Hibru 2:1 - ŊWÀʼ NYÙY

¹ Mo Wàn Nyùy shaàn vifá veé yuv vidzə̀m, vèsən ku nèn màysì, e wày vifií é kinyò ke vèsən‑eè yuun fo wun, fó bìn e dzəə ye sən.

Hibru 2:1 Referans Kwoze

Ŋwàʼ Luk 8:15

Ŋgoòy ye yì tumkin é nsay ye juŋ nén a dzə wír ve á yú kinyo ke Nyùy, á ghàr shilív shimòʼón, a yiì mo kí dzəə̀n, a dù duùn fó mbìy.

Remrí 4:9

«Kinyo kimòʼón ki nén a dzə jii, vèn kim vitú vén ví, a tiír kiwuú kén, a fìʼ, a yen fóo làysìn kinyo ke vèn‑eè yenen e sí yéné. Lá vèn yòʼ biìmé, é kí fəə́ fo věn meliv mo vèn wíy a dzə sho. Vèn naari kinyo kee shooy ki e wón véné, e naàrì e wón woné.

2 Pita 3:1

Ŋkàr sem, ŋwàʼ wo m sáŋ fo vèn və́ne dzə̀ wo wú meen ji baà. A m lóo saŋ, m kù a ratí a dzə̀ vinyo ve vèn kiiyin ne vìn, e fíʼ a yìmrì vifií vén, é ví kú a tiy a dzə̀ é vinyò foo fèn.

2 Pita 1:15

M ku nèn wày féyì jii, a ghán sí fəə̀, m kù ràtí vinyo vee shooy, é vèn fiʼ wìy sìíy, a kuumé, a m dú ne.

Ŋgàn 3:21

Wan wòm, á tiy e vifii ve ru ví, a kiíy jeéyjeéy fó vinyò. Á yen fo vifií vin ví fəə́ fo wò kitu.

Nsùyrì Nyùy 119:9

A dzə̀ wìr wàʼbìn ghàn é le, e bó a ker liì woo là nsem? A dzə̀ wù kù a yunín jí yè.

1 Wòŋ 22:13

Aà lò, a yu sáʼ Nyùy Tàr, a jùmrì vinyo ve wù tinen, e fò e Isray, e shaà fo Mooser, bo vinyo vé vi yíi a ghan kijuŋ. Kúr tímé, e wày ŋàŋ. Lá à yòʼ a fàn. Lá à yòʼ a weèy.

Hibru 12:5

Vèn kuúmé sá ntir ye Ŋwàʼ Nyùyi tír ven shó, yoŋ ven ji wón Nyùy, suuy jii: «Wan wòm, Nyùy Tàr lóo sə̀r wò fo kinyò, à yuùrí. Wù lóo saʼ wò, lá à yòʼ a weèy.

Maak 8:18

Vèn kér sí, e làa yòʼ a yen vinyo à? Vèn kér vituʼùr, e làa yòʼ a yu vinyo à? Vèn yòʼ dzəə́ kuúme kinyo ke mò‑oò yiìn a?

Matio 16:9

Vèn yòʼ sí yén vinyo, səəmè à? Vèn yòʼ dzəə́ kuúme ntuʼ se kiban see sitàn se mò‑oò jàvìn e wíri ansə̀kì atàn à? Vèn‑eè bàʼtí vimbéʼ ŋkaà sìsìʼ?

Remrí 4:23

Vèn kim vitú vén ví. Vèn wáa yen fó làysìn ntò se *mensàŋ me Nyùy Tàr woo Nyùy won‑eè gwàrìn vèn áwune, e lò, e fèr shibvə̀m e nshwìnin kifa, a Nyùy Tàr‑iì shàʼnín ne fo vèn.

Habakuk 2:16

Babilon, vikuʼùy vén ví yíi bìnkìr ji woomé. Kù yíi no ven lèn, a dìn kinshóʼ kén. Nyùy Tàr yíi yiì, é vèn nó mvə́ə mee meluʼ, a dzə̀ ŋgeʼlàʼ, é vikuʼùy vén ví lay, é vèn wáa woomé.

Ŋwàʼ Luk 9:44

«Vèn fó vituʼùr ví é kinyo ke m suuy kìn kijuŋ. Á wíy way ŋgaà wo yírí dzəə̀n Wanwìr və̀n e wírí wo, aá yii shó mo á koŋè.»

Habakuk 1:6

Vèn yuúrí, m sí nan kitúm kee Babilon, wír, aá nyárninè, a bó á yòʼ mvəʼ si, yén wír, ghán kitú ke nsay kidzə̀m, faasì virə́ʼ ve bó yòʼ dzəə̀n vév fáasin.

Joon 8:59

Áwune yú kee shooy, e nèn tàyrí tíy ji á yúyri wun sho. Yii bèy, Jesus bìn, e lày, e fəə̀ fó maàndzə lav cù fèy.