Hosea 11:3 - ŊWÀʼ NYÙY

³ Kù‑uù caacà mo áwune, é bo á wáa kiíy mó a shoʼtí kiwuú, a kù‑uù danèr mo áwune e kiwó kém kí. Yii bèy, bó áwune yòʼ‑oò ló a gwàrìr ji leey a mo fo áwune.

Hosea 11:3 Referans Kwoze

Jeremia 30:17

M yíi yiì, é vèn bónén. M yíi fèr vileémé vén, fə̀m mo aŋgàa vibàn véné yoŋ ven ji ajùmfóŋgày, yoŋ ji Sion woo là ŋgaà benben. Suuy mo woo Nyùy Tàr.»

Remrí 1:31

Wù kfə̀n‑eè leey fo vèn é kirə̀ʼ ké woʼ kí, a vèn‑eè yèn mo wù koytin ven mo kitàr kí kòytí wán. Wù kóytí bey, e ghàn shó, e wìy, e mèé e kirə̀ʼ fen.

Ŋwàʼ Fəə 15:26

Wù‑uù sùúy jii, «Dzə̀ mo Nyùy Tàr, wo wù fer ayàsí vén. A vèn yiì a yu mo, a yiì vinyo vee tìítiy, a lèm nsər sém, a yiì vinyo ve m tiirin e věn wùn vidzə̀m, bo m yòʼ yíi màʼ ŋgeʼ yàsí e věn kitu ye mò‑oò màʼàn e wír veé Ejiví kitu.»

Hosea 7:15

Kù dzə̀ mo wo mò‑oò lìyìn áwune, e tàvír, é bo á wáa tiy aáwuné shwin, yii bèy, á ló fó fo, a woŋ wúu yém,

Lim Aŋgàa Ntum 13:18

e kù kfə̀mén, a leéy fo áwune e kirə̀ʼ ké woʼ kí kiyá mkweè.

Hosea 14:4

Nyùy Tàr suuy jii: «M wíy fèr yàsi wìr vém, aá kfə́n é bàm e mǒ wùn. M wíy a kòŋ áwune shilív shém shidzə̀m, a bó m yòʼ dzəə́ yiì a shwiíy kilòŋ vèr áwune.

Hosea 7:1

«M lo ji mo‑óò fer yàsi wìr veé Isray, m kù yèn a dzə̀ vinyo ve áwune buʼtì, e yèn virom ve á shóʼ e ŋkàlaʼ Samaria. Wìr kù sí lo, wù wàa boʼ wùmòʼ bóʼón, ámóʼó wàa kivtí a dzə̀ lav se wíri, a shoŋ vifá, ámóʼó wàa faàsì vifá ve ámóʼ vee wír e mentàrnín.

Hosea 2:8

«Isray woo yeè lav wom‑eè dzə́ vèr wun, a bó wù yòʼ‑oò lo gwàrìr ji yì‑iì fó a mo ŋgoòy se vifa e wun, a kù‑uù fò mo meluʼ wùn à meŋgvə́r mè, ku kfə̀n fò mo *kisha ke mbàm ke baar kí wùn à ke fəvír kí e wun nyanyày, é bo wù li, a cù a dzə̀ nyùy woo *Baal sho.

Aysaya 63:9

Vé‑eè lóo yen ŋgeʼ, a fə̀m dzə̀ rəné, wù kù a yen sa, e bóo lò, e tum nshìylav ye yì‑iì dzəə̀n e wun mentsə̀m, é yì fəə́r áwune fó fo. Kèʼ mo áwune‑eè kèʼèn, a dzə ji kitúm, wù kú a kòŋ áwune, a sham. Wù‑uù bòyìr áwune fo aŋgaà vév vibàné wo, kù mo wàn ghán, dórí, kitàr kí jàjàŋ.

Aysaya 46:3

«Éè kiber ke rám Isray, ven vee rám Jakov, vèn yuúrí kinyo ke m suuy ki kijuŋ. Kèʼ mo vèn‑eè kèʼèn, a dzə ji kitúm, m kù leey fo vèn. Kù li mo ven, ghán sho.

Aysaya 30:26

Á bèy, rán ye yí lo fo ŋwee wíy a ran réŋréŋ moo ye yí lo fo shùy, é shùy wáa ban, é virə́ʼ ví wáa ran kàŋ saàmbà, e shaà mo ví yii ráné, kù moo ji á tàtí rán shùy yee kishiíy saàmbà kishiíy kimòʼón. Kin ki wíy a koóy, a dzə̀ é ghan se Nyùy Tàr wíy a kur vileémé vé wìr və́, ve wù‑uù lemerin, a kuv.

Ŋwàʼ Fəə 23:25

Vèn kú a ghvəm a dzə̀ mo woo Nyùy Tàr woo Nyùy won, é m wìy a səə̀vì ven e viyíkìr vi, à mendzə́v mè, e kfə̀n a kìŋ sa ven fó ayàsí.

Jeremia 8:22

Dzə̀ ji kifú kí yòʼ dzə̀ é Gilead à? Aŋgàa shìvi yòʼ dzə̀ fó à? Yií ka fo á fer kileémé ké wìr vém?

Aysaya 1:2

Éè yùv, yuúrí. Éè nsay, yuúrí, e yù. Nyùy Tàr suuy jii, «M lìy wón, e gèʼ shó, á kúykír, e nèn bìnkìr, a tsəy kóy vèr áwune.

Remrí 8:2

Vèn ku wìy a kuumé mo Nyùy Tàr‑iì tsəənen ven é kiya kee mkweè kìn, e tòsín wóʼ shó. Wù‑uù tsəə́ne bèy, soyrì ven e ŋgeʼ si, e fíʼ sə̀r ven, e kiíy shilív shén ji sà dzə̀ vèn lèm nsər sə́, mo bó yòʼ dzə̀ á lèm á.

Ŋwàʼ Fəə 19:4

‹Vèn‑eè lo yèn kinyo ke mò‑oò yiìn e wír veé Ejivi e sí yéné, e kfə̀n yèn mo mò‑oò rə́si béʼ ven, é bo vèn wiy, e yèn mo fen. A mò‑oò béʼ ven réŋréŋ mo lùŋ wo wiy yii béʼ wón və́ e wun vàv bèy.

Nsùyrì Nyùy 107:20

Wù súŋnín, á bónén, e tìn áwune fó kpu ye yí‑iì yíi lì áwune.

Remrí 33:27

Nyùy wo wù gòʼòn kàŋ mòʼón dzə̀ kibeey kén kee ŋkuuŋkùŋ. Wù kù wíy a koytí ven e kóy sə́ sí, e wìy dù, e jòʼsì. Wù wíy jùm aŋgaà vén vibàn fo věn mbìy, a jùm bèy, a yòŋ jii, vèn laar adzə̀m.