anyùy, baáme mebvə̀m mee wan nàʼ.»

Hosea 13:2 Referans Kwoze

Hosea 2:8

«Isray woo yeè lav wom‑eè dzə́ vèr wun, a bó wù yòʼ‑oò lo gwàrìr ji yì‑iì fó a mo ŋgoòy se vifa e wun, a kù‑uù fò mo meluʼ wùn à meŋgvə́r mè, ku kfə̀n fò mo *kisha ke mbàm ke baar kí wùn à ke fəvír kí e wun nyanyày, é bo wù li, a cù a dzə̀ nyùy woo *Baal sho.

Aysaya 46:6

Wír ámóʼó lo, á kùúy kisha ke mbàm ke baar kí wùn à ke fəvír kí, kuuyì, á nèn tàʼ taà kilàm, e làʼ, wù fèr shibvə̀m sho. Wù fer maysì, ŋgaà shibvə̀m nèn a tsəm e si wo, a ghvəm.

1 Afòn 19:18

Yii bèy, m yíi bavtí wír nsə̀kì saàmbà e Isray, a dzə̀ wír ve á yòʼ‑oò yiì ne tsə̀m ndzəə́ e nyùy woo *Baal, aá yòʼ‑oò yiì ne baàmé shibvə̀m sə́.»

Jeremia 10:4

Áwune bárir *kisha ke mbàm e wùn wó, ke fəvír kí, e lì sa ke baar kí, á nèn tìír, e kùm viŋkùm, e fàr shó, fo shí wáa sə̀ʼ.

Ŋwàʼ woó Rom 11:4

Wù‑uù bì bey, Nyùy bìnèr ji ka? Wù‑uù bìnèr jii, «M kér sa wír ámóʼó nsə̀kì saàmbà a dzə̀ wír ve á yòʼ‑oò yiì ne tsə̀m ndzəə́ e nyùy woo Baal.»

2 Timoti 3:13

é wír ve bi ve á ghán kév, bóʼti wíri bóʼtíné kú a màysì, a tavkír tavkín, a boʼtí wíri, e kfə̀n a boʼtí vév vee vitú.

Ŋwàʼ woó Rom 2:5

Yii bèy, à lo, à nèn tèn fó bìnèr shilív shé, shí kú lóo taaví taavín, à nèn kfə̀n dzə̀sì a dzə̀ ajay, e màysì, e tìnsín shilív shé Nyùy. Aà káv a dzə̀ lòn, mo à wíy nəə́ sho e kishiíy ke Nyùy wíy dìn mo wù yii tínen nsaʼ wìr réŋréŋ mo yì dzəə̀n.

Hosea 11:6

Rə́r sí wíy sàsìn, e ghiʼ ŋkà se laʼ sév, ghíʼí, é sí keti shuu se kày se sí nəə e ŋkàlaʼ. Aŋgaà vév vibàné wíy laàr áwune, bìʼ fo njiìn wov kù sì wóov.

Hosea 10:1

Wír veé Israyi‑iì dzə̀ moo kitiír ké *vayin, kitiír, a tútúʼ koóm shó nyanyày. Mo vikuʼùy ví‑iì nəə áwune, kù dzə̀ sá réŋréŋ mo vé‑eè bóm kíy se cù. Mo nsay yev‑iì fəər vifá ve yi nyanyày, kù dzə̀ mo áwune‑eè náŋsin sə́y se anyùy, a sí njaʼkìrì.

Hosea 8:6

Shibvə̀m shìn shi dzə̀, a fèr taà kilàm, a kù dzə̀ wír fo vèn vee wír veé Isray, a bó shí yòʼ dzə̀ nyùy wùmòʼ gheéy. Á wíy bvəʼtí shibvə̀m shén shin, é shí wáa neŋnín e vimbvəʼ vimbvəʼ.

Hosea 8:4

«Áwune lo, á ghaà wír, e kòʼór ji fon, a bó á yoʼ mbaà mo, lo, á shòʼtí vilìmbìy, a bó m yòʼ kì fó fo. Á li kisha kév ké mbàm ke baar kí wùn à ke fəvír kí, fer a dzə̀ mebvə̀m sho. Áwune yii bèy, a kù yíi lày kitú kév.

Aysaya 46:8

«Ven ve vèn lo, á wàa ŋway mo, vèn kuúmé kinyo ke m yiìn e vèn kí. Vèn kwaʼti shó kijuŋ, e làa yòʼ kfə̀n a moònìn.

Aysaya 45:20

«Ven vee vitúm veé kitu ke nsay, vèn bánén. Wìr dzə̀m wo wù bòyìn fó rər se sí tònèn woŋ, vèn báʼtí. Á ku kòʼtí e mǒ mentsə̀m, e neèr vinyo, aá tar. Wír ve á béʼ mebvə̀me yòʼ kì kifá ke á yii, áwune ve á ghvə́m mebvə̀m, a bó yòʼ dzə̀ mè sə̀ áwune.

