Hosea 10:7 - ŊWÀʼ NYÙY

⁷ Á wíy shàʼàr fon woó Samaria fo wírí si, kù mo ndzə́ví kùúy ŋgay shiŋkàʼ, e dù sho.

Hosea 10:7 Referans Kwoze

Hosea 10:3

Áwune ló lèn, e nèn kèʼ, a suúy jii, «Vèr bùú fon bèn, a dzə̀ bìʼ fo vèr‑iì tenen fó a ghvəm Nyùy Tàr. Yii bèy, a fòn fə̀m kì dzə̀, wù sə̀ ver é gha féyì?»

Ŋwàʼ Jud 1:13

Á kfə́n a dzə sa moo ndzə́v lome, ye shwéri lóo tsəy, vifə́yfə́y ví wàa fə̀ʼ, a dzə̀ joonè wo áwune yii. Aá kfə̀n dzə̀ moo mejiy me mè kár karín, a bó mè yòʼ sə́ŋ fo Nyùy keèrìn. A Nyùy nàŋsín ne kirə́ʼ é ŋòròʼ wo wù sə́n ji cùm fo wù wíy way áwune, aá wáa neŋ fo viyá viyá là may.

Hosea 13:11

Mò‑oò fò afon e vèn é mvə̀m dòʼshwiíy, kilòŋ kí shwiíy mo, m shóv áwune, e lì, e dù sho.

Hosea 10:15

Ven vee wír veé Betel, á kinyo ke kí yíi koóy ven. Kí kér fó yìi koóy, bìʼ vinyo ve bi ve vèn yiìn, e tònén. Rə́r sí yíi tsəŋén, aá laar fon woó Isray, é kfə́ kí may ŋkuuŋkùŋ.»

2 Afòn 17:4

Yii bèy, wáa dzə e kiya kímóʼ kí, Hoshea tsə́nsí vé ntume fo So woo fon woó Ejiv wùn, ji wù sə́ á wun. Wù tsə́nsí bey, e nèn yàr nshwì wo wù‑uù fó e fòn woó Assiriya. Fòn woó Assiriya nèn yèn ji Hoshea fèn fiìnè ne a wun, e nèn koò Hoshea, e wày é sháŋ, e fìn fo.

2 Afòn 15:30

Hoshea woo wan Ela nèn lò, e kàr menàŋ e Peka woo wan Remalia bàm, e koò, e yùyrí, e nèn yì vifon. A kí‑iì kòóy a dzə̀ é ghan se Jotam woo wan Ussiya‑aà sí sáʼ Juda ji kiyá mbaà.

2 Afòn 1:3

Nshìylav Nyùy Tàr nèn wìy, e yèn Elija woo wír woó Tishbe, e sùúy sho jii, «Dùu, e yèn aŋgàa ntum fòn woó Samariàa. Ku dzə̀r aáwune ji sà dzə̀ ji bó Nyùy yòʼ dzə̀ é Isray a, é bo áwune du ji á tar kinyo fo Baal‑Sebuv woo nyùy woó Ekron?

1 Afòn 21:1

Ghán sí lòo dù, kinyo ki nèn ŋàʼáy kùm súm vitiír vé *vayin wó Nabot woó Jesreel, a súm və́ne dzə̀ e Fòn Ahav ghaa ntoʼ e Samaria.

Hosea 10:8

Á wíy laàr virə́ʼ vé anyùy veé ŋkàlaʼ Aven, fo wír veé Israyi yii cu mebvə̀m. Vitiír vé njoŋ wùn à vikwiíy ví wíy kuy, e sùm kíy sév sé cù. Wíy lòo dzə e ghan see shooy, é wíri wáa toŋ, a jàŋ virùmèn jii, «Vèn ku keèsì e věr kitu,» a toŋ, a jàŋ agwan jii, «Vèn sə́y, e sə̀tí ver.»