Hibru 4:1 - ŊWÀʼ NYÙY

¹ Kinyo ke Nyùy‑iì kàʼàn ji dzə̀ wìr nə̀ə́ e wùn kirə̀ʼ ké meèmè ki kù tíy fo. Mo vèsən kiìn bey, vèsən ku nèn a yen fo kí wìy kòóy ji á lòo tàr, e yèn á ji wìr fo vèsən yoʼ ghèén, é wù rán vijuŋ vee shooy.

Hibru 4:1 Referans Kwoze

Hibru 12:15

Vèn wáa yen fo wìr maʼay Nyùy, e ràn kilíŋ ke wù bùʼùn wun sho, a yen sa fo wìr wáa màʼ ŋgoòy kinyò ke bi kí, é kí ram e věn mvəm, e bìvír wír anín.

Hibru 4:11

Vèsən ku nèn wày kitávín ji á ku wìy nə̀ə́ e kirə̀ʼ ké meèmè fèn, a yen fo wìr ŋwáy kinyo ke Nyùy, e ràn meemè yee shooy mo vé mbìyi‑iì yiìn, e bóo ran.

Hibru 4:9

Kí nén a dzə jii, kilíŋ ki dzə̀ə́ sho lèn ke dzə̀ wír Nyùyi nə̀ə́ é kirə̀ʼ ké vijùŋ fèn, a meèmè sa mo Nyùy‑iì màysìn lim rə́, kishiíy kí meé saàmbà, wù meèmè.

Ŋgàn 28:14

Bòŋ ké wìr wo wù ghvə́m Nyùy Tàr ghán sidzə̀m, yii bèy, a wìr wo wù táv a dzə̀ kitú kù yíi jòʼsì kfə́ é ŋgeʼ.

Hibru 13:7

Vèn wáa kuumé wír ve vé‑eè tòmbìy dàn ven é kinyò ke Nyùy fèn. Vèn kuúmé mo vé‑eè dzə́, yú a dzə̀ fo Nyùy, wíri yú vijuŋ bìʼ áwune. Vèn kú a bìʼnìn, a yu fo Kristu moo áwune.

2 Timoti 2:13

A vèsən fə̀m lò, e shòʼór kinyo ke vèsən‑eè biimen, bo bó yòʼ dzə̀ wù shòʼór kfə́ kee kinyo, bìʼ fo wù kù yii tíy a dzə̀ e wùn jì.

1 Korin 10:12

Kí nén a dzə jii, vèsən kiíy á mo á tiimen, é wìr wo wù kwaʼtì ji wun tíy kitávín wáa yen a ji tàm wù gbù.

Ŋwàʼ woó Rom 11:20

Dzə̀ rú, vé‑eè faarì bìʼ fo vé‑eè tenen kinyo ke Kristu. Yii bèy, vèn ku yòʼ a kuumé jii, vèn kòóy kilíŋ kìn lèn, a yiì a Kristu wo vèn wayin shilív é wùn wó. Lá vèn yòʼ a sùmrì wún ji yiì a ven. Vèn wáa ghan ji nyaáŋ, a tiír kiwuú kén, a fìʼ,

Ŋwàʼ woó Rom 3:23

bìʼ fo wìr dzə̀m kù‑uù jayin ne, la liì wov yòʼ mèé e wo Nyùy taʼà gheéy.

Jeremia 32:40

M wíy gwàr *mensaŋ vèr áwune, a dzə̀ me mè kù wíy a tiy fo ghán sidzə̀m. Bó m yòʼ dzəə́ wìy yàr fó a yiì kijuŋ aáwune. M wíy yiì, é melív mev mè wáa tiy e mǒ wùn, aá wáa ghvəm mo, e làa yòʼ dzə́ə wìy bìn ndzə̀m e mò.

Kintaŋ 14:34

Mo kí‑iì yiìn kishiíy mkweè, é bo á shwéʼ woŋ, bo dzə̀ ji kishiíy kimòʼón ki yíi a dzə kiyá kimòʼón ke ŋgeʼ, aáwune yén ŋgeʼ yee bìʼ yii yév kisaŋe kiyá mkweè, e nèn kìíy mo wìr méŋ mo, kí wàa dzə.

Hibru 12:25

Vèn wáa yen rì fó ŋway kinyo ke Nyùy wo wù súŋnin e vèn ŋwáyín. Vèn kì sá ji wù‑uù lo màʼ ŋgeʼ e wír ve vé‑eè ŋwáy kinyo ke ŋgaà wo wù‑uù lèmèn é nsay fèn ji wù wáa tir wíri. Mo kí dzəə̀n ben, bo bó wìr wo wù ŋwáy kfə́ a dzə̀ kinyo ke wun woo Nyùy súŋnin fo yuv yòʼ wíy bòy fo ŋgeʼ gheéy.

Hibru 3:11

Wún wómé nèn kìn, m lìʼ jii, bó yòʼ dzə̀ féyì áwune wìy nə̀ə́ e mǒ kirə̀ʼ ké meèmè.› »

Ŋgàn 14:16

Wìr wo wù kér vifií baʼàr ŋgeʼ, woo kiyúŋ kù a gùynìn, a to kfə́ shó toón.

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.

Matio 24:48

Yii bèy, a wánlè lò, a dzə wo wù kér liì kisaŋ, a yen ji tàr wov ndzə̀y ne, a bó wù yòʼ dzəə́ wìy tav wìy,

Lim Aŋgàa Ntum 3:19

Vèn biner ri melív men mè, e kfə̀n fo Nyùy, é wù laysin vinyo vén ve bi ví,

2 Korin 6:1

Vèr nén a boòrì ven moo wír ve vèr à Nyùy tatin wó, a lìm lim rə́ jii, lá vèn yòʼ màʼày kilíŋ ke wù bùʼùn ven shó kìn, é kí lay á kisáŋ.

Galatia 5:4

Ven ve vèn katìr ji vèn wáa lèm nsər sìn, e bóo fíʼ gheén fo Nyùy, vèn wáa kiíy jii, vèn à Kristu jàvsìn ne, vèn rán mbùʼmé wo wù bùʼùn ven shó kisáŋ.