Hosea 10:1 - ŊWÀʼ NYÙY

¹ Wír veé Israyi‑iì dzə̀ moo kitiír ké *vayin, kitiír, a tútúʼ koóm shó nyanyày. Mo vikuʼùy ví‑iì nəə áwune, kù dzə̀ sá réŋréŋ mo vé‑eè bóm kíy se cù. Mo nsay yev‑iì fəər vifá ve yi nyanyày, kù dzə̀ mo áwune‑eè náŋsin sə́y se anyùy, a sí njaʼkìrì.

Hosea 10:1 Referans Kwoze

Hosea 8:11

Virə́ʼ vé cù ve wír veé Israyi bàʼrìn vinín ji á lo, a yiì cu ajay fo, ví bìnkìr ne lèn ji virə́ʼ vee fo áwune bin, yii liì joònè.

Hosea 12:11

Yii bèy, wíri kú a cù mebvə̀m e Gilead, cu bèy, bívir a dzə̀ vitú vév. Á kfə̀n yii cu e Gilgal, seé ambòŋ, a kíy sév sé cù si kù yíi kfən ji vikfə́r ve tiy, a neŋnín moo tíy se á baʼtin é sum wo á shèvìn.»

Filipi 2:21

A m suuy bèn, bìʼ fo kùʼùn wìr diy a dzə̀ kfə́ kee kinyo, e làa yòʼ a ci ké Jesus Kristu gheéy.

Jeremia 2:28

Anyùy vén ve vèn bomené bèé? Vèn kú a leéy a dzə̀ áwune, a vé‑éè sə́ ven fó ŋgeʼ, aá sə́. Òó mbaà Juda, anyùy véné dzə̀ nyanyày, aá dzə̀ é mentey mo ŋkà se laʼ sén sí dzəə̀n.

Cù 26:1

Nyùy kfən sùúy jii, «Lá vèn yòʼ wìy bòm kifá, a ghvəm ji Nyùy, kìn dzə̀ ji á fer mebvə̀m, kìn ji á tuúy sə́y si, kìn ji á sém vilán. Dzə̀ mo Nyùy Tàr woo Nyùy won.

1 Afòn 14:23

Áwune‑eè bàʼrì virə́ʼ vév vé cù, e tùúy sə́y se anyùy, e fèr wúr sé nyùy woo Ashera, e tìír aàgwan ve darkìné adzə̀m, e kfə̀n tìír e sar se vici ve rəŋsìn ví.

2 Korin 5:16

Kí nén a dzə jii, kèʼ fo lèn, vèr yòʼ dzəə́ leey kinyo ke wìr e vifií ve dzəə̀n vé wìr vi. Vèr sí leey a dzə̀ e vé Nyùy vi réŋréŋ mo Kristu‑uù dzə́ e nsay fèn, a vèr leey kinyo kfə́ mo wíri yii leeyì, a bó vèr yòʼ dzəə́ leey bèy.

Nahum 2:2

Nyùy Tàr bàʼtí ne ji wun siir á vijuŋ ve Jakov. Rúrú, wù yíi siìr vijuŋ ve Isray fo. Vé‑eè lòvtí e nsay yev, e sə̀ʼsí fó, e teè tíŋ sév sé vifa ve á fer *meluʼ sho.

Hosea 13:6

Yii bèy, m yiír ven, vèn yíkír, e kùr, e lò, e kèʼ wún wo yuúné, e nèn mèŋ mo.

Hosea 13:2

Ké lèn ki, áwune kù sí jáy jay e wùmǒʼ kitu. Áwune sí fer mebvə̀m e *kisha ke mbàm ke fəvír kí. Á lo, á wày vifií, e nàŋsín, e fèr bèn kijuujùŋ, e lìm feyì a dzə̀ e yé ŋgaà fèr woo fií. Á bèy, á ku nèn a yòŋ áwune jii, «Wír ve á ghvə́m anyùy, baáme mebvə̀m mee wan nàʼ.»

Hosea 12:8

Áwune raʼsì wún, a wìr suuy jii, ‹M sì ŋgaà mbàm, a kù jùm mo mbàm sém sin. M gìsín, e bàʼtí bùʼ və̀n e dzə̀m, a bó yòʼ dzə̀ wìr dìn kintéŋ ke kinyò sho, a bó yòʼ dzə̀ sá wìr dìn jay wom.›

Hosea 8:4

«Áwune lo, á ghaà wír, e kòʼór ji fon, a bó á yoʼ mbaà mo, lo, á shòʼtí vilìmbìy, a bó m yòʼ kì fó fo. Á li kisha kév ké mbàm ke baar kí wùn à ke fəvír kí, fer a dzə̀ mebvə̀m sho. Áwune yii bèy, a kù yíi lày kitú kév.

Hosea 2:8

«Isray woo yeè lav wom‑eè dzə́ vèr wun, a bó wù yòʼ‑oò lo gwàrìr ji yì‑iì fó a mo ŋgoòy se vifa e wun, a kù‑uù fò mo meluʼ wùn à meŋgvə́r mè, ku kfə̀n fò mo *kisha ke mbàm ke baar kí wùn à ke fəvír kí e wun nyanyày, é bo wù li, a cù a dzə̀ nyùy woo *Baal sho.

Hosea 3:4

Kù dzə̀ sá réŋréŋ mo wír veé Israyi wíy dzə̀ʼə̀m ntàmda, là fon, kìn taà ntoʼ. Áwune yòʼ wíy a yiì cu, a bó á yòʼ wíy a ker sə́y se á yii cu fo, kìn atàá cù, kìn mebvə̀m mé a ghvəm.

Hosea 4:7

«Atàá cù, mo ŋgoo yen kuʼù, kù dzə̀ sá réŋréŋ mo vinyo vén ve bi ví kuʼù. Bìʼ bey, m yíi siìr viwìr vén, é ví kfə́n ji nshoórmé.

Hosea 13:15

Fə̀m mo vikuʼùy ví nəə áwune, shaa afə́r vév, m yíi tsənsí shwér wo yumérí fó kirə̀ʼ ké woʼ, é wú yúmér ntòŋ sév sé ndzəv, e yùmér ndzə́v sév se tuŋén sí. Á yíi faàsì kifá kidzə̀m ke áwune lèmèn é vitàv, e kuúy bèn, e dù sho.

Jeremia 11:13

Éè Juda, anyùy véné dzə̀ nyanyày mo ŋkà se laʼ sén sí dzəə̀n, a kíy se cù see fo vèn ton kiláy, cu *Baal sho si dzə̀ sinín moo dzə́ə se sí ghanen é Jerusalem.

Jeremia 11:17

Nyùy Tàr woo Taà Mànjòŋ, wo wù‑uù tuuyin ven bàʼtí ne a dzə̀ ŋgeʼ, e taàmé ven shó, a dzə̀ bìʼ liì kisaŋ wo ven vee wír veé Isray wùn à veé Judàa yiìn. Vèn ton kiláy, cu Baal sho, ŋáʼar dòʼshwiiy Nyùy Tàr.

Hosea 2:10

M wíy kweèy ndzə̀y fo wun wùn, e ŋkar sə́ sí si, é wù wáa tiy kinshóʼ, kù ji sàkì və̀ne, a bó wìr yòʼ wíy a dzə wóo bòyìr wun woo Isray fo mǒ wo.