Hosea 10:12 - ŊWÀʼ NYÙY

¹² Vèn yú ke m suuy ki. Vèn ku wày ŋgoòy liì wo juŋ, é vèn yiì kàv koŋ ye m koŋ wíri. Vèn shev nsay ye dzəə̀n shilív shén she tavín shin shi, bìʼ fo lèn siìn ghán se vèn lo, e bìnkìr, e kfən fo Nyùy Tàr. Kfə́né, é wù yii vinyo vee réŋ ví e vèn, e səə̀vì ven.

Hosea 10:12 Referans Kwoze

Jeem 3:18

Kù dzə̀ mo vé kimane yii rə́si wáy ŋgoòy ye juŋ ji nyaáŋ, a nèn káv wír anín vijuŋ fo fo.

Aysaya 45:8

M wíy yiì, é kinyo kém kee tìítiy ki sum nsay moo wuú ye yí keesì fo yuv, ló e nsay. Kù mo nsay yú wuú, viŋgà ví wàa tèʼ, kù dzə̀ mo kinyo kee ji Nyùy luŋer wíri kí ku ràmtìn kitú ke nsay kidzə̀m, é kinyo kee ji wìr yii réŋ kí tátí sá, a ràm. Dzə̀ mo Nyùy Tàr, a yii mo, é bo vinyo vìn vi wáa koóy.»

Ŋgàn 11:18

Wìr lóo yiì yii ye bií, bo wù yòʼ yíi a ker séʼ, lóo yiì yii ye juŋe, bo vilaámé və́ ví kù dzə̀ é kiwo.

Aysaya 55:6

Á bèy, vèn kú a tàʼ Nyùy Tàr lèn və̀n wo dzə̀ á yèn wun. Vèn wáa toŋ e wun lèn və̀n wo wù dzə̀ə́ e věn mentsə̀m.

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

Aysaya 44:3

Kí dzə̀ jii, m wíy səə̀vì nsay ye yì yúm ji káv, e fəə́r ndzə́v, é yí wáa leŋ e nsay ye yì yumen ne, e mày. M wíy səə̀vì rám yén, e fo Kiyoy kém aáwune, é kiŋgoòy kén kí wáa yu vijuŋ ve kisəə̀vì kém.

Ŋgaà Tàrvìnyò 11:6

Wáy ŋgoòy se vifa si jeéy jeéy, bìʼ fo bó à yòʼ kiìn ke a dzə̀ kí kùy, a tàm é ghan símóʼ sí, vidzə̀m vi kùy.

Nsùyrì Nyùy 105:4

Vèn wáa tiír vifií e Nyùy Tǎr wùn, wun wo dzəə̀n vitaáví vén, a koʼtí e wun si ghán sidzə̀m.

Ŋwàʼ Luk 13:24

«Vèn wáa mùm kitávín fó tosín a dzə̀ fó shùu lav wo wú fárninè, e lùŋ. Vèn wáa kiíy ji wír aníne wíy a mùm fó tosín, a bó á yòʼ wíy a ker dzə́ə.

Amos 5:15

Vèn wáa bàn kinyo ke bi kí, a kòŋ a dzə̀ kee tìítiy. Vèn nəə e làv nsaʼ, vèn kù wày ji á wáa tinén kinyo ke wìr e nsànloŋ. Á bèy, tàm é ghan símóʼ sí, é Nyùy Tàr woo Taà Mànjòŋ wìy shàm mendzən me kibér ke rám Joosev.

Amos 5:6

Ven vee rám Joosev, vèn ku kfə̀n é bàm e Nyùy Tǎr wùn, e wìy lùŋ. A vèn tèn, bo wù yíi wìy moo və́y wo wú mey virə́ʼ, e tòn ven, e səʼsí, a bó wìr yòʼ yíi a dzə e Betel wo a dzə̀ wù ndzə̀mér.

Aysaya 31:1

Lòné dzə̀ wó wìr ve á sə́y e Ejiv ji wír vee fóo sə́ áwune. Lòné dzə̀ wóv mo á yoy, tiir a dzə̀ e nyám se ŋkoʼ see fó sí wùn, yoy, tiir a dzə̀ é *vitentén vé rər, bìʼ fo ví tsəətìn tsəə̀tìn, tiir vifií a dzə̀ e vé rər vee fóo wùn, bìʼ fo á dzəə̀n é mfòn. Áwune yòʼ kfə̀n dzəə́ yéʼti e Ŋgaà wo Ranén woó Isray wùn, a bó á yòʼ kfə̀n dzəə́ diy ji wun woo Nyùy Tàr wáa dànèr áwune.

Amos 5:4

Á bèy, Nyùy Tàr woo Taà Ndzə ku nèn a suúy e wír veé Israyi jii: «Vèn kfə́n é bàm, e yèn mo, e fíʼ bàʼàr kpú ye yí wiyì.

Hosea 12:6

Á bèy, ven vee rám Jakov, vèn kfə́n é bàm e Nyùy wón wùn. Vèn kú a kòŋnìn, é wìr wáa yiì kinyo e wùmòʼ là kiloʼ, é wìr kú a dzə, a kìʼ a dzə̀ Nyùy mo wù lo, e wìy, e sə wun.

