Hosea 10:6 - ŊWÀʼ NYÙY

⁶ Rúrú, á wíy lì shibvə̀m she áwune yoy, tiir sho shìn, e dù, e shwi fon woó Assiriya sho, wun woo fon wo wiy. Á wíy shoór wír veé Isray, aáwune wáa woomé, bìʼ vifií ve áwune baʼtin, e wày e shibvə̀m shìn shí wùn.

Hosea 10:6 Referans Kwoze

Hosea 5:13

«Wír veé Israyi‑iì kìíy yàsí wov, wír veé Judàa kiíy vév vee viváv, Isray nèn dù, e mbaà fon woó Assiriya ji wù sə́ á áwune. Fə̀m mo á yoy, tiir e fòn wo wiy və̀n wùn, wù yòʼ wíy yu fóo fèr yàsí wov, kìn vileémé vév.

Aysaya 30:3

Yii bèy, kiŋsìn ye vèn kwaʼ ji fòn wov yíi kìŋsìn vené yíi bìnkìr e nshoórmé, é kikfə́vsì kén kee Ejiv ki maʼ ven máʼan.

Daniel 11:8

Wù wíy kuúy mebvə̀m mee anyùy vév, e tatí wùn à vikáŋ vév vee *kisha ke mbàm ke fəvír kí, à vee ke baar kí, ve dzəə̀n vifá vév ve ghaʼtín ví, e dù sho e Ejiv. Wù du bèy, é la wù yòʼ dzəə ghìʼ fon woó Siiria e rə́r sí e bǎm viya vinín.

Jeremia 7:24

Yii bèy, la áwune yòʼ yù, aáwune yòʼ fə̀m‑eè ló a gwàrìr. Á lò, e nèn a jùmrì kinyo a dzə̀ ke vifií vév ví tíy sho, à ke melív mev mè koŋ ki, e nèn lò, a kfən kfənén é bàm, e làa yòʼ a dù duùn fó mbìy.

Mayka 6:16

Vinyo vìn vi wíy koóy ven, bìʼ fo vèn bìʼnìn liì kisaŋ Fòn Omri, e bìʼnìn sa wo wan və woo Ahav. Vèn kù shaa fo mbìy, yuúri a dzə̀ ntir sév. Bìʼ bey, m yíi laàr kitúm kén, é vitúm vee fó ghaŋ vi wáa kay ven, a wìr dzə̀m wíy a jàʼ ven.»

Hosea 8:6

Shibvə̀m shìn shi dzə̀, a fèr taà kilàm, a kù dzə̀ wír fo vèn vee wír veé Isray, a bó shí yòʼ dzə̀ nyùy wùmòʼ gheéy. Á wíy bvəʼtí shibvə̀m shén shin, é shí wáa neŋnín e vimbvəʼ vimbvəʼ.

Hosea 4:19

Á wíy kuúy áwune, e dù sho e kwaʼ nsàm, kù mo kùúy shwér. Áwune wíy a woomé bìʼ anyùy kisaŋ ve áwune cu.»

Hosea 4:7

«Atàá cù, mo ŋgoo yen kuʼù, kù dzə̀ sá réŋréŋ mo vinyo vén ve bi ví kuʼù. Bìʼ bey, m yíi siìr viwìr vén, é ví kfə́n ji nshoórmé.

Esiker 36:31

M yii bèy, é vèn nèn kuùmé vinyo vén ve bi ví, e kuùmé njiìn won wo bó wù yòʼ‑oò lo bòŋ. Vèn kuúme bèy, é vèn nèn a woomé bìʼ vinyo ve vèn‑eè bùʼtìn, à joonè wo vèn‑eè yiìné.

Jeremia 48:13

Kí kooy bèy, é wír veé Moavi nèn a woomé bìʼ nyùy wov woo Kemosh wo wù màʼàn ne áwune, réŋréŋ mo wír veé Israyi‑iì wayin shilív e nyùy wov woo Betel wùn, wù màʼ áwune, á wáa woomé.

Aysaya 45:16

Wìr dzə̀m wo wù fer mebvə̀m kù wíy a woomé woomén. Á wíy tatí áwune adzə̀m, e shoór, aá wáa beʼ dzə̀rkìtu, a ghan, a tùʼtìn.

Aysaya 1:29

Rúrú, vèn wíy a woomé bìʼ vicí vé *terebint ve vèn‑eè yáŋri, cu anyùy fo. Vèn wíy a beʼ dzə̀rkìtu bìʼ viboó ve vèn‑eè du e shií shií, cu anyùy fo.

Ŋwàʼ Jov 18:7

Á fàr ne ntàm se wù‑uù rə́si sar vitaáví vitaáví, a ntir ye wù‑uù rə́si fó e wíri kòʼór ne wun, e shìy é nsay.

2 Afòn 17:3

Fòn Shalmaneser woó Assiriya lò, e nə̀ə́ Fòn Hoshea e rə́r sí. Hoshea gbù wun, e nèn a fo nshwì e wun viyá vidzə̀m.

Esiker 16:28

«À kfən dù sa viŋkar fo wír veé Assiriyàá wùn, bìʼ fo wò‑oò duùn vèn à vé mbìyi, e làa yòʼ kur. À ku siì shaà fo mbìy, a ghaʼtí ghaʼtín e visàkì vi vèn áwune, la ví yòʼ kòsìn.