Hibru 3:2 - ŊWÀʼ NYÙY

² A wù‑uù lo lìm fo Nyùy wo wù‑uù tumen wun shilív shimòʼón, réŋréŋ mo Mooser‑iì lim e Nyùy lav shilív shimòʼón.

Hibru 3:2 Referans Kwoze

Kintaŋ 12:7

A bó ké Mooser woo ŋgaà lìm wom kí yòʼ dzə̀ bey. Wír vén veé Isray adzə̀me kù sì e wun kiwo.

1 Timoti 3:15

a m fèn ndzə̀y, áà kiíy á mo dzə̀ wíri wàa tiír kiwúu kév, a ghan e Nyùy mvə̀m kfəə. Kfə́ə Nyùy rə̀ne dzə̀ kintatì ke kér wun woo Nyùy wo wù gòʼòn kàŋ mòʼón, a kinyo kfə́ ke ru kí kù fəə́ a dzə̀ fó kintatì fèn ke wù neèrìn ji kiyiy, kfə́n a dzə kitóm ke kinyò kee shoon.

Efesor 2:22

Mo vèn à Jesus Kristu tatin ne, Kiyoy ke Ranén kí nen tàtí sa vèn à wír Nyùyi adzə̀m, wáa dzə lav ye wun woo Nyùy shiiy sho.

Hibru 2:17

Á kinyo ke kí‑iì yiìn, é bo wù binkir, a dzə réŋréŋ moo afə́r və́, e fíʼ a dzə ŋgaà wov cù wo kuʼùn, a sham áwune, a lìm fo Nyùy shilív shimòʼón, e taŋrí áwune, é Nyùy laysin ajay vév.

Joon 17:4

A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

1 Timoti 1:12

M nén a beèrì Taàtá wòsən Jesus Kristu feyì mo wù‑uù wayin shilív e mǒ wùn ji dzə̀ m yiì á lim rə̀n. A m lim a dzə̀ mo wù foon vitaáví ve m wáa lìm sho.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 8:29

Vèn wáa kiíy ji Tàr wor wo wù tumen mo kù dzə̀ vèr wun, a bó wù yoʼ màʼtì, m wáa dzə vèr mòʼón, bìʼ fo m kù yii yii vinyo a dzə̀ ve ví boŋ wun.»

Joon 7:18

Wìr wo wù yii kinyo ji yii wun, ŋgaàŋ taʼ a dzə̀ ji wíri wáa burí wun. Wìr wo wù kù yii taʼ kfə́ ji á wáa burí a dzə̀ wír wo wù tumen wun, nén a suúy a dzə̀ vinyo ve ru ví, a bó yòʼ dzə̀ wù lòʼ kinyo.

Remrí 4:5

«Vèn leéy, e yèn, m yèʼéy ne ven nsər sidzə̀m se Nyùy Tàr woo Nyùy wom yòŋèn e mò ji vèn fíʼ a lèm e nsay ye vèn nəə sho, e yòv.

1 Samuel 12:6

Samuel kfən sùúy e wíri jii, «Dzə̀ wun woo Nyùy Tàr wo wù‑uù shoʼon Mooser wùn Aaron, e tùm, á dù, e fə̀ə́r atǎr atàr vén fó Ejiv.

Ŋwàʼ Fəə 40:16

Mooser ku nèn yiì vinyo vìn vidzə̀m, kù mo Nyùy tàr‑iì suuyin e wun.