Hosea 1:7 - ŊWÀʼ NYÙY

⁷ Yii bèy, fo ké wìr veé Juda ki, m yíi sham áwune. Mo woo Nyùy Tàr woo Nyùy wov, m yíi bòyìr áwune fo aŋgaà vév vibàné wo, a bó yòʼ dzə̀ e vifá ve rər ví, kìn dzə̀ nyùy sé rər, kìn dzə̀ vinte wùn à mvən si, kìn nyám se ŋkoʼ, kìn vé rər vee aŋgàa koʼ.»

Hosea 1:7 Referans Kwoze

Sekariya 4:6

Yì suúy e mò jii, «Vifá vìn vi din a dzə̀ ntum ye Nyùy Tàr‑iì tiisin e Serubbabel, a yì dzə̀ jii, ‹Lá à yòʼ a yòy, a tiír vifií a dzə̀ e wò vitaaví, kìn e wò ŋàŋ. Á yòy, a tiír vifií ví a dzə̀ e mǒ Kiyòy. Suuy Nyùy Tàr woo Taà Mànjòŋ.

Aysaya 12:2

Rúrú, Nyùy dzə̀ ŋgaà wo wù luŋèr mo. M yíi a yeʼtí a dzə̀ e wun wùn, e làa yòʼ a fàn kifá. Feyì feyì, dzə̀ wun woo Nyùy Tàr wo wù távir mo, a kù dzə̀ wun wo m yov, suyrì. Wù dìn ne rú ji wun dzə̀ á ŋgaà wo wù luŋèr mo.»

2 Afòn 19:35

Kú a dzə vitsə́ʼə́, nshìylav Nyùy Tàr fəə́, e dù e wír veé Assiriyàá kilaʼáy, e yùyrí wíri nsə̀kì nshòv sitàn e mwaamé e wiì (185,000). Wíri bvəə́shí, a lò e yuv kijàvndzə, e yèn, a sí néŋnin dzə́n sí.

Hosea 11:12

«Wír veé Efrayime kaàrí ne mo, e kù a boʼtí a dzə̀ kimboʼtì. Áwune veé Israyi ghàʼ ne e lám wo kaŋéné, a wír veé Judàa tíy wùn à Nyùy melív mebaà, a wù dzə̀ kfə́ Ŋgaà wo Ranén, kù tíy wùn áwune.»

Aysaya 7:14

Mo á tenen ne fóo lon kisəəm fo Nyùy Tàr, bo wúnwun woo Nyùy Tàr lo, e dìn a kisəəm aáwune. Á yuúrí á kijuŋ, wánlè ŋgòn woo shó wíy tiím a bvəm, e dzəə́ wán lumèn, dzəə, é wù shu á yír ji Immanuel.

Aysaya 49:6

«Bó yòʼ dzə̀ à kù jòʼsì cáʼ ji wír wom lìm. Yòʼ dzə̀ cáʼ ji à ku lì rám Jakov, é yí wiy fo mǒ wùn. Yòʼ dzə̀ cáʼ ji à wiy e kibér ke wìr keé Isray ke kí bòyìn kí. Dzə̀ sá ji m yíi nàn wò ji kikaʼày fo wír ve bó yòʼ dzəə̀n veé Israyi, áà yii, é wìr msòŋ woó kitu ke nsay dzə̀m fiʼ lùŋ.»

Nsùyrì Nyùy 33:16

Bó yòʼ dzə̀ fòn sò rə́r bìʼ vé rər vee anín, a bó yòʼ dzə̀ ŋgaà rə̀r tàm bìʼ vitaáví və́.

1 Samuel 17:47

é wìr dzə̀m wo wù baʼtin fen nèn kìíy ji bó Nyùy Tàr yòʼ yii boyìr wír a dzə̀ e nyùy sí wùn à kòŋ sí. Wù yii só rə́r soón, a wù yíi way ven e věr wo.»

