Hosea 1:5 - ŊWÀʼ NYÙY

⁵ Ghán sin si wíy gheén, é m sə́ʼə́r kóy vé rər veé Isray e Kiwoóy ké Jesreel.»

Hosea 1:5 Referans Kwoze

Atǎr Nsaʼ 6:33

Wáa dzə e ghan fóo fèy, wír veé Midiane tátí wír veé Amalek, e kfə̀n tàtí ámóʼó sá vee fó mbìv yee fo shùy yii tó. Áwune adzə̀me nèn tùmsín ndzə́v yee Jordan, e bàʼtí e Kiwoóy ké Jesreel, a ghiʼ wír veé Isray e rə́r sí.

Joshua 17:16

Rám Joosevi yòŋ jii, «Woŋ agwan wórí yòʼ fə̀m dzə̀ wú ghèén ver, a ké mboʼ ki dzə̀ jii, wír veé Kanan vee fó adzə̀me kér *viténtén vé rər vé kisha vi, a veé Bet‑Shean wùn à ntèʼ see fó si kérí, a ve á dzəə̀n é Mboʼ Jesreeli kér sa.»

Hosea 2:18

M wíy gwàr *mensaŋ e kishiíy fóo fèy vèr à nyám se kwaʼ si, e gwàr vèr à menə́n mè, à vifá ve ví ŋaŋrì e nsay vi, é la vifá vìn vi yòʼ kfə̀n wìy lèmér wír vém. M wíy laàr vifá ve rər vidzə̀m fo wòŋ. M wíy laàr nyùy rə̀r, e laàr vinte, e laàr rə́r, é wír vémé wáa dzə ji nyaáŋ, là kifá ké a fàn.

Jeremia 51:56

Rúrú, aŋgàa laàri wíy nəə́ Babilon, e koorí vé rər vee fó, e beʼtí vinte vév. A kí dzə̀ jii, mo woo Nyùy Tàr wo kù yii siir mo ŋkfə́tír, kù wíy màʼ ŋgeʼ e wír veé Babiloné kitu mo yii yéví dzəə̀n.

Nsùyrì Nyùy 46:9

Wù mayìr rə́r fó kitu ke nsay, béʼti vinte, kívti kòŋ sí kivtín, ton *viténtén vé rər e və́yí.

Nsùyrì Nyùy 37:15

Yii bèy, Nyùy wíy lì nyùy sév. Wù wíy lì, e sòvtì a dzə̀ áwune shó, sovtì áwune, é wù béʼtí vinte vév.

2 Afòn 15:29

Yì‑iì dzə̀ é ghan sé Fòn Peka woó Isray sìn, Tiglat‑Pileser woo fon woó Assiriya wìy, e faàsì ntèʼ see Ijon, Abel‑Bet‑Maaka, Janoa, Kedesh, e lì Hasor, e kfə̀n faàsì ŋgvən seé Gilead, wùn à seé Galeli, à seé Navtali si sidzə̀m. Wù faàsì bèy, e koòrí wíri, e dù sho e Assiriya.

Esiker 39:3

M yii bèy, é m dzəv kinte fo wò kiwo ke ŋkoòvì ki, e yiì, é mvən si túmkír fo ké yìy kí.