Hibru 4:4 - ŊWÀʼ NYÙY

⁴ Yí kù‑uù sì, bìʼ fo vé‑eè lo yòŋ kishiíy kee saàmbà e kirə̀ʼ ké ŋwàʼ kímóʼ kí, e sùúy fo ji, «Lòo dzə e kishiíy kee saàmbà, Nyùy meèmè fo wun lìm e dzə̀m.»

Hibru 4:4 Referans Kwoze

Ŋwàʼ Fəə 20:11

bìʼ fo mo woo Nyùy Tàr‑iì bomen yúv wùn à nsay, à rìbà ndzə̀v, à vifá vidzə̀m ve ví dzəə̀n é virə̀ʼ fen vi vishiíy ntuùfú, e nèn meèmè e kishiíy kee saàmbà. Á kinyo ke kí‑iì yiìn, é bo m səəvi kishiíy ké bam ji kishiíy kém kee jeéy kí.

Ŋwàʼ Fəə 31:17

Wíy a dzə kisəəm ké vèr à wír veé Isray ke kí jòʼsìn jii, mò‑oò bòm yúv wùn à nsay kishiíy ntuùfú, wáa dzə e kee saàmbà ki, m nèn màʼtì lim, e meèmè.› »

Hibru 2:6

Vé‑eè lo dìn kinyo kìn mo vé‑eè saŋen é kirə̀ʼ kímóʼ kí, a suúy e Nyùy jii: «Wìr msòŋ á ka, é bo à wáa leéy, a yen, wan wìr fo wan wìr, é bo à wáa geʼsín sho?

Remrí 5:14

a kee saàmbà ki dzə̀ kishiíy ké bam ke Nyùy Tàr woo Nyùy won. Lóo dzə e kishiíy fen, lá wìr yòʼ yiì lim, kìn dzə̀ ŋgaà lav, kìn wán və woo lumèn, kìn woo wiíy, kìn kwàn və́ woo lumène, kìn woo wiíyi, kìn nàʼ və, kìn kimbèʼbìy kfə́, kìn kfə́ə nyàm rə yìmòʼ, kìn kiŋgwìy ke kí dzə́ e věn nsay. Vèn ku yiì, áàkwàn véné meeme sá moo ven.

Hibru 4:10

A kí dzə̀ jii, wìr nəə e Nyùy kirə̀ʼ fóo fèy, wù nèn meèmè fo wùn lìm e dzə̀m, mo Nyùy‑iì meèmèn fo rəə́.