Hibru 7:2 - ŊWÀʼ NYÙY

² Wù səə̀vì bèy, Abraham nèn jàv vifá ve wù kì kuuyin fó shùu rər viy kirə́ʼ e ghvə̀m, e fò kee kimòʼón ki shó, a yír sé taà cù və̀n si din vinyo vibaà. Ké mbìy ki dzə̀ jii, wù dzə̀ fon yiì ye réŋé mo nsàv yìr rə́ yee Melkisedek‑iì dzəə̀n. Vee vibaà jii, wù kfə̀n dzə̀ sáa fon nyaáŋ, bìʼ fo wù dzəə̀n Fon woó Salem, a nsàv Salem dzə̀ ji nyaáŋ.

Hibru 7:2 Referans Kwoze

Kintaŋ 18:21

«Ké wìr veé ram Levi ki dzə̀ kév jii, fo kifa kidzə̀m ke wír veé Israyi kéŋé, m fò ne kintóʼ kimòʼón fo vee ghvə̀m vi aáwune ji vév vee vitsə́ʼ. Dzə̀ vilaʼày vév vé lìm ye áwune lim e *kibàn ké ntàsín.

Nsùyrì Nyùy 72:7

Yii ye juŋe ku tèʼ e wun ghan, é nyaáŋ wáa dzə, e dù, e jòʼsì.

1 Wòŋ 22:9

Nyùy kfən sùúy e mò ji m wàá yuúrí, e yù, m wíy dzəə́ a wán lumèn wo wíy a dzə a wir nyaáŋ. Wun wíy fo a wun nyaáŋ e wun mvə̀m saʼ, é la aŋgàa vibàn vəə́ yòʼ wìy a nəə́ a wun e rə́r sí. Yír rəə́ wíy a dzə a Solomon, bìʼ fo wun wíy fo a Isray nyaáŋ, aáwune wáa dzə là kinyo ké a fàn e ghan se wù sáʼá.

2 Samuel 23:3

Nyùy wìr veé Isray sùŋnín ne, Kilán ke wìr veé Isray ki sùúy e mò jii, ‹Taà saʼ lóo fàn Nyùy, lóo saʼ wíri tìítiy,

2 Samuel 8:15

Á bèy, Davir wáa saʼ woŋ Isray e dzə̀m, a yiì vinyo e wìr dzə̀m réŋréŋ là kiloʼ.

1 Samuel 8:17

Vèn wíy a jàv nyám sén virə́ʼ e ghvə̀m, a fo kee kimòʼón ki e fòn. Vèn wíy a dzə ji akwàn və́.

1 Samuel 8:15

Vèn wíy lòo kav vifá, aá wáa jàv virə́ʼ e ghvə̀m, a fo kirə́ʼ kee kimòʼón ki aàtǎr ntoʼ vəə́ wùn à e nsheèlav sə́ sí.

Kèʼlo 28:22

a tíy ye m tuuyin rə́ne wíy a dzə kirə́ʼ, a dzə̀ kee fo á wíy a bùnrì wò. A m kfə̀n wíy a jàv vifá ve à fó e mò vidzə̀m kirə́ʼ e ghvə̀m, a fo kee kimòʼón ki e wò.»

Ŋwàʼ woó Rom 3:26

Wù nen dìn a dzə̀ lèn wo Jesus kpuun ji wun kù yòʼ sáʼ rú ajay wìr dzə̀m, aá wáa yen ji wù kù yii yii vinyo və́ tìítiy, là jay, e kfə̀n a yen mo wù li wír líin ji woo là jay, a dzə̀ woo shó wo wù wáy shilív e Jesus wùn.

Ŋwàʼ Luk 2:14

«Á wáa burí Nyùy wo wù dzəə̀n é ntoò yùv. Wù fò ne nyaáŋ é nsay fo wír ve wù koŋe adzə̀m.»

Mayka 5:5

Wù kù wíy a yiì, é wóŋe wáa dzə nyaáŋ. A wír veé Assiriyàa wìy a mùm ji á tiír kiwuú kév e věr nsay, a mùm ji á nəə́ virə́ʼ vér ve tavkín ví e rə́r sí, é ver veé Israyi tsə́nsí antav vee vilìmbìy vér, aá tám wùn áwune.

Cù 27:32

Nyám e mòʼón fo see ghvə̀m si dzə̀ nsùʼ Nyùy Tàr. Á táŋ nyám ye yì rúnsi ji ghvə̀m, á bày yee shooy, bo sì yee jeéy ji ye Nyùy Tàr.

Matio 1:23

«Wánlè ŋgòn wùmòʼ wíy tiím bvəm, a bó wù yóʼ ne kìíy lumèn, e dzəə́ wán lumèn, aá wíy a yòŋ ji Emmanuel.» A nsàv yìr rən dzə̀ jii, «Nyùy sì vèsən áwune.»

Hibru 7:1

Melkisedek və̀n‑eè dzə̀ Fon woó kirə̀ʼ kímóʼ kí ke á yoŋ ji Salem, e kfə̀n a dzə taà cù wo wù‑uù lim fo Nyùy woo Taà Vitu. Wáa dzə e ghan se Abraham‑eè duùn rə́r, e yùyrí afon ámóʼó, a kfən e bàm, Melkisedek wìy, wùn wun tárnín, wù səə̀vì Abraham.

Hibru 7:3

Bó wìr yòʼ kì fo Melkisedek və̀n‑eè loòn, a bó á yòʼ kì tàr wov wùn yè wov, a bó á yòʼ kì rám yév. Bó á yòʼ kì sá ghán se vé‑eè dzəən wun, a bó á yò kì se wù‑uù kpuun. Wù nén a dzə moo Wan Nyùy, a dzə̀ taà cù wo wù gòʼòn kàŋ mòʼón, e dù, e mày.