Hosea 11:1 - ŊWÀʼ NYÙY

¹ Nyùy Tàr gháy wún, suuy jii, «Yì‑iì dzə̀ é ghan se Isray‑iì dzəə̀n moo wán wo bór, mò‑oò kòŋ wun feyì ji wán wom, e lò, e fə̀ə́r fo wòŋ Ejiv.

Hosea 11:1 Referans Kwoze

Matio 2:15

Á ku nèn a dzə fo, e meé e ghan se Fòn Heror‑iì làyìn. Á wáa dzə e Ejiv bèy ji kinyo ke Nyùy‑iì tiisin e ŋgaà ntum və wùmòʼ kí fiʼ gheén. Wù‑uù sùúy jii: «M fə̀ə́r ne wán wom fó wòŋ Ejiv.»

Ŋwàʼ Fəə 4:22

Áà kfən sùúy e Farao ji mo woo Nyùy Tàr suuy a jii, ‹Isray dzə̀ wán wom mbìy woo lumèn,

Hosea 13:4

Nyùy Tàr suuy jii: «Dzə̀ mo Nyùy Tàr woo Nyùy won, e kèʼ mo mò‑oò fəərin ven fó wòŋ woo Ejiv. Vèn yòʼ kfə̀n kér Nyùy wùmòʼ, e shaà mo, kù jòʼ mo cáʼ wo dzəə̀n ŋgaà lùŋèr won.

Hosea 2:15

M wíy siìr súm və́ vitiír vé vayin e wun, e bìnèr Kiwoóy ké Ŋgeʼ, é kí kfə́n ji dzə́ə ye yì du fo wù yoy, tiirì. Dzə̀ fó, fo m wíy yòŋrì wun, é wù biímé, a jùmrì mo, réŋréŋ mo wù‑uù jumrì e ghan sə́ sé viŋgòn, ghán, se mò‑oò fəər wun fo wòŋ woo Ejiv.

Jeremia 2:2

«Dù, a tiisí, é wìr dzə̀m woó Jerusalem wáa yu ji mo woo Nyùy Tàr suuy a jii: « ‹Isray, m kuúme mo wò‑oò wayin shilív e mǒ wùn, aà dzə̀ə́ ji wánlè ŋgòn. Wò‑oò koŋ mo é ghan se wòsò‑oò tatin vijín. Wò‑oò jumrì mo é kirə̀ʼ ké woʼ kí, nsay, a bó kifá ki yòʼ kúy sho.

Malakay 1:2

Wír veé Isray, Nyùy Tàr suuy e vèn jii, «M kòŋ ne ven féyì. Yii bèy, vèn ló kén, a yòŋ jii, ‹Nyùy koŋ ver a dzə̀ é dzəə rəné?› » Binèr Nyùy Tàrí wáa dzə jii, «Bó Esav wùn Jakov yòʼ‑oò dzə̀ afə́r a? Yii bèy, m shóʼ a dzə̀ Jakov,

Hosea 12:13

Fo bàm, a wír veé Israyi dzə̀ é Ejiv, Nyùy Tàr tsə́nsí ŋgaà ntum və, wù fəə́r áwune fó vikwàn vee fó. Nyùy‑iì lùŋèr áwune, e shaà fo *ŋgaà ntum və və̀y.

Esiker 16:6

Kù mo m shaa, e tò e wò wùn, e lòo leéy, e yèn, aà búʼ, té vikoy e wò mvə̀m mensə. M yòŋ wò jii, à lùŋ ne, aà kù dzə̀ə́ e mensə mè mè wùn.

Remrí 7:7

Wù yòʼ‑oò lo shòʼ ven bey ji bìʼ fo vèn‑eè kùʼùn, e shaà vitúm vímóʼ ví. Yì‑iì dzə̀ bìʼ fo wù‑uù kòŋèn ven, e nèn shòʼ ven, a vèn‑eè dòr, e shaà vitúm vidzə̀m.

Hosea 12:9

Yii bèy, dzə̀ mo Nyùy Tàr woo Nyùy won, mo wo mò‑oò fəərin ven fó vikwàn é wòŋ woo Ejiv. M kfə̀n yíi siìr ven, é vèn kfə́n, a shiíy e vibàn, réŋréŋ mo vèn lóo yi ŋkàʼ, á shìíy.

Ŋwàʼ Fəə 4:23

a m suuy e wun a jii, màʼtì wan wom woo lumèn və̀n, é wù du, a cù mo. Yii bèy, aà tèn fóo màʼtì, é wù du, bo m yíi yuyrí wan wò mbìy woo lumèn.› »

Nsùyrì Nyùy 129:1

Wír veé Isray, vèn fer mo vé‑eè nyavrì e vèn, nyavrì, a vèn kù sì ji kitúm.

Jeremia 12:7

Nyùy Tàr suuy jii: «M bìn ne ndzə̀m e Isray. M shwèy ne wír ve mò‑oò shoʼon ji vém, e wày wír ve mò‑oò liìn ji shilív shém áàŋgaà vév vibàné wo.

Hosea 10:15

Ven vee wír veé Betel, á kinyo ke kí yíi koóy ven. Kí kér fó yìi koóy, bìʼ vinyo ve bi ve vèn yiìn, e tònén. Rə́r sí yíi tsəŋén, aá laar fon woó Isray, é kfə́ kí may ŋkuuŋkùŋ.»

Ŋwàʼ Fəə 19:4

‹Vèn‑eè lo yèn kinyo ke mò‑oò yiìn e wír veé Ejivi e sí yéné, e kfə̀n yèn mo mò‑oò rə́si béʼ ven, é bo vèn wiy, e yèn mo fen. A mò‑oò béʼ ven réŋréŋ mo lùŋ wo wiy yii béʼ wón və́ e wun vàv bèy.

Remrí 33:3

Rúrú, Nyùy Tàr koŋ wír və́. Wù kiŋsìn wír və́ adzə̀m, áwune vee wír vee jeéyí. Bìʼ bey, áwune nén a tsəm e wun si, wìr wáa yuurí ntir se wù fó.

Aysaya 43:4

A kù dzə̀ m yiì lì wír ámóʼó ji m fiʼ tàŋrí ven shó, bìʼ fo m wayin ven e mǒ shiliv, a m kòŋ ven é ŋàŋ, e lì ji wír ve a dzə̀ m kù bùʼ. M kù wíy lì vitúm, e taŋ ven shó fo kpúu.

Esiker 16:22

À lóo shoʼ virom, a kfər virim e visàkì vé vi bey, e làa yòʼ dzə́ə a kuumé vishiíy ve wò‑oò dzəə̀n e bór, búʼ e wò mvə̀m mensə kinshóʼ, là kifá.