Hosea 1:2 - ŊWÀʼ NYÙY

² Yì‑iì dzə̀ é ghan se Nyùy Tàr‑iì kèʼèn, a suŋnín e Hosea ji wù lo ntum rə, wù‑uù sùúy shó jii, «Dùu, e tàʼ wiíy, e wày é lav, lóo way, à wàa kiíy ji yeè lav wò və̀n wíy a ghan a ghán kisaŋe, e dzəə́ wón é ndzə. Kù dzə̀ kíwun ke wír vémé yii e mò. Á ŋwày ne mo woo Nyùy Tàr, e toòmé liì kisaŋ, a cù anyùy ve səné.»

Hosea 1:2 Referans Kwoze

Hosea 3:1

Nyùy Tàr kfən lò, e sùŋnín e mò, a suúy jii, «Kfən dù, e dìn koŋ yée e yeè lav wò. Abaày, wiíy, a taà lav və kóŋ ben, wù gháʼ e gháne, e dù, e yèn lumèn wo sən. Kú a kòŋ wun réŋréŋ mo m kù dzəə́ koŋ wír veé Isray, fə̀m mo áwune loòn ne, a ghvəm anyùy ámóʼó, a kòŋ fó a cù áwune.»

Remrí 31:16

Wù tiím, e yòŋ e Mooser jii, «Yén ri mbà, à sí lo, e dù, e yen atàr vé aàŋkfəə́ wòŋ. À kpú, bo wír vìne sí lo, a jùmrì anyùy vitum veé nsay yee fo á du, e nəə́. Áwune wíy bìn ndzə̀m e mò, e shoʼór *mensaŋ me mò‑oò gwàrìn vèr áwune.

Jeremia 3:9

Wù yòʼ‑oò lo yen jay Isray wù wáa meé e kinyò, wù nèn bìvír nsay, mo wù ŋwáy mo, ghán, cu vilán wùn à vicí ví.

Nsùyrì Nyùy 106:39

Áwune lór vitú vév e liì wov kisaŋ, liì wov wáa beemé e Nyùy si, kù moo wo sàkì.

Ŋgaà Yen 17:5

Á sáŋ yír yímóʼó é vishi wo, e yòv a dzə̀ é ŋgàn, a yí dzə̀ jii, «Babilon‑wo‑kuʼùn, Yìy‑aàsàkì, Ntoò‑liì‑kìsaŋ‑woó‑ndzə.»

2 Pita 2:14

Wìr yén wiíy, wù kù a leéy a dzə̀ e sí yímóʼó. Vifií vév ví kù tíy a dzə̀ é vinyò ve bi ví ghán sidzə̀m. Áwune yén wír wo bó wù yòʼ kiìn fo wù dzəə̀n, á nèn bòʼtí, e wày é kinyò ke bi kí. Shií wov kù dzə̀ ji á leeri wír, e kòóy kifá. Á yii bèy, a lǒn Nyùyi koò ne áwune.

Esiker 6:9

Wír ve á bòyìn, á dú shó e vitume wíy a kuumé mo, a kiíy ji m màʼ ŋgeʼ aáwuné kitu, e shòór áwune, bìʼ á fo vé‑eè ŋwayin mo, a ghvəm a dzə̀ mebvə̀m, a tinsín mo. Á kuúme, aá wáa woomé, bìʼ liì wov kisaŋ, à vinyo ve joònè ve áwune‑eè yiìn ví vidzə̀m.

Hosea 5:3

M kì kifá ke Isray dzəə̀n kíwun, a bó yòʼ dzə̀ wù lìr fo mǒ si. Ven vee Isray, vèn màʼày ne mo, e kfə̀n moo asàkì, a bó vèn yoʼ ghèén, a sùyrì mo.»

Maak 1:1

Kin ki dzə̀ sáʼka wo juŋ woo kùm Jesus Kristu woo Wan Nyùy.

Jeremia 2:13

Wír vémé jày ne vinyo e mò vibaà. Áwune bìn ne ndzə̀m e mò, mo woo ntòŋ ndzə̀v ye yì fó dzəʼə̀m. Áwune fèr ne a dzə̀ vév vee visə̀m, e lì ndzə́v, e wày shó, visə̀m, a ví káʼkír ne.»

Nsùyrì Nyùy 73:27

Rúrú, wír ve á méŋ wòo kù wíy lày. À kù wíy laàr wír ve á bóʼti wò adzə̀m.

2 Wòŋ 21:13

À lò ne, a jùmrì a dzə̀ kiwuú ké afòn veé Isray, e nèn yiì, wír veé Juda wùn à veé Jerusaleme máʼáy Nyùy Tàr, a cù a dzə̀ anyùy, kù mo Ahav wùn à kfə́ə rəə́‑əə̀ yiìn, wír veé Israyi máʼáy Nyùy Tàr. Wò woo Jehoram, à kfən yùyrí afə́r vé vee kfə́ə tàr won, a liì wov bóŋ, e shaà wo.

Jeremia 2:20

«Isray, e kèʼ fo kèʼ, à kù‑uù mèŋ ne sáʼ yém, e tèn fó a neŋ e mǒ sar. Wò‑oò kinèn ji bó yòʼ dzə̀ à yù kinyo kém, e lò fo fo, e shòʼ a dzə̀ virə́ʼ vé anyùy. Wò‑oò ghán vitú ve agwan vidzə̀m, du e sar se vici ve rəŋsìn ví, néŋ fo, yii visàkì vé.

Jeremia 2:23

«A dzə̀ à ghàn é le, e bó a yòŋ ji à yoʼ lòr kitú ké, e kfə̀n a yòŋ ji à yòʼ kóyti mebvə̀m me Baal? Leéy mo wò‑oò lóvti e kiwoóy, e yèn kinyo ke wò‑oò yiìn kí. Leéy mo à léʼnin, du e mbìy, léʼnin, kfə́n e bàm moo *kamer woo wiíy, kamer wo wù jòyìn, a tàʼ lúm.

Hosea 2:7

Wù wíy a leʼnín aàŋgàa ŋkòŋmé vəə́ bàm, a bó wù yòʼ wíy yen. Wù wíy a tàʼ áwune e waá shuù, a bó wù yòʼ wíy shov e si. Kí kooy bèy, é wù nèn sùúy jii, ‹Mo‑óò kfə́n ri e bàm fo lum wóm wùn. Mò‑oò dzə́ fo, yú vijuŋ, e shaà dzə́ ye m dzə́ rə̀n.›