Hibru 2:3 - ŊWÀʼ NYÙY

³ Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.

Hibru 2:3 Referans Kwoze

Hibru 12:25

Vèn wáa yen rì fó ŋway kinyo ke Nyùy wo wù súŋnin e vèn ŋwáyín. Vèn kì sá ji wù‑uù lo màʼ ŋgeʼ e wír ve vé‑eè ŋwáy kinyo ke ŋgaà wo wù‑uù lèmèn é nsay fèn ji wù wáa tir wíri. Mo kí dzəə̀n ben, bo bó wìr wo wù ŋwáy kfə́ a dzə̀ kinyo ke wun woo Nyùy súŋnin fo yuv yòʼ wíy bòy fo ŋgeʼ gheéy.

Ŋwàʼ woó Rom 2:3

Mo kí dzəə̀n bey, a dzə̀ wò wo à roomè wír fo vinyò vee shooy, kfə̀n yii sa víwun, à wàa kwàʼtì ji dzə̀ à wìy bòy fo ŋgeʼ ye Nyùy wíy fo moó le?

Hibru 5:9

Wù màysì, e nèn ghèén e wìr wo dzə̀ wù lùŋèr wír ve á yú kinyo kfə́, a wù kù wíy a lùŋèr bèy ghán sidzə̀m, e dù, e mày,

Lim Aŋgàa Ntum 4:12

A wíri kù luŋ a dzə̀ fo Jesus və̀n cáʼcáʼ, bìʼ fo wìr wùmòʼ yòʼ kfə̀n dzəə̀n shó e ndzə fèn wo Nyùy‑iì lèmèn ji vèsən wíy lùŋ fo fo.»

Esiker 17:15

Yii bèy, fòn və̀y nèn wìy lò, a nə̀r kóy, e tsə̀nsí vé ntume é Ejiv ji wun koóy á shúu rər fó fo nyanyày, wo wú kér nyám se ŋkòʼ. A kù yòʼ dzə̀ wù tàm á? A bùʼtì wír vinyo bèn, wù kù yòʼ lèʼ kpú a? A wù yàʼáy kilìʼ ké mensàŋ, wù kù yòʼ nyèŋ á?›

Hibru 4:11

Vèsən ku nèn wày kitávín ji á ku wìy nə̀ə́ e kirə̀ʼ ké meèmè fèn, a yen fo wìr ŋwáy kinyo ke Nyùy, e ràn meemè yee shooy mo vé mbìyi‑iì yiìn, e bóo ran.

Hibru 1:2

Wáa dzə lèn wo ndzə sí wìy a mày, wù nen tùm a dzə̀ Wán və, wù wáa tiisí kinyo kfə́ e vèsən. Dzə̀ Wán və və̀n wo wù‑uù foon vitaáví shó, wù bóm ndzə. Wù kfən lèm ji wù wìy yòv ndzə yee shooy e dzə̀m, a saʼ.

Ŋwàʼ Luk 1:2

réŋréŋ mo vé‑eè yú fo wír ve vé‑eè yenen vinyo vee shooy e sí yéví mo ví‑iì kèʼèn, a koóy, e dù, e jòʼsì, e bóo siíy, a tiisí ntum kinyò kee shooy.

Ŋgaà Yen 7:10

Aá ndzə́ʼ kitávín jii, «Nyùy wor wo wù dzəə̀n é kàvàʼ və̀n dzə̀ wo wùn Wàn Njiì tinen ver fó lòn, vèr lúŋ.»

Titur 2:11

Dzə̀ mo dzə̀ wír Nyùyi kù a yiì, bìʼ fo Nyùy dìnèn ne mo wù koŋ wíri, shám áwune, aá fíʼ lùŋ adzə̀m.

