Hosea 10:9 - ŊWÀʼ NYÙY

⁹ Nyùy Tàr suuy e wír veé Israyi jii: «Éè wìr veé Isray, e kèʼ fo ghan se vèn‑eè bùʼùn kinyo e Gibea, vèn kù jáy jay vèsən, dzəsì jay e wùmǒʼ kitu. Vé‑eè tòn wír ve bií e rə́r sí é Gibea bèy, a bó yòʼ‑oò dzə̀ kinyo ke juŋ ki bey à?

Hosea 10:9 Referans Kwoze

Hosea 9:9

Áwune nə̀ə́ ne e vinyò ve bi ví wuu baà, e bìvír vitú, kí fóy fóyin, kù mo atàr véví‑iì yii e Gibea fo ŋgùʼ. Nyùy kù yíi a kuumé vinyo ve á buʼtì. Wù wíy màʼ ŋgeʼ aáwuné kitu bìʼ vinyo vév ve bi ví.

Atǎr Nsaʼ 20:5

Yiì lòo dzə vitsə́ʼə́, vilum veé Gibeàa kaárí lav, e tàr ji á yúyrí á mo, yii bèy, á nèn bàm a dzə̀ yeè lav wom, e neèm sho, wù kpú.

Kèʼlo 8:21

Kirəm ke cù ki rə́ʼtín, e ghèén Nyùy Tàr, wù suúy fo wun bvə̀m jii, «Bó m yòʼ dzəə́ wìy màʼ ŋgeʼ e kitu ke nsay bìʼ wir msòŋ. Kwaʼtì wìr msòŋ e dzə̀me kù sì yé kisaŋe, e kèʼ fo meterí. Bó m yòʼ dzəə́ wìy laàr kifá ke ŋeʼèn kí fó kitu ke nsay mo mò‑oò laàrìn.»

Kèʼlo 6:5

Nyùy Tàr lòo leéy, e yèn, a liì kisaŋ wìr msòŋ gháʼ ne e kitu ke nsay, a wù kù sí kér a dzə̀ kwaʼtì kisaŋe e wun shiliv ghán sidzə̀m,

Hosea 5:8

Nyùy Tàr suuy jii: «Á tóŋ á sóŋ rər é Gibea, e bùʼ shirəə́ e Rama, a koʼór kiyor e Bet‑Aven. Éè vilum veé Benjamin, vèn ku fəə̀ é shùu rər.

Hosea 10:8

Á wíy laàr virə́ʼ vé anyùy veé ŋkàlaʼ Aven, fo wír veé Israyi yii cu mebvə̀m. Vitiír vé njoŋ wùn à vikwiíy ví wíy kuy, e sùm kíy sév sé cù. Wíy lòo dzə e ghan see shooy, é wíri wáa toŋ, a jàŋ virùmèn jii, «Vèn ku keèsì e věr kitu,» a toŋ, a jàŋ agwan jii, «Vèn sə́y, e sə̀tí ver.»

Hosea 10:10

Ké lèn ki, m lo, e màʼ ŋgeʼ e věn kitu, bìʼ kóy wo vèn tsə́y vèsən. M lo, e baʼtí vitúm vímóʼ ví, aá nəə́ ven e rə́r sí, e sə̀r ven, bìʼ ajay vén ve á kù kuʼ, du duùn fó mbìy.