Hosea 11:2 - ŊWÀʼ NYÙY

² Yii bèy, mo m kù‑uù waʼrì, jaŋ áwune akàŋ akàŋ, kù dzə̀ mo á nyéŋ mo nyéŋén, du, cu a dzə̀ mebvə̀m mee *Baal, ton kiláy, cu anyùy sho.

Hosea 11:2 Referans Kwoze

Hosea 2:13

Rúrú, m wíy màʼ ŋgeʼ e Isray kitu, bìʼ ŋwáy ye wù‑uù ŋwayin mo, e ŋwày mo, e dù a tòn kiláy, a cù mebvə̀m mee Baal sho, e lò, a wayrí a dzə̀ vifá ve sùsù, a ghan sho aàŋgàa ŋkòŋmé vəə́ bàm. Ghán bèy, laysìn mo. Suuy mo woo Nyùy Tàr.»

Jeremia 18:15

Yii bèy, a wír vémé ŋwày ne mo. Á sí ton kiláy, cu anyùy kisaŋe shó. Anyùyi yií, áwune wáa bàyrìn e dzəə ye á kì ghán sho, dzə́ə, ye dzəə̀n kimvə́mvə ké dzəə, e nèn lò, e bìn a dzə̀ é dzəə ye toʼrìn, dzə́ə, aá yoʼ nàŋsín, yì táʼám.

Aysaya 65:7

M lo, e màʼ mo yii yéví dzəə̀n, e tatí yé atàr vév. Suuy mo woo Nyùy Tàr. M kù‑úù maʼ ŋgeʼ aáwuné kitu, bìʼ anyùy ve á cu aàgwan. Kù sì lám bey mo á té e mò fó, méŋ mo. M kù wíy màʼ ŋgeʼ aáwuné kitu, kù mo vinyo vév ve vé‑eè rə́si yii vi dzəə̀n.»

Hosea 11:7

Wír vém veé Israyi wày ne wáyín ji á kù‑úù tín kiwuú fo mǒ bàm. Áwune wíy a toŋ, a kàn Nyùy woo Taà Vitu, yii bèy, é la wù yòʼ nàn áwune.

Lim Aŋgàa Ntum 7:51

Tefan fèr bèy, e sùúy jii, «Vèn tàv kitú e ŋàŋ, a melív men wùn à vituʼùr vén ví dzə̀ vé wìr ve bó á yòʼ kiìn Nyùy. Vèn kfə̀n tén fó a yu Kiyoy ke Ranén kí, yii kinyo, a kù dzə̀ ke atàr véné‑eè yii.

Joon 3:19

A dzə̀ á kù lì lòn, bìʼ fo rán ye yí loòn fo Nyùyi wìyìn ne e ndzə fèn, á kú a kòŋ fó a ghan a dzə̀ é ndzə ye sənér, bìʼ fo á yii vinyo ve bi ví.

Ŋwàʼ Luk 13:34

Wù nèn yòŋ jii, «Éè Jerusalem, éè Jerusalem, à yúyri aŋgàa ntum Nyùy, yúyri wír ve Nyùy túm fo wò adzə̀m e tíyí. M mùm ne akàŋ anín ji m báʼti wón vé mo yeè ŋgvəv kùʼtí wón é sar vàv, la à yòʼ a biimé.

Sekariya 7:11

M wáa tiisí bèy, a wíri kù‑uù sí yú, táv a dzə̀ kitú, səm vituʼùr, tén yú.

Jeremia 35:13

e tiìsí ntum ye wù yíi dù, e tiisí e wír veé Juda wùn à veé Jerusaleme jii, Nyùy Tàr woo Taà Mànjòŋ, wun woo Nyùy wìr veé Isray dzə́r a jii, «Vèn yoʼ yèʼéy kinyo fo kinyò fèn, yée a yunín mo a? Suuy mo woo Nyùy Tàr.

Nehemia 9:30

Wò‑oò kfə̀mén vèn áwune viyá viyá, e kù a yiì, Kiyoy ké ki wáa banrí aŋgàa ntum vé, á wáa kàntì áwune. Yii bèy, la áwune yòʼ fə̀m yuùrí. À nèn wày áwune e vitúm vee fó ghaŋ ví wo.

1 Afòn 18:19

Lèn və̀n, kí nén a dzə jii, ‹Fòn toóy á wír veé Isray, aá báʼtí adzə̀m e mǒ si e Gwan Karmel. Fòn toóy á sa aŋgàa ntum Baal vee kishóv mtàn e ghiì kweè, e tòóy sa vé nyùy woo *Ashera vee ghii kweè ve Yaà Jesebel yiirì, aá báʼtí fó.› »

1 Afòn 12:33

Mo Jeroboam sìysìn ŋkàʼ və́ bey, wìy lòo dzə kishiíy nshòv sitàn e ghvə̀m fo ŋwee woo waamé, a dzə̀ ŋwee wo wù‑uù shoʼon, wù nèn a yiì cu e kiy cù wo wù‑uù bomen é Betel ji wun neer á ŋkàʼ woo shoon ji wó wìr veé Isray. Wù nèn lò, e kòʼ é kiy cù, a yiì cu si.

Atǎr Nsaʼ 10:6

Wír veé Israyi kfən lò, a yiì vinyo ve bi ví, a tinsín Nyùy Tàr shó. Áwune kù‑uù ghvə́m mebvə̀m mee *Baal, à mee *Ashtoret, kfə̀n ghvə́m anyùy veé Siiria wùn à veé Sidone, à veé Moavi, à veé Ammone, e lì veé Filistia. Áwune‑eè bìn ndzə̀m e Nyùy Tàr, e làa yòʼ dzə́ə a sùyrì wun gheéy.

Atǎr Nsaʼ 3:7

Á bèy, wír veé Israyi kù‑uù dzə́, yii vinyo ve bi ví, tínsin Nyùy Tàr shó. Áwune‑eè bìn ndzə̀m e Nyùy Tàr woo Nyùy wov, e nèn a ghvəm a dzə̀ mebvə̀m mee *Baal wùn à mee *Ashera mè.

Atǎr Nsaʼ 2:13

Áwune‑eè bìn ndzə̀m e Nyùy Tàr, e nèn a ghvəm a dzə̀ mebvə̀m mee Baal, à mee *Ashtoret mè.

Sekariya 1:4

Lá áwune yòʼ a tav a kitú mo atǎr ram véví‑iì táví. Aŋgàa ntum vém vee fó mbìyi‑iì kantì áwune ji mo woo Nyùy Tàr woo Taà Mànjòŋ‑eè suuy a jii, á biner á melív mev, e yàr fó a yiì liì kisaŋ. Yii bèy, áwune tén fóo yunín mo. Kù suuy mo woo Nyùy Tàr.

Hosea 4:13

Áwune cu mebvə̀m e vitu ve agwan, yii cu ye tonèné aàŋkoŋ. Cu anyùy e sar vici vee *oak, à vé *popar vi, à vé *terebint vi. Aá cu bèy, yú vijuŋ ve kindzə̀ə́ndzəm kee fó. «Á bèy, wìr vem, wón vén vee vikìyí lò ne, e kfə̀n ji asàkì, a vikǐy won véné fəə́, ghán viŋkar.

Jeremia 44:5

Yii bèy, la wír vémé yòʼ yuùrí, aá yòʼ fə̀m gwarìr ji bo áwune kì kùvsín á yii yév kisaŋe, e yàr fó a tòn kiláy, a cù anyùy sho.

Hosea 4:17

Wír veé Israyi suùsín ne wùn à mebvə̀m mè, vèn maʼti dzə́ə yev.