1 Timoti 1:15

Duŋrì yee jii, Jesus Kristu‑uù lo wìy e ndzə fèn ji wun sə́ aŋgàa vinyò ve bi ví, aá fíʼ lùŋe dzə̀ rú féyì. A dzə̀ wìr kù wày shilív sə́ shó shidzə̀m. A m dzə̀ fon aŋgàa vinyò ve bi vee shooy.

Matio 23:33

Vèn dzə̀ yó se bi sí, rám abúv. Vèn kwaʼ ji a Nyùy tìnén nsaʼ yen, vèn bòy fó və̀y a?

Aysaya 62:11

Nyùy Tàr tsə̀nsí ne ntum kitú ke nsay kidzə̀m. Yì dzə̀ ji á ku tiìsí e wír veé Sione á jii, «Vèn leéy, Nyùy won sí wiy ji wun luŋer ven. Rúrú, wù wiy, kér vilaámé vén. Wù wiy e wír vén ve wù bòyìrìn ne fo kwaʼ nsàmé.»

Aysaya 51:5

Yii yém yee réŋé lo, e fəəsín cér, a ntàm yòʼ‑óò dar, a bó m lúŋér ven. M sí lo, a saʼ vitúm veé kitu ke nsay e vitaáví vém ví. Wír ve á dzə́ e ŋguùŋè rìbà ndzə̀ví kù sí shiy a dzə̀ mo, aá kù wíy a yòy, a tiír a dzə̀ e mǒ wùn.

Aysaya 12:2

Rúrú, Nyùy dzə̀ ŋgaà wo wù luŋèr mo. M yíi a yeʼtí a dzə̀ e wun wùn, e làa yòʼ a fàn kifá. Feyì feyì, dzə̀ wun woo Nyùy Tàr wo wù távir mo, a kù dzə̀ wun wo m yov, suyrì. Wù dìn ne rú ji wun dzə̀ á ŋgaà wo wù luŋèr mo.»

Hibru 4:1

Kinyo ke Nyùy‑iì kàʼàn ji dzə̀ wìr nə̀ə́ e wùn kirə̀ʼ ké meèmè ki kù tíy fo. Mo vèsən kiìn bey, vèsən ku nèn a yen fo kí wìy kòóy ji á lòo tàr, e yèn á ji wìr fo vèsən yoʼ ghèén, é wù rán vijuŋ vee shooy.

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Joon 15:27

a vèn wíy a fìʼtì sa, bìʼ fo kù dzəə̀n ven vin ve vèsən‑eè siìn, e kèʼ fo kèʼ.

Ŋwàʼ Luk 24:19

Wù dzə́r jii, «Vinyo vee ka?» Á bìnèr jii, «Dzə̀ vinyo ve ví‑ii kooyin wír wo á yoŋ ji Jesus woó Naasarer. Wù‑uù dzə̀ *ŋgaà ntum Nyùy, yii viŋgaʼnìn ve vinyò, kfə̀n fiʼtì ve fiʼtìn ví, a Nyùy bínsi wun, a wìr dzə̀m bínsi sa.

Maak 1:14

Ghán sí wìy lòo koʼtí, á koó Joon, e wày é sháŋ, a dzə̀ ghán se Jesus‑eè kèʼèn, a ghan e mbìv wòŋ yee Galeli, a fìʼtì sáʼka Nyùy wo juŋ fo.

Esiker 17:18

Mo wù tàʼàn ndzə̌n kilìʼ ntéŋ, e bìvír mensaŋ, a wù máʼ ne kiwó e kitu wo, e kfə̀n lòvtí bèn, bo bó dzəə̀ yée baàmè, e nyeŋ yòʼ kfə̀n dzə̀.›

Aysaya 51:8

M kù lo, e laàr áwune mo mbvə̀njàŋ kfə̀r ndzə̀y, e laàr áwune mo séʼ si là ndzə̀y. Yii bèy, a yii yém yee réŋé kù wíy a tiy fo, e dù, e jòʼsì, é m kú a lùŋèr ŋgwàʼ rə̀y, a tumsín e rə̀y.»

