Hibru 5:3 - ŊWÀʼ NYÙY

³ a kwàŋrì antàŋrí vee shooy. A bó yòʼ dzə̀ ji vé wìr vee shooy cáʼcáʼ, wù kwaŋrì sa və́, bìʼ fo wù kù dzəə̀n sá ŋgaà jay.

Hibru 5:3 Referans Kwoze

Hibru 9:7

A kù nəə taà cù wo kuʼùn é mbìv yee fó mvəm kàŋ mòʼón e kitu ke kiya. Wù lóo nəə́, wù kù a ker mensə́ me nyàm me wù nəə, a kwàŋrì vinyo və́ wùn à ve wír ámóʼó jáy là kiíy sho.

Cù 9:7

Wù nèn yòŋ e Aaron jii, «Kóʼtí, e wìy e ghaa kiy cù, e yiì cu yé yee bìʼ ajayi, à ye tonèné, e màn ajay vé, e màn sá vé wíri.» Áà nèn wìy e cu wìr veé Israyi, e màn ajay vév mo Nyùy Tàr yòŋèn.

Hibru 7:27

Wù kfə́n a dzə jeéy fo atàá cù ve kuʼkìné vee fó mbìy ve á kù‑uù kér fó a rəsí, a taŋrí antàŋrí vishiíy vidzə̀m. Aá kù‑uù kér fó tòmbìy kwàŋrì vév vee vinyo, e bó a kwàŋrì vé wìr ámóʼó. Jesus nèn yiì və́ə woo ntàŋrí kàŋ mòʼón, wù ku nèn ghèén. Wù‑uù lì a dzə̀ kitú kfə́, e tàŋrí wíri shó adzə̀m.

Cù 16:6

«Aaron kù yíi yiì cu rə́ ajay e nàʼ woo lumèn, e fíʼ man ajay və́, à vé kfəə rəə́,

Cù 16:15

«Wù fəə́, é wù nèn seè kibév ke cù ajay wíri, e lì mensə́, e nəə́ sho e kirə̀ʼ kee jeéy kí féyì, e yiì sho mo wù kì yiìn e mensə́ me nàʼ mè, e waŋrí e nsər ŋkùv mensàŋ fo yuv, e kfə̀n waŋrí e wǔn ŋkùv mensàŋ fo mbìy.

1 Korin 15:3

A kinyo ke mò‑oò fìʼtìn e vèn kin ki dzə̀ tím kinyò feyì feyì, a mò‑oò fiʼtì réŋréŋ mo mò‑oò yuun sá. A kí dzə̀ jii, Kristu‑uù kpù ji wun mán á vinyo vesən ve bi ví, a dzə̀ kíwun ke Ŋwàʼ Nyùyi‑iì suuyin ji kí waà wíy koóy.

Hibru 10:12

Kristu kù‑uù tàŋrí və́ə woo ntàŋrí kàŋ mòʼón, wù ku nèn ghèén mo dzə̀ wù wàa sù ajay wíri ghán sidzə̀m. Wù yiì bèy, e kù nèn dzə̀ʼə̀m e Nyùy koy yìyí,