Hosea 13:1 - ŊWÀʼ NYÙY

¹ Yì‑iì dzə̀ fó ŋgùʼ, a wír veé ram Efrayime‑eè súŋnin, wíri wàa fàn, a yàʼ. Vé‑eè ghvə̀m áwune é ŋàŋ é nsay Isray. Yii bèy, áwune nèn lò, e kèʼ, a ghvəm nyùy woo *Baal, lòné koó áwune, á sénkír.

Hosea 13:1 Referans Kwoze

Hosea 11:2

Yii bèy, mo m kù‑uù waʼrì, jaŋ áwune akàŋ akàŋ, kù dzə̀ mo á nyéŋ mo nyéŋén, du, cu a dzə̀ mebvə̀m mee *Baal, ton kiláy, cu anyùy sho.

Ŋwàʼ Luk 14:11

Kù dzə̀ mo Nyùy wíy a sèn wír wo wù yén kitú kfə́ kikuʼùn, a koʼór wo wù yén kitú kfə́ shishàr.»

Ŋgàn 18:12

Wìr lóo koʼór wún, Nyùy sèn wun, li kitú kfə́ shishàr, á wàa ghvəm wun.

1 Afòn 12:25

Fòn Jeroboam nèn nàŋsín mvəmlaʼ yee Shekem e wòŋ agwan woó nsay Efrayim, a dzə fo. Wù nèn lò, e dù bàʼrì sa mvəmlaʼ yee Penuel.

1 Samuel 15:17

Samuel nèn a suúy jii, «Mo à fə̀m‑eè dzə́, taʼ kitú ké ntéŋ, bó á yòʼ kù‑uù lo lèm wò ji kitú ke ram seé Isray à? Kí Nyùy Tàr kù‑uù yòʼ wò ji fon woó Isray.

Atǎr Nsaʼ 12:1

Wír veé ram Efrayime nèn lò kév, e bàʼtí a dzə̀ rə́r, e lìysín ndzə́v yee Jordan, e dù, e yèn Jefta e Tsafon, a yòŋ e wun jii, «Yìiy, òó mbaà, à dú ben, e nə̀ə́ wír veé Ammon e rə́r sí, e làa yòʼ jàŋ ver é vèsən du a? Vèr yíi tòn lav e wò kitu.»

Atǎr Nsaʼ 8:1

Wír veé Efrayime ló, e dzə̀r e Gidiyon jii, «À mùm kin e vèr a dzə̀ ka? Wò‑oò lóo dù ji à du, e fùnèn wír veé Midian, e làa yòʼ yòŋ e vèr bìʼ ka?» Á nèn a roòmè wun, a kí nyár áwune féyì.

Joshua 3:7

Nyùy Tàr suúy e Joshua jii, «M sí yìi kèʼ, a koʼór wò e wír veé Israyí si adzə̀m e kishiíy ké lán ki, aáwune fíʼ kiíy rú ji m dzə̀ á wòsò, kù mo mò‑oò dzəə̀n vèr Mooser.

Kintaŋ 13:16

Á yír sé agwèy ve Mooser‑iì tumen ji á du, e shwèʼ woŋ. Ké Hoshea woo wan Nun, Mooser‑iì lò, e shù kfə́ yír rə́ ji Joshua.

Kintaŋ 13:8

Fo rám Efrayim, wáa dzə Hoshea woo wan Nun.

Kintaŋ 10:22

Káŋ wo wù‑uù jùmrìn nén a dzə wo wìr ve vé‑eè dzəə̀n e rám Efrayimé kilaʼáy. Á fəə́, a dù e viŋkǎŋ viŋkàŋ, aáwuné sar cícíwàr, a kilìmbìy kév kí dzə̀ Elishama woo wan Ammihud.

Kèʼlo 2:17

Yii bèy, wù wáa yen a fóo wìy yi kicí ke dzə̀ kí yiì, wìr kìíy jeéyjeéy fó kinyò ke juŋ ki wùn à ke bi kí. Kishiíy ke wù yí, bo wù kpù á ne.

2 Korin 5:14

Kér kí kù dzə̀ jii, mo Jesus Kristu koŋ ver, vèr kú a yu a dzə̀ á fo fo. A vèr kì ji mo wù‑uù kpuun fo wíri, wù tàtí ne áwune adzə̀m e mvə̀m kpu yee shooy, e tìn fó ŋgeʼ.

Ŋwàʼ woó Rom 5:12

Kinyo ke bi kí kù‑uù kèʼ fo wìr mòʼón, a dzə̀ Adam woo wir mbìy, e nèn ràm kfə́ə wìr msòŋ e dzə̀m. Kpúu nèn kèʼ sa, a dzə̀ lǒn vinyò vee shooy, e ràm wir dzə̀m, bìʼ fo wìr dzə̀m kù sí yii vinyo ve bi ví.

Aysaya 66:2

Bó yòʼ‑oò fèr mo vifá vìn vidzə̀m à? Rúrú, á mo vifá vìn vidzə̀m vi‑iì ghanen, e bó a dzə. Suuy mo woo Nyùy Tàr. «Á bèy, kfə́ə wìr wo m yíi a leéy, a yu vijuŋ dzə̀ wo wù li kitú kfə́ fó tèr, bórkir e mǒ si, yú jí yem, fan fó lì fo tèr.

Ŋwàʼ Jov 29:21

M lóo fo ntir, wíri bònen fò vituʼùr, a yuurí kisə́sə, lóo tir, á wàa yuurí kinyo ke m suuyì e mbòŋén.

Ŋwàʼ Jov 29:22

M suuy kinyo, la wìr yòʼ kfə̀n kàr, jí sém sí bònen nə̀ə́ aáwuné wùn mo wuú nə̀ə́ e nsay ye yumér.

Hosea 2:8

«Isray woo yeè lav wom‑eè dzə́ vèr wun, a bó wù yòʼ‑oò lo gwàrìr ji yì‑iì fó a mo ŋgoòy se vifa e wun, a kù‑uù fò mo meluʼ wùn à meŋgvə́r mè, ku kfə̀n fò mo *kisha ke mbàm ke baar kí wùn à ke fəvír kí e wun nyanyày, é bo wù li, a cù a dzə̀ nyùy woo *Baal sho.

Hosea 8:4

«Áwune lo, á ghaà wír, e kòʼór ji fon, a bó á yoʼ mbaà mo, lo, á shòʼtí vilìmbìy, a bó m yòʼ kì fó fo. Á li kisha kév ké mbàm ke baar kí wùn à ke fəvír kí, fer a dzə̀ mebvə̀m sho. Áwune yii bèy, a kù yíi lày kitú kév.

Aysaya 7:8

Vitaáví vé wìr veé Siiria vi kù dzə̀ ŋkàlaʼ yev yee Damaskus, a vé Damaskus vi kù dzə̀ cáʼ ji Resin woo shifon shév. Fo ké wír veé Isray ki, kèʼ fo lèn, e wìy dù, e bàʼ kiyá nshòv sitàn e mntuùfú, aá táʼár áwune é dzəə ye bó yòʼ dzə̀ á kfə̀n wìy a dzə ji kitúm.

Hosea 2:10

M wíy kweèy ndzə̀y fo wun wùn, e ŋkar sə́ sí si, é wù wáa tiy kinshóʼ, kù ji sàkì və̀ne, a bó wìr yòʼ wíy a dzə wóo bòyìr wun woo Isray fo mǒ wo.