Hosea 1:4 - ŊWÀʼ NYÙY

⁴ Nyùy Tàr nèn sùúy e Hosea jii, «Shù yír wan və̀ne ji ‹Jesreel›, bìʼ fo ntàm yòʼ‑óò dar, a bó m máʼ ŋgeʼ e fòn woó Isray kitu, bìʼ yúyrí ye Jehu woo tàr à ràm yév‑iì yuyrin wíri é Jesreel. M wíy màyìr sáʼ yév fó Isray.

Hosea 1:4 Referans Kwoze

Hosea 1:9

Nyùy Tàr nèn kfə̀n yòŋ e Hosea jii, «Shù yír wan və̀ne jii, ‹Bó yòʼ dzə̀ wír vém.› Ku shù bèy, bìʼ fo wír veé Israyi yòʼ dzə̀ə́ wír vém, a m yòʼ kfə̀n dzə̀ə́ Nyùy wov.

Hosea 1:6

Gomer kfən tìím bvəm, e dzə̀ə́ wán wiíy. Nyùy Tàr suúy e Hosea jii, «Shù yír wan və̀ne ji ‹Làmèndzən›, bìʼ fo bó m yòʼ dzəə́ wìy rər mendzən me wìr veé Isray, kìn féyì ji m laysin ajay vév.

Esiker 23:31

Wò‑oò jùmrì kiwuú ké jèmèr yè, a m kù yíi way bàr ŋgeʼ və e wò kiwo.

Esiker 23:10

Á nèn sòr ndzə̀y fó wùn wó, wù gòʼ kilor. Á kuúy wón və́ vee vilum wùn à vee vikìyí, e nèn seè wun e nyùy rə̀r. Mo lòné nəən wun bèy, vikìy nèn lì yír rə́ é shuù, virə́ʼ vidzə̀m, ji shaàshèʼ.

Jeremia 23:2

Á bèy, Nyùy Tàr woo Nyùy wìr veé Isray nén a suúy kùm vilìmbìy ve ví leey wír və́ jii, «Vèn tàʼár ne wír vém, e jùm, á dúkír, e làa yòʼ a leéy fo fo. Vèn leéy, e yèn, m yíi màʼ ŋgeʼ e vèn, a kù dzə̀ bìʼ liì won kisaŋ. Suuy mo woo Nyùy Tàr.

Jeremia 3:8

M lò, e fò ŋwàʼ njàvsìn e Isray wo wù‑uù ŋwayin mo, e fə̀ə́r wun bìʼ visàkì ve wù‑uù yii vidzə̀m. M lòo leéy, e yèn ji bó fər və Juda woo wir kisaŋ yoʼ yèn á bèy, a fàn gheéy, wù kù fəə̀ sáa visàkì.

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

Aysaya 7:14

Mo á tenen ne fóo lon kisəəm fo Nyùy Tàr, bo wúnwun woo Nyùy Tàr lo, e dìn a kisəəm aáwune. Á yuúrí á kijuŋ, wánlè ŋgòn woo shó wíy tiím a bvəm, e dzəə́ wán lumèn, dzəə, é wù shu á yír ji Immanuel.

2 Afòn 15:29

Yì‑iì dzə̀ é ghan sé Fòn Peka woó Isray sìn, Tiglat‑Pileser woo fon woó Assiriya wìy, e faàsì ntèʼ see Ijon, Abel‑Bet‑Maaka, Janoa, Kedesh, e lì Hasor, e kfə̀n faàsì ŋgvən seé Gilead, wùn à seé Galeli, à seé Navtali si sidzə̀m. Wù faàsì bèy, e koòrí wíri, e dù sho e Assiriya.

2 Afòn 10:17

Á meé é Samaria, Jehu nèn laàr kibér ke rám Ahav kidzə̀m. Wù kù‑uù laàr áwune réŋréŋ mo Nyùy Tàr‑iì suuyin ne, e shaà fo *ŋgaà ntum və woo Elija.

Joon 1:42

Andru nèn lì fə́r və, wùn wun dù, e yèn Jesus. Jesus leéy, e sùúy sho jii, «Kí yír yée dzə̀ Simon, aà dzə̀ wan wìr wo á yoŋ ji Joon. Yii bèy, aá sí wìy a yòŋ wò ji Sefar.» Jesus wáa yòŋ bèy, a Sefar dzə̀ sá ji Pita.

