Hosea 10:2 - ŊWÀʼ NYÙY

² Mo áwune lumen ne a dzə̀ kimboʼtì, e kpù shó, bo á kù lo, e màʼ ŋgeʼ aáwune bìʼ njò yev. Nyùy Tàr yíi bvəʼə́y kíy sév sé cù, e kètì sə́y sév sé anyùy.

Hosea 10:2 Referans Kwoze

Mayka 5:13

M wíy bvəʼtí mebvə̀m me vèn semen, e bàʼtì sə́y se vèn tuuyin é virə̀ʼ vé anyùy, a bó vèn yòʼ dzəə́ wìy a ghvəm vifá ve vèn fèrìn e wóo vin.

1 Afòn 18:21

Elija nèn kòʼtí e wírí mentsə̀m, e dzə̀r jii, «Vèn wíy tùʼtìn e kwaʼtìi e baà ben, e dù meé e le? A Nyùy Tàr dzə̀ Nyùy, vèn wàa jùmrì wun, wáa dzə a dzə̀ Baal, vèn wàa jùmrì rì Baal.» Wíri ku gòʼ gòʼòn kisə́sə.

Jeem 4:4

Vèn màʼày ne Nyùy, e kfə̀n moo wiíy wo wù ghán viŋkar. Bó vèn yòʼ kì jii, a wìr koò viŋkar wùn à vinyo veé ndzə fèn vi, bo wù sí ban Nyùy bánen a? Kí nén a dzə jii, wìr wo wù koŋ, a dzə ŋkar vinyò veé ndzə fèn, ŋgaàŋ lì ne kitú kfə́ á ji ŋgaà vibàn Nyùy.

Tsəfaniya 1:5

M wíy laàr wír ve á kóʼ, yii cu e kikfəv ke lav, kóʼ bèy, cu shúy, cu ŋwee, cu mejiy. M wíy laàr sa wír ve á cu mo, kan yír yém, kfə̀n kan yír nyùy woo *Molek.

Ŋwàʼ Luk 16:13

A bó yòʼ dzə̀ wìr wàa lìm atàr abaà. A wù lò, a lìm, bo wù yíi a bàn wùmòʼ, a kòŋ wùmòʼ, a yu kinyo ke wùmòʼ, a kay wùmòʼ. Bó yòʼ dzə̀ vèn wàa lìm fo Nyùy, e kfə̀n a lìm fo mbàm si.»

Matio 6:24

«Bó yòʼ dzə̀ wìr wàa lìm atàr abaà. A wù lò, a lìm bèy, bo wù yíi a bàn wùmòʼ, a kòŋ wùmòʼ, a yu kinyo ke wùmòʼ woo wír, a kay wùmòʼ. Bó yòʼ dzə̀ vèn wàa lìm fo Nyùy, e kfə̀n a lìm fo mbàm si.

Sekariya 13:2

Nyùy Tàr woo Taà Mànjòŋ kfən sùúy jii, «Wíy lòo dzə e kishiíy fóo fèy, é m laar kinyo ke mebvə̀m fo nsay foo fèy, é la á yòʼ dzəə wìy a kuumé. M wíy laàr sa aŋgàa ntum kimboʼtì, e laàr kiyoy ke kí bánri áwune, aá yii joonè.

Hosea 13:16

M kér fó yìi màʼ ŋgeʼ e wír veé Samariàá kitu, bìʼ fo á tsə́y kóy vèr áwune, a m dzə̀ Nyùy wov. Áwune wíy kpukír e shùu rər, aá wíy a tayrí wón vév, a dzə̀v e nsay, aá wáa sàʼkìr. Á wíy a shùʼtì bvəm se vikìy vév vee bvə́me aáwuné si.»

Hosea 7:8

Nyùy Tàr suuy jii: «Wír veé Israyi suùsín ne wó wùn à vitúm vi, e kfə̀n moo kifá ke á kaŋen, e làa yòʼ bìnèr, kí bír.

Jeremia 43:13

Wù wíy bvəʼtí sə́y seé virə̀ʼ vé anyùy se sí dzəə̀n é Heliopolis e nsay Ejiv, e tònrì lav se cù se anyùy veé Ejiv.› »

Aysaya 44:18

Wír ve á fer mebvə̀me yòʼ kér vifií gheéy shishàr bó a dor. Sí yéví sə̀tí ne, a bó á yòʼ dzəə́ yén virə́ʼ, vifií vév ví bvəə́rí, a bó á yòʼ dzəə́ kiiy jeéyjeey kinyò.

1 Samuel 5:4

Á kfən bvəə̀shí kijàvndzə, e lòo lò e yuv, e yèn a Dagon kfə́n ne gbù, e tsə̀m sí fo nsay e mbìy ŋkùv mensàŋ Nyùy Tàr, a kitú kfə́ wùn à wó si kóykír ne, a neŋ e kikùr ke shùu lav, Dagon nèn jòʼsì wún wún.

1 Joon 2:15

M nen kfə̀n a tir ven jii, lá vèn yòʼ wày shilív é ndzə ye bi fen, a yiì vinyo veé ndzə foo fèn. Vèn wáa kiíy ji wìr wo wù wáy shilív shó yòʼ dzə̀ á wù kfə̀n wày sá e Nyùy Tǎr wùn.

Hosea 3:4

Kù dzə̀ sá réŋréŋ mo wír veé Israyi wíy dzə̀ʼə̀m ntàmda, là fon, kìn taà ntoʼ. Áwune yòʼ wíy a yiì cu, a bó á yòʼ wíy a ker sə́y se á yii cu fo, kìn atàá cù, kìn mebvə̀m mé a ghvəm.

Hosea 12:11

Yii bèy, wíri kú a cù mebvə̀m e Gilead, cu bèy, bívir a dzə̀ vitú vév. Á kfə̀n yii cu e Gilgal, seé ambòŋ, a kíy sév sé cù si kù yíi kfən ji vikfə́r ve tiy, a neŋnín moo tíy se á baʼtin é sum wo á shèvìn.»

Ŋwàʼ Fəə 23:24

Vèn wáa yen fóo wìy a ghvəm anyùy vév, a cù áwune, a jùmrì dzə́ə sév. Vèn laar mebvə̀m mev mè láarin, e bvə̀ʼtí sə́y se sí tíynin aáwuné virə̀ʼ vé cù.

Cù 26:30

M wíy kètì virə́ʼ vén vé cù, e bvəʼtí kíy sén sé cù kilay, é mebvə̀m men mè wáa neŋnín fo, vifá, a bó ví yòʼ ŋeʼè, é m nèn màʼrì dzə́n sén é kitu wo, e nyaŋ nyaŋén.

Ŋgàn 11:18

Wìr lóo yiì yii ye bií, bo wù yòʼ yíi a ker séʼ, lóo yiì yii ye juŋe, bo vilaámé və́ ví kù dzə̀ é kiwo.

Esiker 14:5

M yii bèy ji m fíʼ bìnèr melív me wìr veé Isray ve á bàyìn wún fo mǒ wùn, a cù mebvə̀m, e siìr áwune e mǒ wùn.›