Hosea 1:1 - ŊWÀʼ NYÙY

¹ Vinyo ve ví dzəə̀n é ŋwàʼ fèn vi dzə̀ ve Nyùy‑iì lo, wù sùŋnín e Hosea woo wan Beeri, e tiìsí sho. Wù‑uù kèʼ, a suŋnín e wun e ghan se Ussiya‑aà sáʼ ji fon woó Juda, e kù a suŋnín e Jotam ghan, a suŋnín e Ahas ghan, e kù a suŋnín sa e ghan se Hesekiya‑aà sáʼ Juda. Ghán sin si‑iì dzə̀, a Jeroboam woo wan Jehoash sáʼ mbìv wòŋ yee kuy ye dzəə̀n ji Isray.

Hosea 1:1 Referans Kwoze

Ŋwàʼ woó Rom 9:25

A dzə̀ kíwun ke *ŋgaà ntum Nyùy woo Hosea‑aà saŋen ji Nyùy suuy a jii: «M sí wìy a yòŋ wír ve bó yòʼ‑oò dzəə̀n wír vém lèn ji vém vee wír. A m wíy a yòŋ kitúm ke bó m yòʼ‑oò ló a kòŋ lèn ji ‹Ŋkar sém sé tim.› »

Mayka 1:1

Nyùy Tàr‑iì lo, wù wàa tiisí ntum rə e Mayka e ghan se Fòn Jotam‑eè sáʼ woŋ Juda, a tiisí e ghan se Fòn Ahas‑iì sáʼá, e kfə̀n a tiisí e ghan se Fòn Hesekiya‑aà sáʼá. Mayka‑aà dzə̀ wír woó ntèʼ yee Moreshet, a ntum se Nyùy Tàr‑iì tiisin e wun si‑iì kùm a dzə̀ ŋkàlaʼ ye wiy yee Samaria, à ŋkàlaʼ ye wiy yee Jerusalem.

Aysaya 1:1

Ŋwàʼ və̀ne naarì vinyo ve Nyùy‑iì ghemen ndzə, e dìn e Aysaya woo wan Amot, kùm wír veé Juda wùn à ŋkàlaʼ yee Jerusalem. Wù‑uù yèn vinyo vìn e ghan sí jeéy jeéy mo afone‑eè sáʼ e Juda, wùmòʼ e wùmǒʼ bàm. Wù‑uù yèn vímóʼ vee vinyo e ghan se Ussiya‑aà sáʼ vifon, e yèn vímóʼ ví é ghan se Jotam‑eè sáʼá, vímóʼ ví e Ahas ghan, vímóʼ ví e Hesekiya ghan.

Amos 1:1

Ŋwàʼ və̀ne dzə̀ kisúŋnìn ke Amos wo yì‑iì dzəə̀n wír fo wír veé Tekoa ve vé‑eè leey fo nyám sií. Wú súŋnin a dzə̀ kinyo kee kùm Isray ke Nyùy‑iì ghemen ndzə, e dìn e Amos. Wù‑uù yèn vinyo vìn, a Ussiya sáʼ mbìv wòŋ yee Juda, a Jeroboam woo wan Joash sáʼ yee Isray. Wù‑uù yèn, viyá vi shaà vibaà, é bo nsay lo, a sə̀ʼsì e wòŋ foo fèy.

2 Afòn 15:32

Vé‑eè kòʼór Jotam woo wan Ussiya ji fon woó Juda, a Fòn Peka woo wan Remalia sí sáʼ Isray ji viyá vibaà.

2 Afòn 14:16

Wù‑uù lày, á lìtì wun aàfon veé Israyí ghaŋ e Samaria. Wan və Jeroboam woo baà nèn yì vifon, a saʼ e wun ntaʼ.

2 Pita 1:21

Á yòʼ‑oò ló a tiisí kinyo ke kwaʼ áwune gheéy. Kù‑uù bánri Kiyoy ke Ranén kí áwune, aá tiísi a dzə̀ kinyo ke Nyùy suuyì.

