Hosea 11:5 - ŊWÀʼ NYÙY

⁵ Àáy, mo áwune tenen fó kfən e mǒ wùn, bo á kér fóo kfən e bàm é Ejiv. Kfə́né, é fòn woó Assiriya wáa taa aáwuné kitu.

Hosea 11:5 Referans Kwoze

Hosea 7:16

e bìnkìr, a kìʼ kifá, a bó yòʼ dzə̀ Nyùy. Áwune dzə̀ kév moo kinte ke bó yòʼ dzə̀ kí tè kifá. Atǎr saʼ véví sévti mo, aá kù yíi kpu yé rər. Kpú bèy, é wír veé Ejivi wáa sheʼ áwune.»

Hosea 8:13

«Áwune koŋ a cù mo e nyám si, a kù dzə̀ ji á koóy nyám yée kfər, a bó yòʼ dzə̀ mo woo Nyùy Tàr, m səə̀sí áwune gheéy. Ké lèn ki, m lo, e kiv njò yev, e màʼ ŋgeʼ aáwuné kitu. M yíi siìr áwune é bàm é Ejiv.

Hosea 10:6

Rúrú, á wíy lì shibvə̀m she áwune yoy, tiir sho shìn, e dù, e shwi fon woó Assiriya sho, wun woo fon wo wiy. Á wíy shoór wír veé Isray, aáwune wáa woomé, bìʼ vifií ve áwune baʼtin, e wày e shibvə̀m shìn shí wùn.

Hosea 9:3

Vèn yòʼ yíi gòʼ e Nyùy Tǎr nsay, vèn kér fó yìi kfən e bàm é wòŋ Ejiv. Vèn wíy a dzə e nsay Assiriya, a yi viyíkìr a dzə̀ ve ví sí kér kifàn.

Amos 5:27

é m tsə́nsí ven é kwaʼ nsàm, é vèn du, e shaà Damaskus shaán. Suuy Nyùy Tàr wo yír rəə́ dzəə̀n Nyùy woo Taà Mànjòŋ.

Amos 4:6

«Jìŋ ye yì‑iì koó ŋkà se laʼ sén sidzə̀m, bó yòʼ‑oò yii mo a? Kù‑uù bùúr mo vifá ve yi fo virə̀ʼ ve vèn dzə́ sho vidzə̀m. Suuy mo woo Nyùy Tàr woo Taà Ndzə.

Hosea 9:6

A vèn fèn lèʼ, fo wír veé Assiriyàa laar ven, bo wír veé Ejivi kù‑úù báʼtí ven, e yùyrí. Yúyri, é wír veé Memfisi dzəəme. Vimbìn ví wíy fəə, e sətí bùʼ won, é vitiír vé njoŋ vi wáa tèʼ láʼ sén sidzə̀m.

Hosea 6:1

Wír veé Israyi nèn lò, e sùúy jii: «Vèsən kfə́n é bàm e Nyùy Tǎr wùn. Wù sàʼtì ne vèsən, yii bèy, a wù yíi fèr. Wù lèmér ne vèsən, yii bèy, a wù yíi kur vileémé vesən.

Hosea 5:13

«Wír veé Israyi‑iì kìíy yàsí wov, wír veé Judàa kiíy vév vee viváv, Isray nèn dù, e mbaà fon woó Assiriya ji wù sə́ á áwune. Fə̀m mo á yoy, tiir e fòn wo wiy və̀n wùn, wù yòʼ wíy yu fóo fèr yàsí wov, kìn vileémé vév.

2 Afòn 15:29

Yì‑iì dzə̀ é ghan sé Fòn Peka woó Isray sìn, Tiglat‑Pileser woo fon woó Assiriya wìy, e faàsì ntèʼ see Ijon, Abel‑Bet‑Maaka, Janoa, Kedesh, e lì Hasor, e kfə̀n faàsì ŋgvən seé Gilead, wùn à seé Galeli, à seé Navtali si sidzə̀m. Wù faàsì bèy, e koòrí wíri, e dù sho e Assiriya.

2 Afòn 15:19

Wáa dzə e ghan fóo fèy, Pul woo fon woó Assiriya lò, e nə̀ə́ rə́r é Isray. Menahem nèn lò kfə́, e fò wun *kisha ke mbàm ke fəvír kí akilu nsə̀kì nshòv sikweè e mtaár (34,000) ji wun fiʼ koò wun e viŋkar, é wù sə́ wun, e tòm á vifon və́, é ví tuúy.

Remrí 17:16

Lá fòn yòʼ wìy a ker nyám se ŋkoʼ sinín ji sə́. Lá wù yòʼ wìy mùm, e tùm wíri é Ejiv ji á du, e yùn nyám se ŋkoʼ fo fo, bìʼ fo Nyùy Tàr‑iì shaʼnin ne ji lá wír vəə́ yòʼ kfə̀n wìy kfə̀n á e Ejiv.

Amos 4:11

«Mò‑oò laàr ŋkà se laʼ sén símóʼ sí mo mò‑oò laàrìn Sodom wùn Gomorra. Kibér ki bóy ji cóʼ moo shiŋkaʼ she shí shwiin, e lòo mày, á jón fó kiy. Yii bèy, la vèn yòʼ kfən é bàm e mǒ wùn. Suuy mo woo Nyùy Tàr.