Hosea 12:4 - ŊWÀʼ NYÙY

⁴ a wù fúnén a dzə̀ nshìylav Nyùy, e ghàʼ. Jakov ló fó fo, e tòŋ, e lòn kisəəvì. Wù kfə̀n‑eè tàrnín wùn Nyùy e Betel, Nyùy súŋnín wùn wun.

Hosea 12:4 Referans Kwoze

Malakay 3:1

Nyùy Tàr woo Taà Mànjòŋ wáa bìnèr kfə́ jii, «Vèn yuúrí, e yù, m wíy tsənsí ŋgaà wom ntum fo mǒ mbìy, é wù wiy, e nàŋsín dzə́ə. Á bèy, é Taà Saʼ wo vèn shiyì nèn sàsìn, e bvə̀y e wun lav cù. Rúrú, ŋgaà ntum wo wù fiʼtì *mensaŋ mem, a vèn tiir vifií shó, sí wiyì.

Kèʼlo 35:15

e nèn shù yír kirə̀ʼ kiy ji Betel.

Hibru 5:7

Wáa dzə e ghan se Jesus‑eè dzəə̀n é nsay fèn, wù lò, a lon sa bìʼ kitú kfə́. A wù‑uù lón a dzə̀ fo Nyùy wo dzə̀ wù sə̀ wun fo kpu, tóŋ kitávín, sə́ʼər mensíy. Mo wù kù‑uù yú kfə́ a dzə̀ fo Nyùy, Nyùy nèn yù tóŋ rə́.

1 Tesalonika 4:17

é bo ve á dzəə̀n shó e ghan see shooyi báʼtí wùn áwune, a koʼ e mvə̀m mbàʼ, é wùn à Taàtá Jesus tárnín é taa yuv. Á mo vèsən wíy koʼ bèn, é vèsən à Taàtá Jesus nèn a dzə ghán sidzə̀m.

Aysaya 63:9

Vé‑eè lóo yen ŋgeʼ, a fə̀m dzə̀ rəné, wù kù a yen sa, e bóo lò, e tum nshìylav ye yì‑iì dzəə̀n e wun mentsə̀m, é yì fəə́r áwune fó fo. Kèʼ mo áwune‑eè kèʼèn, a dzə ji kitúm, wù kú a kòŋ áwune, a sham. Wù‑uù bòyìr áwune fo aŋgaà vév vibàné wo, kù mo wàn ghán, dórí, kitàr kí jàjàŋ.

Nsùyrì Nyùy 66:6

Wù‑uù jàvsìn rìbà ndzə̀v, fóo kfə́n é nsay ye yumér, wír vəə́ ghán, e tùmsín ndzə́v e kiwuú kí. Dzə̀ fó, fo vèr‑iì shéʼri lim rə́ é ŋàŋ.

Kèʼlo 48:15

Wù wáa səə̀vì Joosev, a suúy jii: «Nyùy atàr vém vee Abraham wùn Aysi, Nyùy wo áwune‑eè ghvə́mé, Nyùy wo wù‑uù leey fo mò, e wìy meé lán,

Kèʼlo 32:29

Jakov nèn lòn jii, «Kii wò, ku sùúy e mò, yír yée dzə̀ ji la?» Wù bìnèr jii, «À dzə́r yír yém bìʼ ka?» Wù nèn kù səə̀vì Jakov fo.

Kèʼlo 32:24

Wù siíy, e gòʼ fo bàm, wìr wùmòʼ wìy, wùn wun fùnèn, ndzə káʼ.

Kèʼlo 32:26

Wù nèn sùúy jii, «Màʼtì mo, é m wáa dù, ndzə sí ráné.» Jakov bìnèr sho jii, «Bó yòʼ dzə̀ m màʼtì wò, à wàa dù, a bó à səə́ví mo.»

Kèʼlo 25:26

Fo bàm, fər Esav nèn a fəə, a wù bám nsən kiwuù Esav, áwune fó rə́ yee yír ji Jakov. A Aysi‑iì dzə̀ kiyá mntuùfú é ghan se Rebeka‑aà dzəən wón vin.

Kèʼlo 32:25

Mo wìr və̀y yenen ji bó yòʼ dzə̀ wun tàm á wùn Jakov, wù nèn tsə̀y Jakov fo nsəʼ kiyèŋ, kiyéŋ kí shóʼóm.