Hosea 12:1 - ŊWÀʼ NYÙY

¹ Kifá ke wír veé Israyi yii ki kù dzə̀ shwér, e kèʼ fo kijàvndzə, e dù meé e ŋkuùr, kù dzə̀ kíwun ke á yii. Antaŋ vév ve bií kù du duùn fó mbìy, aáwune kù siíme a dzə̀ rə́r. Áwune gwar *mensaŋ wùn à wír veé Assiriyàa, li meŋgvə́r me *oliv, béʼ, du sho e Ejiv.

Hosea 12:1 Referans Kwoze

Hosea 11:12

«Wír veé Efrayime kaàrí ne mo, e kù a boʼtí a dzə̀ kimboʼtì. Áwune veé Israyi ghàʼ ne e lám wo kaŋéné, a wír veé Judàa tíy wùn à Nyùy melív mebaà, a wù dzə̀ kfə́ Ŋgaà wo Ranén, kù tíy wùn áwune.»

Hosea 8:7

«Wír veé Israyi kù sí wáy a dzə̀ ŋgoòy vinyò ve bi ví, a kee shooy ki kù dzə̀ shwér. Á gísin, wáy bèy, aá kù yíi kav a dzə̀ ŋgeʼ, kù mo kinsəm ki teè vifá, e laàr ŋkuuŋkùŋ. Kwáʼ wóví dzə̀, a vitú ve saŋ ví yòvrí ne, a bó sáŋé yoʼ kùr shó. A kí fə̀m kòóy ji yí kúr, bo kù wíy yi viŋgwìy.

Hosea 5:13

«Wír veé Israyi‑iì kìíy yàsí wov, wír veé Judàa kiíy vév vee viváv, Isray nèn dù, e mbaà fon woó Assiriya ji wù sə́ á áwune. Fə̀m mo á yoy, tiir e fòn wo wiy və̀n wùn, wù yòʼ wíy yu fóo fèr yàsí wov, kìn vileémé vév.

Esiker 17:10

Vé‑eè lò bìy, yii bèy, kí kù yòʼ wíy a dzə sho, a tèʼ a? Shwér sané wíy tòn, é kí tén yúm a? Bó kí yòʼ wíy yum bèn e kibvəə̀ fo vé‑eè bìyìn, kí téʼ, e rə̀ŋsìn à?› »

Jeremia 22:22

Kinsəm ki yíi kuúr vé saʼ vén, e dù sho, aá koó vé kiŋkaày vén, e dù sho e kwaʼ nsàm. Á yíi shoór ven, é vèn wáa woomé, a dzə̀ bìʼ yii yén kisaŋe.

Ŋwàʼ Jov 15:2

«A dzə̀ fiì wàa suúy kinyo, a bó noshìndzə̀v yòʼ dzə̀ shó, a nàn wún kisáŋ, a fəə́r jí fo shuù, a dzə̀ shwér à?

2 Afòn 15:19

Wáa dzə e ghan fóo fèy, Pul woo fon woó Assiriya lò, e nə̀ə́ rə́r é Isray. Menahem nèn lò kfə́, e fò wun *kisha ke mbàm ke fəvír kí akilu nsə̀kì nshòv sikweè e mtaár (34,000) ji wun fiʼ koò wun e viŋkar, é wù sə́ wun, e tòm á vifon və́, é ví tuúy.

Kèʼlo 41:6

E bǎm kee shooy, wù yén vitú ve saŋ vímóʼ ví saàmbà, a ví sásín e sàʼ, a ví dzə̀ vilaákín mo tòn a shwér woó kirə̀ʼ ké woʼ kí bey.

Jeremia 2:36

Vèn yèe, e bó a leʼnín, a lò fo fèn, a dù fèn? Wír veé Ejivi yíi màʼ sa ven, kù mo veé Assiriyàa‑aà màʼàn.

Jeremia 7:15

M yíi jùm ven fo mǒ si mo mò‑oò jùmèn afə́r vén adzə̀m vee wír veé Efrayim.›

Yòvdìy 5:6

Vèr shwì ne kitú e Ejiv, e shwì é Assiriya, e bó a koóy kifá ké a yi.

Hosea 4:19

Á wíy kuúy áwune, e dù sho e kwaʼ nsàm, kù mo kùúy shwér. Áwune wíy a woomé bìʼ anyùy kisaŋ ve áwune cu.»

Hosea 7:11

Wír veé Israyi sí tuʼtìn moo kibìŋ, lón sə́mo fo wír veé Ejivi, léʼ, du a dzə̀ fo wír veé Assiriyàa.

2 Wòŋ 21:11

Fòn Jehoram kfə̀n‑eè bàʼrì virə́ʼ vé anyùy aàgwan veé Juda, e nèn yiì, wír veé Jerusalem, à veé Judàa máʼáy Nyùy Tàr, a cù a dzə̀ anyùy.

Nsùyrì Nyùy 78:36

Yii bèy, áwune‑eè laarì wun láarin, bóʼti wun e jí sév sí.

Hosea 4:15

Yìiy, wìr veé Isray, mo vèn kfənen ne ji asàkì, lá kí yòʼ mùm kòóy ji wír veé Judàa biʼnin, é dzə̀rkìtu lo, a koo áwune. Vèn wáa yen fó tiír kiwuú kén é Gilgal, kìn ji vèn kóʼ é Bet‑Aven ji á suyrì mo. Vèn wáa yen fó lìʼ kinyo e mo woo Nyùy Tǎr yir, mo wo m dzəə̀n e tin.

Hosea 7:1

«M lo ji mo‑óò fer yàsi wìr veé Isray, m kù yèn a dzə̀ vinyo ve áwune buʼtì, e yèn virom ve á shóʼ e ŋkàlaʼ Samaria. Wìr kù sí lo, wù wàa boʼ wùmòʼ bóʼón, ámóʼó wàa kivtí a dzə̀ lav se wíri, a shoŋ vifá, ámóʼó wàa faàsì vifá ve ámóʼ vee wír e mentàrnín.

Hosea 11:9

Bó yòʼ dzə̀ m laàr ven mo dòʼshwiíy wo wù kív mo dzəə̀n. Feyì feyì, m yòʼ yíi bìnkìr, e laàr Isray ŋkuuŋkùŋ. M dzə̀ Nyùy, a m yòʼ dzə̀ moo wir msòŋ. Dzə̀ mo Ŋgaà wo Ranén, a m dzə́ e věn mvəm. M yòʼ‑óò li dòʼshwíiy wom, e wìy, e kìʼ ven shó.