Hibru 4:3 - ŊWÀʼ NYÙY

³ Ku nèn a dzə vèsən vin ve á nəə e Nyùy mvə̀m vijùŋ foo fèy, bìʼ fo vèsən yuun késən, e wày shilív shó. A dzə̀ kíwun ke Nyùy‑iì suuyin e vé mbìyi jii: «Wún wómé‑eè lò, e kìn, m lìʼ jii, ‹Bó yòʼ dzə̀ féyì áwune wìy nə̀ə́ e mǒ kirə̀ʼ ké meèmè.› » Wù‑uù suuy bèy, a bó yòʼ dzə̀ ji meemè yee shooyi yòʼ‑oò waà sì. Yí‑iì sì, e kèʼ fo ghan se wù‑uù bomen ndzə, e màysì.

Hibru 4:3 Referans Kwoze

Nsùyrì Nyùy 95:11

M shwiíy kilòŋ, e yiì kilìʼ jii, ‹Bó yòʼ dzə̀ féyì áwune wìy nə̀ə́ e mǒ kirə̀ʼ ké meèmè.› »

1 Pita 1:20

A Nyùy‑iì yiì ne shòʼ wun, é bo ndzə wìy a kèʼ ji wù ghàn tìn wíri fó lòn. Wù nen tùm a dzə̀ lèn wo ndzə sí du, e dù, e jòʼsì və̀n, é vèn fíʼ kiíy wun.

Hibru 9:26

A kee shooy ki‑iì dzə̀ é shií, bo Jesus kù dzəə́ rə́si kpú, kfə̀n lo kpú, e kèʼ mo Nyùy‑iì bomen ndzə. Ké Jesus ki dzə̀ jii, wù wìy e ghan se ndzə ye mvə sí shaa sìn ji wun mayir vinyo ve bi ví, e fò kitú kfə́, e tàŋrí wíri shó kàŋ mòʼón.

Efesor 1:4

Bo wù fə́m a bom ndzə, a wù‑uù yiì ne shòʼ vèsən ji á wíy tatí vèsən à Jesus Kristu, a dzə a wír wun woo Nyùy, a tiy e wùn si là shilóm.

Kèʼlo 1:31

Nyùy leéy vifá vidzə̀m ve wù‑uù fèrìn, a ví dzə̀ vijuŋ e mbòómbòŋ. Á kijàvndzə wùn à ŋkuùr fo kishiíy ke kí meen ji ntuùfú.

Hibru 3:11

Wún wómé nèn kìn, m lìʼ jii, bó yòʼ dzə̀ féyì áwune wìy nə̀ə́ e mǒ kirə̀ʼ ké meèmè.› »

Matio 13:35

Wù wáa yiì bèy ji kí fíʼ shemsín wùn à kinyo ke *ŋgaà ntum Nyùy wùmòʼ‑oò suuyin jii: «M lo, a fèr vinyo, a yòv a dzə̀ é ŋgàn. M lo, a toʼtí vinyo ve ví‑iì dzəə̀n é kilìr, e kèʼ fo ghan se Nyùy‑iì bomen ndzə.»

Aysaya 28:12

A wù‑uù ló a suŋnín aáwune, a yoŋ jii, «Kirə́ʼ ke a dzə̀ wìr meèmè fó ki kìne. Wír ve á dorkiné kú a wìy, a meèmè fo. Dzə̀ kirə́ʼ ke a wìr taʼ, e dzə̀ʼə̀m ji nyaáŋ, wù dù fó.» Nyùy Tàr suúy bey, áwune tén fó yuurí.

Ŋwàʼ Fəə 20:11

bìʼ fo mo woo Nyùy Tàr‑iì bomen yúv wùn à nsay, à rìbà ndzə̀v, à vifá vidzə̀m ve ví dzəə̀n é virə̀ʼ fen vi vishiíy ntuùfú, e nèn meèmè e kishiíy kee saàmbà. Á kinyo ke kí‑iì yiìn, é bo m səəvi kishiíy ké bam ji kishiíy kém kee jeéy kí.

Hibru 3:14

Kifá ke Kristu kér kidzə̀m ki sì sá késən, a vèsən fèn tíy a dzə̀ é kinyò ke vèsən‑eè wayin shilív shó fo mbìy, e dù, e jòʼsì.

Jeremia 6:16

Nyùy Tàr‑iì yòŋ e wír vəə́ jii: «Vèn tiím é mentàrnín, e lèéy. Vèn taʼ dzə́ə a dzə̀ yee tìítiy, a jùmrì, a ghan e mǒ mbòv, mo mò‑oò dìnèn e vèn fó mbìy, é vèn nèn a dzə dzə́ yee nyaáŋé.» Yii bèy, áwune‑eè bìnèr jii, «Vèr yòʼ yíi a jùmrì.»

Esiker 20:38

M wíy fətí wír ve á tsə́y kóy vèr áwune, à ve á buʼtì vinyóo fo věn mvəm. M wíy fəə́r áwune fó vitum ve á dzəə̀n shó lèn, yii bèy, a bó áwune yòʼ wíy kfən e bàm é nsay Isray. M yii bèy, é vèn nèn kìíy jii, m dzə̀ á Nyùy Tàr.›

Matio 25:34

«Wù javsìnè, é wun woo Fon nèn sùúy e veé koy yìyí jii, ‹Ven ve Tàr wor bùʼùn ne, vèn wiy, e nə̀ə́ e wùn mvə̀m saʼ, a yi vijuŋ ve wù‑uù naŋsin fó ŋgùʼ, é bo ndzə wìy a kèʼ, e lèm e vèn.