Hibru 4:2 - ŊWÀʼ NYÙY

² Vèsən yù ne sáʼka wo juŋ woo shooy réŋréŋ mo vé mbìy vìyi‑iì yuun. Yii bèy, a vé‑eè yú kév, la kí yòʼ a sə áwune, bìʼ fo vé‑eè yú, e làa yòʼ a way shilív shó.

Hibru 4:2 Referans Kwoze

1 Tesalonika 2:13

Kinyo kímóʼ kí ke vèr rə́si beerì Nyùy fo fo ki dzə̀ jii, vèr‑iì fìʼtì kinyo kfə́ e vèn, vèn ku nèn biìmé ji dzə̀ rú á ntum Nyùy, a bó yòʼ dzə̀ ye wìr. Mo vèn biimen, yì nèn a lùm e věn meliv kitávín.

Hibru 11:6

A bó yòʼ dzə̀ Nyùy wàa sheʼrí wír, a bó ŋgaàŋ wáy shilív e wun wùn, bìʼ foo, a wìr taʼ ji wun kóʼtí e Nyùy ghaŋ, wù kù biìmé ji Nyùy dzə̀ rú shó, e kfə̀n biìmé sa jii, wù yii laáme wír wo wù taʼ wun, a ŋgaàŋ yén wun.

Hibru 3:12

Afə̀r vem, vèn wáa yen rì fo wìr fo vèn wáa ker shilív she bi shí wùn Nyùy, a ŋway kinyo kfə́, é shí yii, é wù maʼay Nyùy woo rú.

1 Timoti 4:8

À kì sá jii, a wìr merìr wún və́ é kinyò, bo séʼ dzə̀ á sho. Yii bèy, wìr merìr a dzə̀ é kinyò ke kí wáa yiì, é wù wáa ghan mo Nyùy taʼà, bo woo shooy woo séʼ shaà, bìʼ fo kí sə́ wír e dzə̀ʼə̀m yeé nsay, e kfə̀n wìy sə e yé bàmé.

Ŋwàʼ woó Rom 2:25

Kí nén a dzə jii, a vé‑eè lì ne wò e liì woó Juda, e sàŋ *mbèʼ ji à sì wir Nyùy, bo à kù kér fó a lèm sa nsər Nyùy, é bo wù wáa yen náŋsín yee shooy ji kinyo. Là bey, bo yí lày kisáŋ.

Lim Aŋgàa Ntum 13:46

Wùn Banabar kú a suŋnín tèéter, a suúy jii, «Vèr kù‑uù kér fó tòmbìy fìʼtì kinyo ke Nyùy a dzə̀ e vèn vee wír veé Juda. Mo vèn tenen, e màʼày vitú vén ji bó á yoʼ ghèén fó wìy nəə́ e dzə̀ʼə̀m yee là may, bo vèr sí binkìr, a fìʼtì a dzə̀ e wír ve bó yòʼ dzəə̀n veé Judàa.

Jeem 1:21

Kí nén a dzə jii, vèn maʼti á liì joònè e dzə̀m, e fəə̀ fó bǎm vinyò ve kisaŋ vi vidzə̀m, a neŋ a dzə̀ e Nyùy si, a yu a dzə̀ fo wùn jì ye wù wayin e věn meliv. Á kinyo ke dzə̀ kí dànèr ven é dzə̀ʼə̀m yee là may.

Hibru 4:6

Yii bèy, a kí dzə̀ kiránén ji wír ámóʼó kù yòʼ wíy nəə́ sho. A bó wír ve vé‑eè tòmbìy yù sáʼka wo juŋ və̀ne yòʼ‑oò lo nə̀ə́, bìʼ fo vé‑eè yú, ŋwáy ŋwayín.

1 Korin 13:3

A fə̀m dzə̀ ji m javti kéŋ yém e dzə̀m e vé ŋgeʼe, e kfə̀n fò kitú kém ji á ton bìʼ kinyo ke Nyùy, a bó m yòʼ koŋ wíri, bo kù dzə̀ kisáŋ, a bó yòʼ dzə̀ kí sə̀ mo gheéy.

1 Pita 1:12

Nyùy nèn yiì, áwune kiíy ji vinyo ve áwune rə́si tiísi vìn vi yòʼ waà wíy koóy aáwuné ghan. Ví wìy sìíy, a koóy a dzə̀ e věn kiwo. Nén a dzə víwun ve vèn sí yú lèn fo wír ve á fiʼtì sáʼka Nyùy wo juŋ e vèn, aá fiʼtì a dzə̀ mo Kiyoy ke Nyùy‑iì tumen fó yuv kí bánri áwune, réŋréŋ mo wù‑uù bánri vee fó mbìy. A vèn nə̀ə́ ne lèn e vinyò a dzə̀ ve nshèelav se Nyùy si diy feyì ji á kiíy á mo ví dzəə̀n.

1 Tesalonika 1:5

bìʼ fo vèr kuúme mo vèr‑iì fiʼtì sáʼka Nyùy wo juŋ e vèn. Vèr‑iì fiʼtì, a báyri Kiyoy ke Ranén kí melív men, a vèn biíme, bìʼ fo vèr yòʼ‑oò fiʼtì a dzə̀ e shúu cáʼcáʼ. Vèn‑eè ló a yen e sí yéné mo vèr‑iì dzə́ e věn mvəm ji kinyo ke Nyùy ki fiʼ tùúy.

Galatia 3:8

A Ŋwàʼ Nyùyi‑iì ló a dìn fo ghan ji wír ve bó yòʼ dzəə̀n veé Judàa wíy way sa shilív e Nyùy wùn, é wù li áwune ji wír vee là jay. Á kinyo ke kí‑iì yiìn, bo Nyùy fiʼti sáʼka və wo juŋ və̀n e Abraham fo ghan. Wù‑uù sùúy shó jii, «M wíy shaà fo wò, e səə̀vì vitúm veé kitu ke nsay vidzə̀m.»

Galatia 4:13

Vèn kuúmé mo mò‑oò wìyìn, a jòy e věn wòŋ, vèsən wáa dzə, m wáa fìʼtì kinyo kee kùm Jesus Kristu e vèn.

Lim Aŋgàa Ntum 3:26

Nyùy nèn shòʼ Ŋgaà və Lìm, e tùm, wù tómbìy wìy, e yèn a dzə̀ ven ji wù fíʼ bìnèr melív men fo věn vinyò ve bi ví, é vèn nəə́ é mvə̀m vijùŋ foo fèy.»

Remrí 1:32

Fə̀m mo mò‑oò yòŋèn bey, vèn ku tèn fóo way shilív e Nyùy Tàr woo Nyùy wón wùn.

Ŋwàʼ woó Rom 3:3

Yii bèy, a bó ámóʼó yòʼ‑oò ló a way shilív shó. Mo áwune‑eè màʼàyìn kinyo ke Nyùy foon aáwune, a dzə̀ wù màʼày sá áwune, e làa yòʼ dzə́ə yiì kinyo ke wù‑uù kàʼàn áwune shó a?

Galatia 3:2

M taʼ, e dzər ven kinyo kimòʼón. Vèn kuúmé mo Kiyoy ke Ranén kí‑iì wìyìn fo vèn. Kí‑iì wìy bìʼ fo vèn‑eè lìmèn mo nsər suuyì moo bìʼ fo vèn‑eè yuun kinyo ke Jesus Kristu, e wày shilív e wun wùn á?