Hibru 2:2 - ŊWÀʼ NYÙY

² Vèsən kì ji kinyo ke nshèelav se Nyùy si‑iì tiísi fo ŋgùʼ kí‑iì ló a dzə rú, a kí‑iì dzə̀ á kitávín. Wìr‑iì tén kinyo kee shooy, fə́m shóʼor kimòʼón, Nyùy kù màʼ ŋgeʼ sho mo nsər‑iì dzəə̀n.

Hibru 2:2 Referans Kwoze

Lim Aŋgàa Ntum 7:53

Ku kfə̀n a dzə ven vin ve Nyùy‑iì tumen nshèelav sə́, sí fó nsər sə́ e vèn, é bo vèn tén fó a lèm.»

Galatia 3:19

Mo kí‑iì siìn bey, bo Nyùy‑iì dzəsì nsər bìʼ ka lèn? Wù‑uù fó ji wìr jáy kinyo, é wù fiʼ kìíy a ji wun jày ne, é nsər yee shooy wáa dànèr wíri, e meé e ghan se wan woo Abraham ram və̀y wíy wìy. A dzə̀ wun wo Nyùy‑iì wayin ŋkàʼmé woo shooy e wùn kiwo. Nyùy nèn lòo dzə̀sì nsər, e tùm a dzə̀ nshèelav sə́ shó, sí wìy, e wày e taà dzəə̀ wùmǒʼ kiwo.

Hibru 10:28

Vèn kì sá jii, a wìr‑iì shòʼór Nsər Mooser, wíri wáa tiy abaà, kìn ataár ve á yenen kinyo ke wù yiìn, bo nsaʼ kù kér a fó koo ŋgaàŋ, aá yúyrí féyì, là mendzən.

Ŋwàʼ Jud 1:5

M nen kfə̀n a tàʼ, e kuumé vinyo vímóʼ ví, a kù dzə̀ ve vèn kiiyin ne kijuŋ. A ví dzə̀ jii, mo Nyùy fə̀m‑eè fəərin wír veé Isray fo wòŋ Ejiv ji á boy fó vikwàn, e fíʼ lùŋ adzə̀m, ámóʼó‑oò lo sìíy, e lòo meŋ wun, wù laàr vee shooy.

Remrí 27:26

« ‹Lǒn Nyùyi ku koò wír wo bó wù yòʼ yúnin nsər se Nyùy sìn wùn à ntir sə́ sí sidzə̀m, yii mo sí dzəə̀n.› «Á yoŋ bèy, é wìr dzə̀m ku nèn bìnsí jii, ‹Kí kú a dzə bèy.› »

Hibru 11:26

Wù‑uù yén kfə́ ji ŋgeʼ se dzə̀ wun wàa yen wùn à wír véví, a shìy Mfə̀ə́r wo Nyùy‑iì kàʼàn áwune shó, si bòŋ fo wun, e shaà bùʼ woó wòŋ Ejiv e dzə̀m, bìʼ fo wù‑uù leey kfə́ a dzə̀ fó mbìy, shiy və́ vee vikuʼùy a dzə̀ ve wíy fo Nyùy.

Hibru 10:35

Mo vèn sí yén ŋgeʼ sinín, tiir a dzə̀ Nyùy fo mbìy, vèn ku nèn a yiì bèy, bìʼ fo vèn kiìn ji wù kù wíy a sə ven, a dù duùn fó mbìy.

Remrí 17:12

A taà kwàŋnsaʼ, kìn taà cù tìím e Nyùy Tǎr si, e tìnén kinyo, wìr ŋwáy, á kù yùyrí ŋgaàŋ yúyrín. Á ku yiì bèy, e fíʼ tuŋ liì kisaŋ, e fəə́r fo Isray mvəm.

Remrí 17:5

vèn lì ŋgaàŋ, kìn dzə̀ lumèn, kìn dzə̀ wiíy, e dù sho e shùu kày e ŋkàlaʼ, e tsə̀mrí fo e tíyí, e yùyrí.