Aysaya 30:1

Nyùy Tàr suuy jii, «Lòné dzə̀ wó wìr ve á tsə́y kóy vèr áwune. Áwune bá antaŋ a dzə̀ vév, bó yòʼ dzə̀ vém, gwar *mensaŋ wùn à wíri, a bó yòʼ dzə̀ mo m sìysìn. Á bèy, á nen kù a jay jay e wùmǒʼ kitu.

Aysaya 1:5

Vèn taʼ ji Nyùy kú a ker ven a dzə̀ é wo ye tavíné ji ka? Vèn shaa fo mbìy, tsə́y kóy vèn à Nyùy bìʼ ka? Vèn sí kér vileémé é kitu, mo wù dzə̀vìn ven, a vifií vén ví kù sí bvəə́ri bvəə̀rín.

Nsùyrì Nyùy 2:12

Vèn wáa bùn wun e shiliv she juŋ shi, fo wù lo, e shwìíy kilòŋ, e laàr ven, bìʼ fo dòʼshwíiy və yii ŋáʼay cér. Bòŋ ké wìr ve á lir e Nyùy sar adzə̀m.

2 Wòŋ 33:23

Wù yòʼ‑oò lo bìnèr shilív sə́, e kfə̀n é bàm e Nyùy Tǎr wùn mo tàr wov Manasse‑eè yiìn. Wù kù‑uù dzəsì, nəə nə̀ə́n é vinyò ve bi ví.

2 Wòŋ 28:13

Áwune‑eè sùúy e vé rərí jii, «Lá vèn yòʼ wìy e wír ve vèn koon víyi é mvə̀mlaʼ. A vèn mùm, bo vèn màysì ne, e jàŋ lǒn Nyùy Tàr e vèsə́n kitu, e tàtí lòn wo vèsən sí kér bìʼ vinyo vesən ve bi ví. Lòn wosəné kùʼ e ŋàŋ, a ŋgeʼ Nyùy Tàr ye biibí sí kiʼ Isray.»

1 Samuel 10:1

Samuel nèn lì meŋgvə́r me yoʼ e loŋ, e səə̀rì e Saul kitu, e baàmé wun, e sùúy jii, «Nyùy Tàr yòʼ ne wò ji taà saʼ wìr və́ veé Isray.

Kintaŋ 32:14

Lèn, vèn kfən ŋàʼáy e kén kí, a jùmrì kiwuú ké atàr vén. Ven vee kidzəə́y ké ambùʼtìvìnyò, vèn lo, e yiì, é dòʼshwiiy Nyùy Tàr maysi, e kòʼ kóʼón e wír veé Israyí kitu.

Jeremia 10:8

Áwune adzə̀me dzə̀ viyúŋ, aá kfə̀n jiŋè. A dzə̀ áwune yèʼéy ka fo mebvə̀m mè, aá sém a dzə̀ kicí?

Hosea 4:17

Wír veé Israyi suùsín ne wùn à mebvə̀m mè, vèn maʼti dzə́ə yev.

Hosea 8:5

«Éè wìr veé Samaria, m ban shibvə̀m she vèn fèrìn e fèr, shí wáa shwinín wan nàʼ. Dòʼshwiíy kív mo kívín bìʼ ven. Vèn wíy neèr mebvə̀m me vèn cu mèn e ghàn ka?

Hosea 10:5

Wír ve á dzə́ e ŋkàlaʼ yee Samariàa wíy a dìy, a shèŋ kitú, bìʼ shibvə̀m sheé nsə̀nin wàn nàʼ, she áwune làyìn é Bet‑Aven. Áwune wùn aàtàá cù véví wíy a toŋ, a jeetí, bìʼ vijuŋ ve shibvə̀m shìn she á liìn, e dù sho.

Hosea 14:3

Yòʼ dzə̀ wír veé Assiriyàa bòyìr ver, a vèr yòʼ yíi a koʼ nyám se ŋkoʼ, a yòy, a tiír sho. Vèr yòʼ dzəə́ wìy yòŋ mebvə̀m ji nyùy wor, vifá, a fer ver e wó yérí. Rúrú, Nyùy Tàr, kù dzə̀ wò wo à shám mendzən me wón tsə̀.»

Aysaya 44:11

Rúrú, á kù wíy shoór wír ve á ghvə́m mebvə̀m adzə̀m, aá wáa woomé, a wír ve á fer vifá vìn adzə̀me kù wíy a woomé, bìʼ fo áwune kù dzəə̀n kév wír fo wìr. Áwune suúsín, e bàʼtí e lav nsaʼ, e tùnér kitú kév. Yii bèy, áwune kù wíy a fàn, a yàʼ yàʼàn adzə̀m, aá kù wíy shoór áwune, aá wáa woomé.

Jeremia 8:5

Yií ka lèn, é bo wír veé Jerusalem vìne bin ndzə̀m e mò bínen ŋkuuŋkùŋ. Áwune kù ghvə́m a dzə̀ mebvə̀m, a dzə̀ kifá kisáŋ, e tèn fó kfən e bàm, e yen mo.

Hosea 11:2

Yii bèy, mo m kù‑uù waʼrì, jaŋ áwune akàŋ akàŋ, kù dzə̀ mo á nyéŋ mo nyéŋén, du, cu a dzə̀ mebvə̀m mee *Baal, ton kiláy, cu anyùy sho.