Hosea 11:6 - ŊWÀʼ NYÙY

⁶ Rə́r sí wíy sàsìn, e ghiʼ ŋkà se laʼ sév, ghíʼí, é sí keti shuu se kày se sí nəə e ŋkàlaʼ. Aŋgaà vév vibàné wíy laàr áwune, bìʼ fo njiìn wov kù sì wóov.

Hosea 11:6 Referans Kwoze

Hosea 13:16

M kér fó yìi màʼ ŋgeʼ e wír veé Samariàá kitu, bìʼ fo á tsə́y kóy vèr áwune, a m dzə̀ Nyùy wov. Áwune wíy kpukír e shùu rər, aá wíy a tayrí wón vév, a dzə̀v e nsay, aá wáa sàʼkìr. Á wíy a shùʼtì bvəm se vikìy vév vee bvə́me aáwuné si.»

Hosea 10:14

Ké lèn ki, rə́r sí lo lèn, e nyoòrì ven, e laàr virə́ʼ vén ve tavkín ví vidzə̀m. Kí kù lo, e koóy ven mo kí‑iì kooyin Bet‑Arbel. Fòn Shalman‑eè laàr ŋkàlaʼ yee shooy e rə́r sí, e lòo laàr, e tàtí ayǐy won wùn à wóné, a dzə̀v e vilan, a bvəʼtí.

Hosea 10:6

Rúrú, á wíy lì shibvə̀m she áwune yoy, tiir sho shìn, e dù, e shwi fon woó Assiriya sho, wun woo fon wo wiy. Á wíy shoór wír veé Isray, aáwune wáa woomé, bìʼ vifií ve áwune baʼtin, e wày e shibvə̀m shìn shí wùn.

Malakay 4:1

Nyùy Tàr woo Taà Mànjòŋ suuy jii, «Rúrú, kishiíy ke m kwaŋrì vinyo ki sí ló a wìy. Kí wíy a wìy, a lùm mo shwí və́y. Dzə̀ kishiíy ke dòʼshwíiy wom wíy tòn vé kiŋàʼa, e tòn wír ve á méŋ mo, kù mo və́yí tòn vishaárín. Wú wíy tòn áwune, aá du é kibvə, a wìr yòʼ wíy ber.

Mayka 5:11

M wíy laàr ŋkà se laʼ see věn nsay sidzə̀m, e kètì tím sén sé virə̀ʼ ve tavkín ví.

Esiker 20:47

Yòŋ e kóv woó wòŋ tsəné ji wú yú á kinyo ke Nyùy Tàr suuyì. Ke mo woo Nyùy Tàr woo Taà Ndzə suuy ki dzə̀ á jii, m yíi sə̀ʼ a və́y é kòv fey, é wú tee kicí kidzə̀m, à ke kí teʼè, à ke kí yumen ne ki. Bó wìr yòʼ dzə̀ á sho wo wù wíy ndzəmér kiliímé ke və̀y kin. Wú wíy a bav, é wìr dzə̀m wáa yu lum, e kèʼ fo mbìv yee tsə́n, e dù, e meé e mbìv yee kuy.

Jeremia 5:17

Áwune wíy laàr vifá vén, e laàr viyíkìr fo kwaʼ. Áwune wíy laàr wón vén vee vilum, à vee vikìyí. Áwune wíy laàr ŋgoo sén sé bvəy, à sé nàʼ si. Áwune wíy laàr vitiír vén vé *vayin, à vicí vé *fig vi. Vé rərí wíy kètì ŋkà se laʼ sén see vikum, se vèn tiirin vifií shó.»

Aysaya 30:1

Nyùy Tàr suuy jii, «Lòné dzə̀ wó wìr ve á tsə́y kóy vèr áwune. Áwune bá antaŋ a dzə̀ vév, bó yòʼ dzə̀ vém, gwar *mensaŋ wùn à wíri, a bó yòʼ dzə̀ mo m sìysìn. Á bèy, á nen kù a jay jay e wùmǒʼ kitu.

Aysaya 27:10

Ŋkà se laʼ se á kìŋsìn e káyi sí sí tíynin e vifə̀m, a wìr dzə̀m woo fó léʼ ne, e màʼày fó. Ŋkà se laʼ sìn si sì moo wóʼ fo nyám si ghán, taʼ yí. Kù dzə̀ fó, fo sí sí meemè, sooy tám se vici.

Aysaya 18:5

Wù‑uù suuy bèy, a kí wíy a dzə jii, vitiír ví wíy saàm, koomè, a ví yóʼ ne tàvkír ye á káv, é Nyùy Tàr nèn shètì tám se sí tókirì e shwàʼ, e kaàŋè se darkìn sí.