Ŋwàʼ Luk 1:63

Wù nèn fìʼ sa jii, á wiy e kifá ki, é wun sáŋ á sho. Á wìy sho, wù sáŋ jii, «Yír wané dzə̀ Joon.» Áwune yén, shuu wóví yúm.

Ŋwàʼ Luk 1:31

Ku yù, à wíy tiím bvəm, e dzəə́ wán lumèn, aà kù wíy a yòŋ yír ji Jesus.

Ŋwàʼ Luk 1:13

Á bèy, nshìylav Nyùy rə̀y yòŋ jii, Sekariya, lá à yòʼ a fàn. Nyùy yù ne bunrì yé. Wiíy wò Lisaber wíy boŋ bvəm, e dzəə́ wán lumèn, aà kù wíy a yòŋ yír ji Joon.

Matio 1:21

Wù wíy dzəə́ wán lumèn, áà shu yír ji Jesus, a dzə̀ ji Ŋgaà Lùŋèr. Ku shù bèy, bìʼ fo Jesus wíy tin wír və́ fó lǒn vinyò ve bi ví ve áwune yii.»

Hosea 9:17

Nyùy wo m ghvə́mé yíi meŋ wír veé Isray. Wù yíi meŋ áwune, bìʼ fo á tenen fóo yunín wun. Áwune yíi a ghan, a jan janén e vitúm ví mvəm, aá yòʼ yíi a ker kirə́ʼ kée teʼ kitú sho.

Hosea 2:22

Nsay wíy yu bunrì vifa veé sum, e yu yé vitiír vé melùʼ, à yé vici vé meŋgvə̀r me *oliv mè, é vifá vìn vi nèn bìnsí lèn jii, ‹Jesreel, á lèn, á lèn vifá ve wayin Nyùy kitú kfə́.›

Hosea 2:13

Rúrú, m wíy màʼ ŋgeʼ e Isray kitu, bìʼ ŋwáy ye wù‑uù ŋwayin mo, e ŋwày mo, e dù a tòn kiláy, a cù mebvə̀m mee Baal sho, e lò, a wayrí a dzə̀ vifá ve sùsù, a ghan sho aàŋgàa ŋkòŋmé vəə́ bàm. Ghán bèy, laysìn mo. Suuy mo woo Nyùy Tàr.»

2 Afòn 15:8

Vé‑eè kòʼór Sekariya woo wan Jeroboam e Samaria ji fon woó Isray, a Fòn Ussiya woó Juda sí sáʼ ji kiyá nshòv waamé é mtaár. Sekariya‑aà sàʼ ŋwee ntuùfú.

Jeremia 20:3

Ndzə bvəə́shí, e jàv, Pashur shóʼ Jeremia fo kibuʼ, Jeremia suúy shó jii, «Bó Nyùy Tàr yòʼ dzəə́ yoŋ yír yé ji Pashur, yí sì a dzə̀ ji Ndzəbeémé.

Joshua 19:18

Nsay yev‑iì tàtí ŋkà se laʼ see jii, Jesreel, Kesulot, Shunem,

2 Afòn 10:1

Wón vee vilum vee Fòn Ahav ramé‑eè dzə̀ é Samaria msaàmbà. Jehu nèn lò, e sàŋ aŋwàʼ, e tsə̀nsí e vitú ve saʼ veé mvə̀mlaʼ yee Jesreel vi wùn aàtaàtaá, à wír ve vé‑eè leey fo wón Ahavi. Wù‑uù sàŋ jii,

Aysaya 8:3

Ghán sí lòo koʼtí, yeè lav wom tiím bvəm, e wìy dzə̀ə́ wán lumèn. Nyùy Tàr yòŋ e mò jii, «Shù yír wan və̀ne ji Maher‑Shalal‑Hash‑Bas.»

Amos 9:8

Vèn wáa kiíy jii, mo woo Nyùy Tàr woo Taà Ndzə, m kíy woŋ wón, woŋ, a dzə̀ wó vinyò ve bi ví, kíy feyì, a m yíi laàr fo kitu ke nsay. Yii bèy, a bó m yòʼ yíi səʼsí rám Jakov rə̀n e dzə̀m. Suuy mo woo Nyùy Tàr.