Hibru 11:6

A bó yòʼ dzə̀ Nyùy wàa sheʼrí wír, a bó ŋgaàŋ wáy shilív e wun wùn, bìʼ foo, a wìr taʼ ji wun kóʼtí e Nyùy ghaŋ, wù kù biìmé ji Nyùy dzə̀ rú shó, e kfə̀n biìmé sa jii, wù yii laáme wír wo wù taʼ wun, a ŋgaàŋ yén wun.

Hibru 1:1

Yì‑iì dzə̀ fó mbìy, a Nyùy súŋnin aàtàr vesəné akàŋ anín e dzəə sí dzəə sí, a wù‑uù túm a dzə̀ aŋgàa ntum və́, aá tiísi.

Nsùyrì Nyùy 68:17

Nyùy Tàr‑iì sə̀ʼə́y fó Sinay, sə́ʼəy, kér *viténtén və́ vé rər ansə̀kì ansə̀kì, e wìy, e dzə̀ʼə̀m e wun kirə̀ʼ ke ranén kí.

Remrí 17:2

«A kí lò, e kòóy ji lùmèn, kìn wiíy e věn ŋkàlaʼ yìmòʼ lo, a yiì vinyo ve bi ví e Nyùy Tàr, e shòʼór *mensaŋ me Nyùy Tàr woo Nyùy won,

Kintaŋ 25:9

A wír ve kifə̀ʼ kìn ki‑iì yuyriné‑eè dzə̀ nsə̀kì nshòv sikweè e mbaà (24,000).

Kintaŋ 21:6

Nyùy Tàr nèn fə̀ə́r yó se ndzəʼ si, sí wáa térí áwune. Sí té bey, wìr woó Isray kpú nyanyày.

Kintaŋ 16:49

A wír ve vé‑eè kpuun kpú kifə̀ʼə‑əə̀ dzə̀ kishóv ghií saàmbà aànsə̀kìi nshòv sikweè e ghvə̀m (14,700), e bóo lì ve vé‑eè kpuun bìʼ kinyo ke Kora.

Kintaŋ 11:33

Mo á yí nyám, a bó á yóʼ ne tòʼ é ntìntìn, dòʼshwiiy Nyùy Tàr nèn lò, e kòʼ bìʼ wíri, wù tsə́nsí kifə̀ʼ, kí teè wíri.

Remrí 32:2

La yéʼéy yémé kù síri a rə̀sìn moo wuú á, é jí sém sí wáa sə̀v moo ŋweʼ a? Sí kú a fə̀fə̀ mo wuú yii fəfə̀ e viŋgà ve bór vi, a ŋwàʼrì mo yí yii ŋwaʼrì e vikwiíy.

Hibru 12:25

Vèn wáa yen rì fó ŋway kinyo ke Nyùy wo wù súŋnin e vèn ŋwáyín. Vèn kì sá ji wù‑uù lo màʼ ŋgeʼ e wír ve vé‑eè ŋwáy kinyo ke ŋgaà wo wù‑uù lèmèn é nsay fèn ji wù wáa tir wíri. Mo kí dzəə̀n ben, bo bó wìr wo wù ŋwáy kfə́ a dzə̀ kinyo ke wun woo Nyùy súŋnin fo yuv yòʼ wíy bòy fo ŋgeʼ gheéy.

2 Pita 1:19

Mo vèr yenen bey, vèsən nèn màysì, e kìíy mo vinyo ve aŋgàa ntum Nyùyi‑iì fiʼtì vi dzəə̀n. Kí nen bòŋ ji vèn yuúrí vinyo ve áwune‑eè fiʼtì vìn vidzə̀m kijuŋ. Ví dzə̀ moo kikaʼày ke kí kaʼày ven, e meé e ghan se ndzə yíi ran, é Jesus kfə́n moo sàŋ wo wù lo fo tsən, ndzə nèn ràn. Wù kfə́n bèy, é melív men mè nèn yèn rán.