Hosea 10:3 - ŊWÀʼ NYÙY

³ Áwune ló lèn, e nèn kèʼ, a suúy jii, «Vèr bùú fon bèn, a dzə̀ bìʼ fo vèr‑iì tenen fó a ghvəm Nyùy Tàr. Yii bèy, a fòn fə̀m kì dzə̀, wù sə̀ ver é gha féyì?»

Hosea 10:3 Referans Kwoze

Hosea 10:15

Ven vee wír veé Betel, á kinyo ke kí yíi koóy ven. Kí kér fó yìi koóy, bìʼ vinyo ve bi ve vèn yiìn, e tònén. Rə́r sí yíi tsəŋén, aá laar fon woó Isray, é kfə́ kí may ŋkuuŋkùŋ.»

Hosea 13:11

Mò‑oò fò afon e vèn é mvə̀m dòʼshwiíy, kilòŋ kí shwiíy mo, m shóv áwune, e lì, e dù sho.

Hosea 10:7

Á wíy shàʼàr fon woó Samaria fo wírí si, kù mo ndzə́ví kùúy ŋgay shiŋkàʼ, e dù sho.

Joon 19:15

Áwune nèn kfə̀n a waamé jii, «Á yúyrí wír woo shooy yúyrín. Á ku yùyrí yuyrín. Á tá taán é kintam.» Payler dzə́r aáwune jii, «Bo dzə̀ ji m tá fon won é kintam à?» Vitú ve atàá cù vi bìnèr jii, «Vèr kù kér fon e mòʼón, a dzə̀ Fon woó Rom.»

Mayka 4:9

Yii bèy, lèn və̀n, vèn waáme tóŋ bìʼ ka? Fòn yòʼ dzə̀ e věn mvəm a? Vèn tóŋ bìʼ fo fòn won wo wù‑uu tír ven làyìn ne à, é bo nyári sov ven mo wiíy yù wán?

Hosea 3:4

Kù dzə̀ sá réŋréŋ mo wír veé Israyi wíy dzə̀ʼə̀m ntàmda, là fon, kìn taà ntoʼ. Áwune yòʼ wíy a yiì cu, a bó á yòʼ wíy a ker sə́y se á yii cu fo, kìn atàá cù, kìn mebvə̀m mé a ghvəm.

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Hosea 11:5

Àáy, mo áwune tenen fó kfən e mǒ wùn, bo á kér fóo kfən e bàm é Ejiv. Kfə́né, é fòn woó Assiriya wáa taa aáwuné kitu.

1 Samuel 12:25

A vèn kù gòʼ, a jay jayín, bo wù yíi laàr vèn, e kfə̀n laàr fon won.»

Nsùyrì Nyùy 12:4

Á sévti jii, «Kinyo kér kí dzə̀ kér, a dzə̀ vèr sùúy kinyo ke vèr koŋè. A dzə̀ sə̀r la ver?»

Aysaya 5:19

Lòné dzə̀ wó wìr ve á nye lám jii, «Nyùy Tàr ku yiì o kinyo ke wù taʼ ji wun‑éè yii. Wù ku yiì rì cér, é vèr yén ó. Wun woo Ŋgaà wo Ranén woó Isray, wù ku lìm kinyo ke wù‑uù baʼtin, é vèr yén ó.»

2 Afòn 15:13

Vé‑eè kòʼór Shallum woo wan Jabesh e Samaria ji fon woó Isray, a Fòn Ussiya woó Juda sí sáʼ ji kiyá nshòv bvə̀ʼə̀ e mtaár. Shallum‑eè sàʼ ŋwee e mòʼón.

Nsùyrì Nyùy 118:9

Kí bòŋ, e lìr a dzə̀ e Nyùy Tǎr wùn, e shaà fó tiír vifií a dzə̀ e vé saʼá wùn.

Hosea 13:10

Ké lèn ki, fòn won bèé, é wù sə́ ven? Atǎr saʼ vee věn ŋkà se laʼa bèé lèn? Áwune ve vèn‑eè lonen ji m ku fò ven afon wùn à vé saʼa.