Hosea 1:6 - ŊWÀʼ NYÙY

⁶ Gomer kfən tìím bvəm, e dzə̀ə́ wán wiíy. Nyùy Tàr suúy e Hosea jii, «Shù yír wan və̀ne ji ‹Làmèndzən›, bìʼ fo bó m yòʼ dzəə́ wìy rər mendzən me wìr veé Isray, kìn féyì ji m laysin ajay vév.

Hosea 1:6 Referans Kwoze

1 Pita 2:10

Vèn‑eè dzə̀ fó mbìy, a bó vèn yòʼ dzə̀ wír Nyùy. Á bèy, vèn sì wír və́ lèn. Nyùy yòʼ‑oò ló a sham ven fó mbìy, a wù shàm ne lèn.

Hosea 2:23

M wíy dzə̀ʼə̀r Isray aáwuné nsay, aá kuʼkir. M sí wìy a sham kitúm ke mò‑oò yoŋ ji ‹Làmèndzən.› M sí wìy a yòŋ wír ve bó yòʼ‑oò dzəə̀n wír vém lèn ji ‹Vém vee wír›, aáwune wáa binsí sa mo ji Nyùy wov.»

Hosea 2:4

Bó yòʼ dzə̀ féyì feyì m yiì rə̀r mendzən me won və́, bìʼ fo dzəə̀n wón ve á dzəən é kwaʼ viŋkar.

2 Afòn 17:6

Wáa dzə, a Fòn Hoshea sí sáʼ ji kiyá bvə̀ʼə̀, wír veé Assiriyàa nèn tòn Samaria, e kùúy wír veé Isray, e dù sho e Assiriya, e lèm ámóʼó é Hala, e lèm ámóʼó é Gosan e ghaa ndzəv yee Habor, ámóʼó é ŋkà se laʼ seé Media.

Aysaya 27:11

Sí sooyì, tám se vici sí yúm, béʼkirì, é vikìy wáa wìy, a siv ji meŋkaʼ. Rúrú, wír vìne ter fo vinyò e kúmé, a Nyùy Tàr wo wù‑uù bomen áwune yòʼ wíy sham áwune. Wun wo wù‑uù bomen áwune yòʼ wíy dìn shammèndzə̀n aáwune.

Hosea 1:8

Gomer shóʼ wán woo wiíy və̀y fo vin, e kfə̀n bòŋ bvəm yímóʼó, e dzə̀ə́ wán lumèn,

2 Afòn 17:20

Nyùy Tàr nèn tèn wír veé Isray adzə̀m, e màʼ ŋgeʼ aáwuné kitu, e wày áwune áàŋgàa vibàn véví wo, e dù, e meé mo vé‑eè màyìn fo wun si.

Amos 7:8

Nyùy Tàr nèn dzə̀r e mò jii, «Amos, à yèn a dzə̀ ka?» M bìnèr e wun jii, «M yèn a dzə̀ kfəə̀ kimbom.» Nyùy Tàr nèn sùúy e mò jii, «M kér kfəə̀ və̀n ji m din e wír vémé ji áwune dzə̀ moo kirə́v ké lav ke kí teemen. Bìʼ bey, bó m yòʼ dzəə́ kúvsin kwaʼtì yém. M kù‑úù maʼ ŋgeʼ aáwuné kitu.

Amos 9:8

Vèn wáa kiíy jii, mo woo Nyùy Tàr woo Taà Ndzə, m kíy woŋ wón, woŋ, a dzə̀ wó vinyò ve bi ví, kíy feyì, a m yíi laàr fo kitu ke nsay. Yii bèy, a bó m yòʼ yíi səʼsí rám Jakov rə̀n e dzə̀m. Suuy mo woo Nyùy Tàr.