Hibru 7:3 - ŊWÀʼ NYÙY

³ Bó wìr yòʼ kì fo Melkisedek və̀n‑eè loòn, a bó á yòʼ kì tàr wov wùn yè wov, a bó á yòʼ kì rám yév. Bó á yòʼ kì sá ghán se vé‑eè dzəən wun, a bó á yò kì se wù‑uù kpuun. Wù nén a dzə moo Wan Nyùy, a dzə̀ taà cù wo wù gòʼòn kàŋ mòʼón, e dù, e mày.

Hibru 7:3 Referans Kwoze

Hibru 7:17

A vé‑eè lo sàŋ é Ŋwàʼ Nyùy bèy, e yòŋ wun jii: «À kù wíy a dzə taà cù, e dù, e mày, a dzə moo taà cù woo Melkisedek.»

Hibru 7:6

Ké Melkisedek ki nèn shaà ké atàá cù vee rám Levi vìn. Wù yòʼ‑oò dzə̀ rám Abraham, a wù‑uù ló a ker kitó fo Abraham, e kfə̀n a taŋ mo Nyùy wíy bùʼ Abraham və̀n wo Nyùy‑iì sí fó aŋkàʼmé sho anín.

Matio 4:3

Satan woo ŋgaà mùm wìy, e sùúy sho jii, «Mo à dzəə̀n Wan Nyùy, suúy ri, é tíy sin si binkir ji ntuʼ se kiban, áà yí.»

Ŋwàʼ Fəə 6:18

Wón Kohat vee vilume wáa dzə ji Amram wùn à Ishar, à Hebron, à Ussiel. Kohat‑iì dzə̀ʼə̀m kiyá nshòv sitaár e mtaár e wiì (133).

Kintaŋ 1:18

wáa dzə e kishiíy ké mbìy ki fó ŋwee woo baà, wùn áwune báʼtí wír veé Isray adzə̀m, á táŋ áwune é kfəə sí kfəə si, mo rám sév sí dzə̀kìn. Á wáa taŋ, a saŋ yír sé vilum e kitu kitu, vee kèʼ fó kiya mbaà, a dù duùn fó mbìy,

Hibru 4:14

Vèsən wáa kuumé ji vèsən kér taà cù wo kuʼùn wo wù táti vèsən à Nyùy, a dzə̀ Jesus woo Wan Nyùy wo wù‑uù duùn, e mèé e ntoò yùv fo Nyùy dzəə̀n. Vèsən ku nèn ghàr kinyo kfə́ ke vèsən biimen kitávín,

Hibru 7:1

Melkisedek və̀n‑eè dzə̀ Fon woó kirə̀ʼ kímóʼ kí ke á yoŋ ji Salem, e kfə̀n a dzə taà cù wo wù‑uù lim fo Nyùy woo Taà Vitu. Wáa dzə e ghan se Abraham‑eè duùn rə́r, e yùyrí afon ámóʼó, a kfən e bàm, Melkisedek wìy, wùn wun tárnín, wù səə̀vì Abraham.

Hibru 7:2

Wù səə̀vì bèy, Abraham nèn jàv vifá ve wù kì kuuyin fó shùu rər viy kirə́ʼ e ghvə̀m, e fò kee kimòʼón ki shó, a yír sé taà cù və̀n si din vinyo vibaà. Ké mbìy ki dzə̀ jii, wù dzə̀ fon yiì ye réŋé mo nsàv yìr rə́ yee Melkisedek‑iì dzəə̀n. Vee vibaà jii, wù kfə̀n dzə̀ sáa fon nyaáŋ, bìʼ fo wù dzəə̀n Fon woó Salem, a nsàv Salem dzə̀ ji nyaáŋ.