Hosea 1:10 - ŊWÀʼ NYÙY

¹⁰ «Yii bèy, wír veé Israyi dzəə́ wìy kùʼ, a dzə moo síy seé rìbà ndzə̀v, a bó á yòʼ wíy yu fó taŋ. A kí dzə̀ jii, e kirə̀ʼ fo vé‑eè yoŋ áwune ji ‹Vèn yòʼ dzə̀ə́ wír vém›, dzə̀ fo á wíy a yòŋ áwune ji ‹Wón Nyùy wo wù gòʼòn kàŋ mòʼón.›

Hosea 1:10 Referans Kwoze

2 Korin 6:18

é m wáa dzə Tàr won, é vèn wáa dzə wón vém vee vilum wùn à vee vikìyí. Suuy mo woo Nyùy Tàr woo Ŋgaà Vitaàví Vidzə̀m.»

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Aysaya 43:6

M wíy yòŋ e vitúm ve ví dzə́ e mbìv yee kuy vi jii, ‹Vèn maʼti wír vémé, aá lo›, e yòŋ e ve ví dzə́ e mbìv yee tsə́n ví jii, ‹Vèn wáa yen fóo səə́r wír vém.› Vèn báʼtí wón vém vee vilume fó virə̀ʼ vee kwaʼda, a wìy sho, e kù bàʼtí sa vee vikìyí, a wìy sho fo ndzəywoŋ.

Hosea 2:23

M wíy dzə̀ʼə̀r Isray aáwuné nsay, aá kuʼkir. M sí wìy a sham kitúm ke mò‑oò yoŋ ji ‹Làmèndzən.› M sí wìy a yòŋ wír ve bó yòʼ‑oò dzəə̀n wír vém lèn ji ‹Vém vee wír›, aáwune wáa binsí sa mo ji Nyùy wov.»

Aysaya 66:20

Áwune wíy a lì afə́r vén fó vitum, a wìykìr sho e věn wòŋ, moo cu ye á wiy sho ji á fó e Nyùy Tàr. Á wíy a wìy sho e vitu ve nyàm se ŋkoʼ, a wìy sho e vitentén ve yii səŋ nyám si. Á wíy toór ámóʼó toórín áàntaʼ, aámóʼ vee wíri kóʼ vimbèʼbìy vé nyàmŋkoʼ wùn à áàkameri. Á wíy a wìy aàfə́r vén víne é Jerusalem, e mǒ gwan wo ranén, réŋréŋ mo wír veé Israyi lo, á wàa beʼ vifá ve yi, a wìy sho e mǒ lav ji á cu mo shó. Á kù yii béʼ a dzə̀ é vifa ve á kfəmrin ne, ví wáa dzə là *kifàn.

Kèʼlo 13:16

M wíy yiì, é rám yée wáa dzə moo kibvər e kitu ke nsay. Wìr wáa dzə, a dzə̀ wù tàŋ kibvər, bo dzə̀ wù tàŋ rám yé.

Hosea 1:9

Nyùy Tàr nèn kfə̀n yòŋ e Hosea jii, «Shù yír wan və̀ne jii, ‹Bó yòʼ dzə̀ wír vém.› Ku shù bèy, bìʼ fo wír veé Israyi yòʼ dzə̀ə́ wír vém, a m yòʼ kfə̀n dzə̀ə́ Nyùy wov.

Kèʼlo 22:17

rú wùn à rú, m yíi bùʼ wò, e yiì, é rám yée wáa dzə e gháʼán moo mejiy meé yuv, e kfə̀n a dzə moo síy seé meshavtí me *rìbà ndzə̀v. Rám yée wíy tòn aŋgàa vibàn vév.

Hibru 11:12

Kí nèn kòóy ji rámé‑eè lò, e fəə̀ fo lum və woo Abraham bvə̀m, a dzə e nín moo mejiy meé yuv, e kfə̀n a dzə moo síy seé ghaa ndzəv. A lum və və̀n‑eè dzə̀n ne, á wáa yen ji bó yòʼ dzə̀ wù dzəə dzə̀ə́.

Kèʼlo 32:12

Wò‑oò lo kàʼ ji à yíi geʼsín e mò, e yiì, é rám yémé kuʼ, a dzə nyanyày moo síy seé ghaa *rìbà ndzə̀v se bó yòʼ dzə̀ á tàŋ.»

Jeremia 33:22

M wíy yiì, é rám Davir woo ŋgaà lìm womé kuʼ, é yé atàá cùu kuʼ sá, áwune ve kù dzəə̀n rám Levi, ve á lim fo mò. Á kù wíy a dzə moo mejiy me mè dzəə̀n é yuv, a dzə moo síy seé meshavtí me rìbà ndzə̀v se bó yòʼ dzə̀ wìr tàŋ, e kìíy.»

Aysaya 48:19

Kiŋgoòy kén kí kì yíi a sen senén, moo síy seé ghaa rìbà ndzə̀v, é rám yéné wáa dzə nyanyày, a bó m yòʼ‑oò yíi màʼtì ji kitúm ki ton ven, é yír yéné wìy lày.»

Ŋwàʼ woó Rom 8:19

Vifá ve Nyùy bomen vidzə̀m vi sí shiy, njeʼ feyì jii, á yén á mo Nyùy wíy yiì e wón vəə́ e ghan foo fèy.

Aysaya 63:16

Nyùy Tàr, à dzə̀ Tàr wor. A fə̀m dzə̀ ji Abraham méŋ ver, Isray méŋ sá ver ji vèr yòʼ dzə̀ wír vee wun ram, éè Nyùy Tàr, bo à kù dzə̀ Tàr wor. À kù‑uù sì Mfə̀ə́r wor, e kèʼ fo yàŋgùʼ.

Aysaya 64:8

Yii bèy, Nyùy Tàr, kù dzə̀ wò wo à dzəə̀n Tàr wor. Vèr dzə̀ kér nsay mbóm, aà dzə̀ ŋgaà mbom. Kù bòm wò ver wir dzə̀m e wó yée.

Aysaya 65:1

Nyùy Tàr ku nèn a suúy jii: «Mò‑oò dzə̀ kibáʼtín féyì ji m sə́ wír vém, fə̀m mo áwune yòʼ‑oò ló ne màʼ jí ji m sə́ áwune. M kù‑uù ló a tàʼ ji m sə́ áwune, fə̀m mo áwune yòʼ‑oò ló a dzətí mo. Kitúm kìn ki yòʼ‑oò ló a toŋ e mò ji m sə́ áwune. Yii bèy, a m kù yoŋ kém jii, ‹M dzə̀ fen, a m dzə̀ kibáʼtín fó sə ven.›

Daniel 6:26

Sáʼ ye m fóo dzə̀ jii, «A wìr dzə̀ feé e mǒ wòŋ, bo wù kù kér fó a yunín, a ghvəm Nyùy wo Daniel ghvə́mé. «Dzə̀ wun Nyùy wo wù gòʼòn kàŋ mòʼón, a wù kù dzə̀ ji wun, e dù, e jòʼsì. Vifon və́ ví dzə̀ ve bó yòʼ dzə̀ kifá ki laàr, a sáʼ rəə́ kù wíy a tiy fo, e dù, e jòʼsì.

2 Samuel 7:24

À lì ne wír vé veé Isray ji wír vé ŋkuuŋkùŋ ji lì a wò, a wò woo Nyùy Tàr sì Nyùy wov.