Hosea 1:11 - ŊWÀʼ NYÙY

¹¹ Wíy lòo dzə e ghan see shooy, é wír veé Juda wùn à veé Israyi tár shuu, a dzə kifá kimòʼón, tár bèy, aá nèn shòʼ kilìmbìy kév kimòʼón. Áwune kfə̀n wíy taʼám moo vifá veé sum ve ví fəən, a tèʼ. Rúrú, kishiíy ké Jesreel kìn ki wíy a dzə kishiíy ke tavín kí.»

Hosea 1:11 Referans Kwoze

Hosea 3:5

Yii bèy, a ghán sí wíy gheén, é wír veé Israyi binkir, a leéy a dzə̀ Nyùy Tàr woo Nyùy wov, e kfə̀n a leéy wír wo wù wíy fəə fo Davir ram, a dzə fon wov. Wíy lòo dzə e ghan sé bàm sí, aáwune wáa koʼtí e Nyùy Tǎr si, a fàn, a yàʼ, a kìʼ kisəəvì a dzə̀ ke fó wun woo Nyùy.

Jeremia 31:33

«Yii bèy, a mensaŋ me m wíy gwàr vèr à wír veé Isray, a me mvə mè seéy ne mè dzə̀ jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.

Ŋwàʼ woó Rom 11:15

A dzə̀ m kù a yiì bèy, bìʼ fo, mo wír veé Israyi jayin, Nyùy máʼtí áwune, e bàʼtí wír veé ndzə lèn ji ŋkar sə́, bo Nyùy kfə̀n wíy lì áwune é bàm, é vijuŋ vi wáa dzə e le? Bo ví wíy a dzə moo wír ve á fəən fó kpu, e kfə̀n a dzə atin.

Jeremia 50:19

Yii bèy, ké Isray, m wíy siìr áwune aáwuné nsay, aá wáa dzə fo, a yi vifá ve yi ve á káv fo Gwan Karmel, a yi ve á káv fo Bashan, a yi sa veé wòŋ agwan veé Efrayim, a yi veé Gilead, e kù a yi bèy, e meé mo buù wov‑íì kpú.

Jeremia 30:3

Leéy, e yèn, ghán sí sí gheenè se m wíy siìr vijuŋ ve wìr vém veé Isray wùn à veé Judàa. M yíi siìr áwune é nsay ye mò‑oò foon ne aàtàr véví, aáwune nèn yì vitsə́ʼ vév.»

Nsùyrì Nyùy 110:3

À wíy fəə rə́r é kishiíy fó, é wír vée wiy, a fo vitú vév. Awàʼ vée wíy wìy, e tom wò, a kaarí aàgwan ve dzəə̀n vé Nyùy moo ŋweʼ ye yí gbu kijàvndzə.

Jeremia 30:7

Á virom eèy, kishiíy kin ki wíy a dzə kibiíbí féyì, kishiíy, a kee moo kíwun ki yòʼ dzə̀. Wíy a dzə ghán sé ŋgeʼ ye tavín e kfə́ə Jakoví wùn, yii bèy, aáwune wíy bòy fo fo.»

Jeremia 30:21

Wìr wov wo kuʼùn kù wíy a dzə wír woo áwuné ram, ŋgaà saʼ wov kù wíy fəə a dzə̀ fo áwuné mvəm. M wíy koʼór wun e mǒ mentsə̀m, é wù kóʼtí e mǒ ghaŋ. A dzə̀ cì la kwán, a dzə e mǒ ghaŋ, a bó shóʼ mo ŋgaàŋ? Suuy mo woo Nyùy Tàr.

Jeremia 32:37

Vèn yuúrí, e yù, m wíy jùm wír veé ŋkàlaʼ fèn, aá du é vitum, é m kfən wìy bàʼtí áwune fó fo, e siìr fèn. A m kù wíy baʼtí fo vitum vidzə̀m, fo kilòŋ kí‑iì shwiiyin mo, dòʼshwíiy wom wo tavín kóʼ, kí nyár mo, m jùm áwune, á dùkìr. M siir áwune é nsay fèn, é m nèn a kìŋsìn, aá wáa dzə kijuŋ,

Esiker 39:25

«Á bèy, ke suuy Nyùy Tàr woo Taà Ndzə ki dzə̀ jii, m sí yìi siìr vijuŋ ve rám Jakov fo, e dìn mo m koŋ wír veé Isray adzə̀m, shám áwune. M kù wíy a kiyrí yír yém ye ranéné fo á wáa shoór.

Hosea 2:1

«Á bèy, vèn wíy a yòŋ afə́r vén vee wír veé Isray ji ‹Wír Nyùy›, a yòŋ ji ‹Wír ve Nyùy shamen.›»