Aysaya 20:6

Wír veé Filistia wùn à veé Juda ve á dzə́ e ŋguùŋè rìbà ndzə̀ví wíy a ghay wún jii, ‹Vèn yén ri búʼú kinyo ke kí kooyin vitúm ve vèsən‑eè leey ji ví sə́ vèsən kí. Vitúm ve vèsən‑eè mbaàn ji á boyir á vèsən fo fòn woó Assiriya wo. Àshè, ké lèn ki, bo vèsən yíi yèe késən, e bóo bòy?› »

1 Tesalonika 5:3

A kí wíy a dzə jii, wíri wíy lòo suúy ji á bòy ne, a vinyo vi sì nyaáŋ, é ŋgeʼ nèn sàsìn, e gbù mo wiíy yù wán. Yì gbu bèy, é yì nèn sə̀tí áwune, é la á yòʼ dzəə bòy.

Ŋwàʼ Luk 1:69

Wù lèm ne wír wo ghaʼán wo wù wíy lùŋèr vèr, a wù lò fo Fòn Davir woo ŋgaà lìm və́ ram,

Matio 4:17

Kèʼ fo ghan se Jesus‑eè kfənen é Galeli sìn, wù nèn kèʼ, a fìʼtì kinyo kfə́, a suúy jii, wíri wáa bìnèr a melív mev, ghán se Nyùy sí lo, a saʼ vifon və́ sí sì á fo mentsə̀m.

Ŋwàʼ woó Rom 11:14

afə́r vém veé Israyi fíʼ yú mo Nyùy yii e wír ámóʼó, lóo siimé, é m koóy á wír ámóʼó fo áwuné mvəm, aá wáy shilív e Kristu wùn, e lùŋ.

1 Korin 1:21

A bó wun woo Nyùy wo wù kiìn vinyo vidzə̀m yòʼ‑oò lo biìmé ji dzə̀ wíri kìíy wun a dzə̀ fo áwuné vifii. Wù‑uù sìysì ji wun luŋer a dzə̀ á wír ve á biimen kinyo ke vèr fiʼtì, aá shéʼ sheʼén ji vinjeenjèm kìn.

Hibru 1:1

Yì‑iì dzə̀ fó mbìy, a Nyùy súŋnin aàtàr vesəné akàŋ anín e dzəə sí dzəə sí, a wù‑uù túm a dzə̀ aŋgàa ntum və́, aá tiísi.

Hibru 1:14

Ké nshèelav se Nyùy ki nén a dzə ji ka? Áwune dzə̀ kév viyoy ve ví lim fo Nyùy, a wù túm áwune, aá ghán, sə́ wír ve á kù‑uù wíy lùŋ.

Hibru 9:28

Kù dzə̀ sá mo Kristu‑uù foon kitú kfə́, e kpù fo wíri kàŋ mòʼón, e nèn bèʼèy njò sé wìr anín, á bòy fo nsaʼ. A wù kfə̀n wíy wìy e ndzə fèn ji akàŋ abaà, a bó wù yòʼ dzəə́ wiy bèy ji wun kwaŋri á njò sé wíri. Wù sí wiy lèn ji wun luŋer á wír adzə̀m ve á shiy ji wù wiy.

1 Joon 1:1

Kinyo ke m sáŋ fo vèn kin ki dzə̀ ké wìr wo wù‑uù siìn, é bo ndzə wìy a kèʼ, a kér wun ntum ye yì fó dzəʼə̀m yee là may. Vèr à wír ámóʼó‑oò lo yèn wun e sí yérí, vèr áwune wáa ghanén, vèr wáa kùm wun, e kfə̀n a yen vinyo ve wù‑uù yii.

Ŋwàʼ Jud 1:17

Ŋkàr sem, vèn kú a kuumé a dzə̀ vinyo ve aŋgàa ntum Taàtá wòsən Jesus Kristùu‑uù suuy fo ghan ji ví wíy koóy vi.