Hibru 3:3 - ŊWÀʼ NYÙY

³ Yii bèy, a kinyo ke Jesus ki kùʼ feyì, e shaà ké Mooser, réŋréŋ mo kinyo ke ŋgaà lav ki yii kuʼ, shaa ké lav ye wù bàʼrìn.

Hibru 3:3 Referans Kwoze

1 Korin 3:9

A ver vee abaà víne tàtí wó a dzə̀ vèr à Nyùy ji á wáa yiì lim rə́. Vèn nén a dzə kén moo súm wo Nyùy taʼ, e fùm, e kfə̀n a dzə moo lav ye wù bómé.

Hibru 2:9

Ke vèsən yén lèn ki dzə̀ Jesus wo wù sáʼ vifá vìn vidzə̀m. A Nyùy‑iì lo lèm wun fo nshèelav sə́ sí mbìv tsə̀n e bǎm shintàm. Wù‑uù lèm bey ji Jesus kpú á fo wìr dzə̀m mo wun woo Nyùy‑iì shamen áwune, e sìysì. Wáa dzə lèn, a Nyùy búʼ ne wun, e fò vitaáví vé saʼ sho ji á wáa ghvəm, a yu fo fo, bìʼ fo wù‑uù biimen ŋgeʼ, e kpù fo wíri.

Hibru 3:6

Kristu nèn wìy wìy, a lìm kfə́ e Nyùy lav foo fèy shilív shimòʼón moo wán woo ŋgaà lav, a lav dzə̀ vèsən vin. Dzə̀ rú vèsən, a vèsən bèn ghár shilív, tiir vifií a dzə̀ é ŋkàʼmé wo Nyùy‑iì kàʼàn vèsən shó, e dù, e mày.

Kolosia 1:18

A kfə̀n dzə̀ wun kitú ke kintatì ke wìr Nyùy ke dzəə̀n ji wún və́. Kù‑uù yiì wun, bo kintatì kìn ki keʼ a dzə, bìʼ fo dzəə̀n wun wir mbìy wo Nyùy‑iì fəərin fó kpu, nén a dzə wun wo wù tíy mbìy vinyò vidzə̀m.

Matio 16:18

M nén a suúy e wò jii, à dzə̀ Pita, a m yíi bàʼrì kintatì kém é kitu ke kilan fèn, a bó yòʼ dzə̀ kpú, yí laàr kintatì kee shooy.

Sekariya 4:9

«Serubbabel wày ne kinsə̀ŋ ke lav yem cù, a wù kù yíi màysì lav yem cù yee shooy, e bàʼrì. Kí kooy bèy, é wìr dzə̀m nèn kìíy ji tùm á mo wò fo áwuné wùn, mo woo Nyùy Tàr woo Taà Mànjòŋ.

2 Korin 3:7

Vèn kì sá mo Nyùy‑iì gwàrìn mensaŋ me mvə mè, a mè wiy a dzə̀ e kpúu, e dìn vitaáví və́. Wù‑uù sàŋ nsər e kiwàŋ ke tiy, e fò e Mooser. Wù lòo wìy sho fo wír veé Israyi, rán Nyùyi wáa ban, a njàʼkìr fo wùn si. Mo wù fə̀m‑eè wiy, a rán yee shooyi sí kpúrinè, bó wìr yòʼ‑oò lo yù fó a leéy gheéy.

Hibru 3:4

Vèn kì sá jii, a dzə̀ kù bàʼrì wír lav, yii bèy, a Nyùy bòm kfə́ vifá vidzə̀m.