2 Afòn 19:29

Á bèy, Aysaya nèn sùúy e Fòn Hesekiya jii, «Kisəəm ké vinyò vìn vidzə̀m ki kíne. E kiya fèn, vèn à wír vée kù yíi a yi a dzə̀ vifá ve ví fəən fəə́n, a bó yoʼ wày wír. Lóo dzə e kiya ke kí wiyì, é vèn wáa yi ve ŋgoòy tumkin, ví fəə́. Wíy lóo dzə e kiya ke kí meen ji taár, é vèn nèn wày ŋgoòy se vifa, e kàv, e bìy súm vitiír vé *vayin, e bóo kav báŋ fo fo, a kfər, a yu vijuŋ.

Aysaya 30:18

Ké Nyùy Tàr, wù diy kfə́ féyì ji wun kú a yiì vinyo ve juŋ vi e vèn, diy feyì ji wun kú a sham ven. Nyùy Tàr kù dzə̀ Nyùy wo wù lo, wù tìír vinyo və́ vidzə̀m, ví wàa ghan tìítiy. Bòŋ ké wìr dzə̀m wo wù yoy, tiir a dzə̀ é wùn wó.

Jeremia 25:5

Á kù‑uù fiʼtì jii, ven adzə̀me ku màʼtì a liì won kisaŋ, e màʼtì a yii yén ye bií, e wìy gòʼ e nsay ye Nyùy Tàr‑iì yiìn ne fò e vèn aàtàr véné ji yéen ŋkuuŋkùŋ.

Jeremia 25:6

Lá vèn yòʼ a mbaà anyùy, a cù áwune. Lá vèn yòʼ a lìm fo fo. Lá vèn yòʼ a ghvəm vifá, a fér ven e wó yéné, a yiì, é Nyùy wáa shwiíy kilòŋ. A vèn lò, a yunín wun, la wù yòʼ dzəə màʼ ŋgeʼ e věn kitu.

Jeremia 33:26

bo m wíy meŋ rú rám Jakov wùn à yé Davir woo ŋgaà lìm wom, e làa yòʼ wìy shoʼ wír fo wun ram ji wù wáa saʼ a rám Abraham wùn à Aysi, à Jakov. M wíy siìr vijuŋ vév fó, a sham áwune.»

Hosea 1:8

Gomer shóʼ wán woo wiíy və̀y fo vin, e kfə̀n bòŋ bvəm yímóʼó, e dzə̀ə́ wán lumèn,

Ŋwàʼ Fəə 14:13

Mooser bìnèr e wíri jii, «Lá vèn yòʼ a fàn. Vèn kúr tímé, é vèn yiì yèn mo Nyùy Tàr yíi lùŋèr ven é kishiíy ké lán ki. Wír veé Ejiv ve vèn yén lán vìn, vèn yòʼ dzəə́ wìy yen e kishiíy kímóʼ kí gheéy.

Ŋwàʼ Fəə 14:30

Nyùy Tàr nèn bòyìr wír veé Isray fo veé Ejiví wo e kishiíy fóo fèy, wír veé Israyi wáa yen mo dzə́n sé wìr veé Ejiv si néŋnin e meshavtí.

2 Afòn 6:18

Wír veé Siiriàa sə́y, e gìm Elisha, wù bùnrì Nyùy Tàr, e yòŋ jii, «Dzə̀v wír vìne, aá fir.» Nyùy Tàr nèn dzə̀v áwune, á fìr, kù mo Elisha kì bùnrìn.

2 Afòn 19:34

M wíy kìŋsìn ŋkàlaʼ rə̀n, e bòyìr. M wíy yiì bèy, bìʼ viwìr vém, à shií wo m kér bìʼ ŋgaà wom lìm woo Davir.»

Nsùyrì Nyùy 44:7

Kù boyìr wò ver fo aŋgàa vibàn vérí wo. Kù yii wò, aáwune woóme.