Amos 5:8

Kù‑uù fèr Nyùy Tàr kikámkám ké mejìy mee Pleyades à mee Orion mè. Kù binèr wun ndzə ye yì sə́n, beéme ji wùm, a yì kfə́n ji kijàvndzə, binèr ndzə yee shùy, a yì kfə́n ji vitsə́ʼə́. Səŋ wun kiyúy fó rìbà ndzə̀v, yii, a kí kfə́n ji wuú. Yír rəə́ dzə̀ Nyùy Tàr.

Hosea 8:7

«Wír veé Israyi kù sí wáy a dzə̀ ŋgoòy vinyò ve bi ví, a kee shooy ki kù dzə̀ shwér. Á gísin, wáy bèy, aá kù yíi kav a dzə̀ ŋgeʼ, kù mo kinsəm ki teè vifá, e laàr ŋkuuŋkùŋ. Kwáʼ wóví dzə̀, a vitú ve saŋ ví yòvrí ne, a bó sáŋé yoʼ kùr shó. A kí fə̀m kòóy ji yí kúr, bo kù wíy yi viŋgwìy.

Lim Aŋgàa Ntum 2:18

A wíy lòo dzə e kishiíy foo fèy, é m kfən fò sá Kiyoy kém áàŋgaà vém lìme adzə̀m, kìn dzə̀ woo lumèn, kìn dzə̀ woo wiíy, aá wáa yu sa vinyo fo mò, a tiisí.

Esiker 34:26

M wíy màʼ kisəəvì aáwuné wùn, e màʼ e virə̀ʼ ve áwune dzə́ sho vidzə̀m, e kaarí gwan wom, e tar, a dzə̀ woo jeéy ji wóom. M wíy tsənsí wuú kù é ghan se yí yii dzə́, é wáa dzə kisəəvì kév.

Aysaya 32:20

Bòŋ ké wìr ve á wáy ŋgoòy se vifa, a dzə̀ é nsay yeé ghaa ndzəv, maʼtì, aàmbòŋ vév wùn à vimbèʼbìy ví ghán kicaárín, yíkirì.

Aysaya 30:23

Á bèy, é Nyùy Tàr tsə́nsí sá wuú, é ŋgoòy se vifa se vèn wayin sí fəə́, é vifá ve nsay fəər vi faŋkir, e kfə̀n a dzə nyanyày. Wíy lòo dzə e ghan fóo fèy, é nyám sén sí wáa bun bunén é mvə̀m yi.

Jeremia 50:4

Nyùy Tàr suuy jii: «Wíy lòo dzə e ghan fóo fèy, é wír veé Isray wùn à veé Judàa tátí, e wìy, a tàʼ mo woo Nyùy Tàr woo Nyùy wov, e kù a tàʼ mo e mensíy mè si.

Aysaya 5:6

M yíi màʼtì, é súm və́ne kwiíy, e rə̀ŋsìn. Wìr yòʼ yíi a kom, kìn ji wù wáa naŋsín vitiír vee fó. Vimbìn wùn à vicí vé njoŋ vi kù yíi sə fó səə́n, é m kfən tìír mbàʼ, fo yì yii, é wuú wáa lo fo.»

Ŋgàn 18:21

Kisúŋnìn ke wìr ki fó dzəʼə̀m, kìn kpú, é wír ve á súŋnin e ŋàŋé ku nèn a kiíy.

Nsùyrì Nyùy 72:6

Sáʼ fòne ku sə̀ wíri. Yí ku sə̀ wíri moo wuú ye yí ló, ló, a vifa vi kúyí, cuurì, a nsay rə.

2 Korin 9:10

Wun woo Nyùy wo wù fó ŋgoòy se vifa e ŋgaà sùm, a sí kúy, kuʼ, a wù kooy vifá ve yi kijuŋ, kù yíi a dzə̀sì sa vén vee vifá, é ví wáa kùʼ, é vèn wáa jàv, a yiì vinyo ve juŋ vi shó, a dù duùn fó mbìy.

Aysaya 48:18

Wìr ku lì ji vèn‑eè lo yuùrí kém, e yùnín nsər yem, bo vèn kì yíi a dzə dzə́ yee nyaáŋ, é yí wáa dzə, kù moo ndzə́v ye yí léŋ là meemè, é yii yén ye réŋé wáa dù fo mbìy, moo rìbà ndzə̀v wo wù kiy wún ghán sidzə̀m.

Hosea 14:1

Éè wìr veé Isray, vèn kfə́n é bàm fo Nyùy Tàr woo Nyùy wón wùn, vèn ku yèn ri mo ajay véné màʼàn ne ven.

Aysaya 54:14

Vèn wíy lòo jùmrì kinyo kee réŋ, é la kinyo ki yòʼ sə̀ʼ ven. Bó vèn yòʼ kfə̀n wíy a dzə e wír ve səné sar, a bó vèn yòʼ kfə̀n dzəə́ wìy a fàn kifá. Vèn wíy bòy fo fàn, bìʼ fo kifá ké a bemér ven kí yòʼ wíy a meʼ mentsə̀m men.