Hosea 12:3 - ŊWÀʼ NYÙY

³ Bo á wìy a dzəə́ Jakov, a wù sí sə́ kóy wùn fər və Esav. Wù wìy kùy, e fùnèn wùn Nyùy,

Hosea 12:3 Referans Kwoze

Kèʼlo 25:26

Fo bàm, fər Esav nèn a fəə, a wù bám nsən kiwuù Esav, áwune fó rə́ yee yír ji Jakov. A Aysi‑iì dzə̀ kiyá mntuùfú é ghan se Rebeka‑aà dzəən wón vin.

Ŋwàʼ woó Rom 9:11

Mo áwune adzə̀m fə̀m‑eè dzəə̀n wón wun woo Aysi wo Nyùy‑iì shoʼon, Nyùy‑iì yiì ne sùúy e Rebeka, é bo wù wìy a dzəə́ jii, «Wan woo ŋgàywìr wíy a yu fo wo terí.» A wù‑uù shòʼ wo mòʼón woo wán, é bo á fəm wìy a yen liì wov bey, ji kinyo ke wù‑uù kèʼèn kí kú a dù a fo mbìy, é wun wáa shoʼ wír, a lì ji wír və, a dzə̀ mo kòŋèn wun, a bó yòʼ dzə̀ bìʼ kinyo kímóʼ kí ke ŋgaàŋ yiìn.

2 Afòn 17:18

Á bèy, Nyùy Tàr wáa yu bír e ŋàŋén kùm wír veé Isray, e nèn jùm áwune fo wun si, la wìr yòʼ kfə̀n bèr, bánlà wír veé ram Juda cáʼ.

2 Afòn 17:20

Nyùy Tàr nèn tèn wír veé Isray adzə̀m, e màʼ ŋgeʼ aáwuné kitu, e wày áwune áàŋgàa vibàn véví wo, e dù, e meé mo vé‑eè màyìn fo wun si.

2 Afòn 17:23

Kù bey, kù bey, e dù, e meé mo Nyùy Tàr‑iì jùmèn wír veé Isray fo wun si, kù mo wù‑uù yiìn, aŋgàa lìm ve yì‑iì dzəə̀n aŋgàa ntum vəə́ wáa fìʼtì fo ghan. Á bèy, Nyùy Tàr nèn fə̀ə́r wír veé Isray fo áwuné nsay, e dù sho e Assiriya, á wáa dzə fo e kwaʼ nsàm, e wìy shem lán.

Jeremia 2:9

«Bo m kfə̀n‑éè din ajay vén. Suuy mo woo Nyùy Tàr. M yíi dìn sa, à vé ram yéné shó.

Esiker 7:3

Ghán sén sí ghèén ne lèn, a m lo, e lovtí e vèn mo dòʼshwíiy wom dzəə̀n. M yíi tiír ven é kibàʼ, e saʼ mo yii yéné dzəə̀n, e màʼ ŋgeʼ e věn kitu, bìʼ joonè wo vèn yii e dzə̀m.

Esiker 7:8

Ké lèn ki, m kù sí lo, e lovtí e vèn mo dòʼshwíiy wom dzəə̀n, é bo kinyo ke kí kív mo kí may. M yíi tiír ven é kibàʼ, e saʼ mo yii yéné dzəə̀n, e màʼ ŋgeʼ e věn kitu bìʼ joonè wo vèn yii e dzə̀m.

Hosea 4:1

Éè wìr veé Isray, vèn yuúrí kinyo ke Nyùy Tàr yoŋ e vèn kí. Kí dzə̀ jii, Nyùy Tàr kér nsaʼ wùn à wír veé wòŋàne, suuy jii, «Suuyrú wùn à kikoŋnìn ki mày ne fo nsay fèn, a bó wìr yòʼ kfə̀n gwarìr kinyo kee kùm Nyùy.

Hosea 4:9

Yii bèy, lòn wo wìr líi kù dzə̀ wo taà cù wíy lì. M wíy tatí wír adzə̀m, e lovtí sho mo yii yéví dzəə̀n. M kù wíy màʼ ŋgeʼ aáwuné kitu ji vilaʼày vé vinyò ve á rə́si buʼtì.

Amos 2:4

Nyùy Tàr suuy jii: «Abaày, wír veé Judàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune ŋwày Nsər sém, e tèn fó a yu sáʼ yém. Áwune kù ghán a dzə̀ áàtàr véví mbòv, tiir vifií a dzə̀ áànyùy kisaŋe, nèn bin e dzəə ye bi.

Mayka 6:2

Virùmèn, vèn yuúrí mo Nyùy Tàr sáʼ nsaʼ rə. Vinsə̀ŋ ve nsay, ven ve vèn‑eè siìn fó yàŋgùʼ, vèn yuúrí. Nyùy Tàr kér nsaʼ wùn à wír vəə́. Wù yíi tiír wír veé Isray e kibàʼ ke nsaʼ.