Aysaya 9:14

Á bèy, Nyùy Tàr wíy laàr vilìmbìy veé Isray kishiíy kimòʼón. Wù wíy laàr ve á tíy ji kitú, e laàr ve á dzəə̀n kév ji kún. Wù wíy laàr ve á dzəə̀n moo viyáŋ ve ví tíynin e kitu ke ten, e laàr ve á dzəə̀n moo ŋkiʼ wo wù teʼ e nsə̀ə́ndzəv.

Nsùyrì Nyùy 106:43

Wù‑uù sə̀ wír və́ fo aŋgaà vév vibàné wo akàŋ anín, á kú a tsəy kóy tsəyín wùn à Nyùy e vinyò ve á yii, vinyo vév ve bi ví máʼ áwune é nsay.

Nsùyrì Nyùy 106:39

Áwune lór vitú vév e liì wov kisaŋ, liì wov wáa beemé e Nyùy si, kù moo wo sàkì.

Remrí 32:25

Wónlě nsùm wùn à wónlě ŋgòne, e lì wón ve bóri wùn à ŋgày sé wìr si, á wíy a yuyrí áwune é màdzəə̀, é kindzə́m kí wáa yuy e věn melav.

Remrí 28:52

Á wíy sùm ven e věn ŋkà se laʼ sidzə̀m, kù bey, e meé mo vikum ve kày vén ve vèn yoy, tiir sho vi wíy səy, e mày. Kí kù wíy a dzə bèy e věn ŋkà se laʼ sidzə̀m, a dzə bèy, woŋ wón e dzə̀m, wúwun wo Nyùy Tàr woo Nyùy won foon ne e vèn.

Cù 26:33

Fo kén kí, m wíy taʼár ven, é vèn sáŋrí e vitúm vímóʼ ví nsay, é m kfə́n a ròn wúu yén e rə́r sí. Woŋe siiy bèy, é wú nèn dù e vifə̀m, é ŋkà se laʼ sén si kerkir.

Cù 26:31

M wíy siìr ŋkà se laʼ sén, é sí kfə́n ji vifə̀m ŋkuuŋkùŋ, e bvəʼə́y virə́ʼ vén vé cù, e làa yòʼ a ker shií e věn cù, ye kirəm ki yii rəm, rəʼtìnè.

Jeremia 50:35

Nyùy Tàr yoŋ jii: «Rə́r sí wíy nəə́ e wòŋ Babilon, e laàr wír ve á dzə́ fo, e laàr vé saʼ vee fó, aàŋgàa ntir véví shó.

Yòvdìy 2:9

Wù‑uù shètì kóŋ sé mfìn e vintsə̌m vintsə̀m, shuu se kày si keésí, a neŋ e mvə̀m kibvə̀r. Fòn wùn à vé saʼa sì é kwaʼ nsàm, a bó taà cù yòʼ kfə̀n dzə̀ wó a yeʼéy wíri nsər se Nyùy. Nyùy Tàr yòʼ dzəə́ ghém ndzə aàŋgàa ntum vəə́, á yòʼ dzəə́ yén vinyo e njà vinjeenjèm.

Hosea 4:16

«Wír veé Israyi táv kitú moo wan nàʼ wo wù yóʼ ne dzə̀ə́. Mo áwune sí gháʼ mo, a dzə̀ m kfə̀n ghàn é le, e bóo yiír áwune moo bvə́y se sí sí ján janén?

Hosea 4:17

Wír veé Israyi suùsín ne wùn à mebvə̀m mè, vèn maʼti dzə́ə yev.

Amos 6:8

Nyùy Tàr woo Taà Ndzə kan kitú kfə́, kan bèy, lìʼ ji wun woo Nyùy Tàr woo Taà Mànjòŋ suuy a jii: «M ban kiŋkoʼòrwùn ké rám Jakov, ban virə́ʼ vév ve tavkín ve á bàʼrìn. M yíi way ŋkàlaʼ yev aàŋgaà vév vibàné wo, aá laar wùn à kifá kidzə̀m ke kí dzəə̀n shó ki.»

Cù 26:25

M yíi màʼ rə́r e věn kitu, e siìr ŋkfə́tir mensàŋ me vèn bivirin. Vèn nyéŋ fo kwaʼ rər, du, laay e věn mvə̀m ŋkà se laʼ seé mvə̀m kày se bomén sí, bo m yíi tsənsí yàsí wo bi e věn mvəm, e dòmsì ven, e way aàŋgaà vén vibàné wo.