Joon 10:35

a vèn kì sá ji kinyo ke kí dzəə̀n é Ŋwàʼ Nyùy ki kù yii tíy fo. Mo wír ve Nyùy‑iì yoŋ ji anyùy vìne dzəə̀n ve wù‑uù tiísi a dzə̀ vinyo və́ shó,

Sekariya 1:1

Yì‑iì dzə̀ é ŋwee woo waamé, e kiya ke kí‑iì meen ji baà, mo vé‑eè koʼorin Darius ji fon woó Persia, Nyùy Tàr tiísí ntum rə e *ŋgaà ntum və woo Sekariya woo wan Berekiya, wo kfə̀n dzəə̀n wan wàn Iddo.

Jona 1:1

Nyùy Tàr‑iì sùŋnín e Jona woo wan Amittay e kishiíy kímóʼ kí jii,

Joel 1:1

Kinyo kìn ki dzə̀ ntum ye Nyùy Tàr‑iì tiisin e Joel woo wan Petuel.

Jeremia 1:4

Mo woo Jeremia, m dzə́ bèn, a Nyùy Tàr‑iì yiì ne sùŋnín e mò. Wù‑uù yòŋ e mò jii,

Jeremia 1:2

Wáa dzə, a Fòn Josia woo wan Amon sáʼ ne e Juda kiyá nshòv sitaár e ghvə̀m, Nyùy Tàr lò, e sùŋnín e Jeremia.

2 Afòn 13:13

Fòn Jehoash‑iì lày, á lìtì wun fo vé‑eè litì afon veé Samaria. Wan və Jeroboam woo baà yí vifon, a saʼ e wun ntaʼ.

2 Afòn 14:23

Vé‑eè kòʼór Jeroboam woo wan Jehoash e Samaria ji fon woó Isray, a Fòn Amatsiya woo wan Joash sí sáʼ Juda ji viyá nshòv sitàn e ghvə̀m. Jeroboam‑eè sàʼ kiyá nshòv mòʼón e mkweè.

2 Afòn 15:5

Á bèy, Nyùy Tàr nèn màʼ shivnsay e Fòn Ussiya wùn, wù wáa jòy sho, e dù mèé e wun kishiíy ké kpu. Wù‑uù dzə́ lav rə jeéy, a wù sótí ne wó rə́ fó vinyò ve saʼ, wáa lìm wán və Jotam vinyo vìn vidzə̀m, a saʼ woŋ.

2 Afòn 15:7

Fòn Ussiya‑aà lày, á lìtì wun aàtàr vəə́ ghaŋ e Ŋkàlaʼ Davir. Jotam woo wán və nèn yì vifon, a saʼ e wun ntaʼ.

2 Wòŋ 27:1

Jotam‑eè kèʼ sáʼ, a wù dzə̀ kiyá nshòv sitàn e mbaà, e wìy sàʼ vifon kiyá nshòv ntuùfú e ghvə̀m, a wù dzə́ e Jerusalem. Yè wov‑iì dzə̀ Jerusha woo wan Tsadok.

2 Wòŋ 28:1

Vé‑eè kòʼór Ahas ji fon, a wù dzə̀ kiyá mbaà. Wù sáʼ vifon kiyá nshòv ntuùfú e ghvə̀m, a wù dzə́ e Jerusalem. Wù yòʼ‑oò ló a jùmrì liì tàr wov Davir. Á bèy, wù nèn a yiì vinyo vee la ví yòʼ a gheén Nyùy Tàr.

2 Wòŋ 29:33

Cú kikòŋnìne‑eè dzə̀ nàʼ ghií ntuùfú wùn à bvə́y si ansə̀kì ataár.

Aysaya 7:1

Ghán símóʼ sí‑iì dù a dzə, a Ahas woo wan Jotam sáʼ ji fon woó Juda, a Jotam‑eè dzə̀ wan Ussiya. Wáa dzə e ghan see shooy, a Resin sáʼ ji fon woó Siiria, a Peka woo wan Remalia sáʼ ji fon woó Isray. Afon vee abaà víne‑eè wàm shuu sév sé rər ji á kóʼ, e tòn a Jerusalem. Yii bèy, á kóʼ, e làa yòʼ yu fóo tòn ŋkàlaʼ yee shooy.