Hibru 1:2 - ŊWÀʼ NYÙY

² Wáa dzə lèn wo ndzə sí wìy a mày, wù nen tùm a dzə̀ Wán və, wù wáa tiisí kinyo kfə́ e vèsən. Dzə̀ Wán və və̀n wo wù‑uù foon vitaáví shó, wù bóm ndzə. Wù kfən lèm ji wù wìy yòv ndzə yee shooy e dzə̀m, a saʼ.

Hibru 1:2 Referans Kwoze

1 Korin 8:6

késən kí dzə̀ jii, Nyùy kù mày e mòʼón, a dzə̀ á wun wo dzəə̀n Tàr wòsən, a bòm wun vifá vidzə̀m, ví wáa yu a dzə̀ fo wun. Taà Ndzə kù mày sa e mòʼón, a dzə̀ Jesus Kristu. Vifá ve Nyùy‑iì bomen vidzə̀m vi‑iì shaà a dzə̀ e wun woo Kristu kiwo, a kù yii wun, bo vèsən wáa dzə sho.

Joon 1:3

a Nyùy‑iì wày vitaáví a dzə̀ e wùn kiwo, wù yiì, vifá vidzə̀m vi wáa dzə. A bó kifá kímóʼ kí yòʼ dzə̀ shó ke kí dzəə̀n, a bó yòʼ‑oò yiì wun, é bo kí keʼ, a dzə.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

1 Pita 1:20

A Nyùy‑iì yiì ne shòʼ wun, é bo ndzə wìy a kèʼ ji wù ghàn tìn wíri fó lòn. Wù nen tùm a dzə̀ lèn wo ndzə sí du, e dù, e jòʼsì və̀n, é vèn fíʼ kiíy wun.

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Hibru 11:3

Vèsən wáa dzə késən sá, aá kì mo Nyùy‑iì ghanen, e bóo bom ndzə, a dzə̀ bìʼ fo vèsən wáy shilív e wun wùn, biíme kinyo kfə́. A vèsən kì jii, Nyùy kù‑uù sùúy suuyín a dzə̀ á fo shuù, ndzə nèn a dzə. Kí nén a dzə ji vifá ve á yén lèn vìn vi kù‑uù lò a dzə̀ á fo ve bó á yòʼ yén vi.

Ŋwàʼ woó Rom 8:17

Mo vèsən siìn wón və́, bo vèsən wíy nəə́ sa e vijùŋ ve wù lèmèn e wír vəə́ adzə̀m, a kù dzə̀ víwun ve Kristu‑uù nəən shó. Vèsən kù wíy nəə́ sho, a vèsən fen biìmé sa ŋgeʼ ye Kristu‑uù biimen.

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Matio 26:63

Jesus ku nèn a tiy, e làa yòʼ a ghay. Taà cù wo kuʼùn və̀y nèn kfə̀n sùúy sho jii, «Ku lìʼ, e kàn yír Nyùy wo wù gòʼòn kàŋ mòʼón. Dzə̀ wò *Mfə̀ə́r woo Wan Nyùy moo ŋgáŋ á?»

Matio 21:38

Wír vìyi yén, a sí wiy wan ŋgaà sùm lèn, e nèn sùŋnín jii, ‹Və̀sə dzə̀ njìlaʼ ŋgaà sùm, vèsən yúyrí, e yòv súm.›

Hibru 5:8

Yii bèy, mo wù fə̀m‑eè dzəə̀n Wan wun woo Nyùy, wù ku yòʼ yèn ŋgeʼ, e fíʼ yu Nyùy, e yiì vinyo vidzə̀m ve wù taʼà.

Efesor 1:10

Wù‑uù sìysì jii, ghán sí wíy gheén, é wun wáy vifá vidzə̀m e Kristu kiwo, kìn dzə̀ veé yuv, kìn dzə̀ veé nsay fèn, é wù tátí, é wùn à Nyùy kfə́n á ji kifá kimòʼón.

Aysaya 44:24

Nyùy Tàr wo wù‑uù tinen ven, wun feyì wo wù‑uù bomen ven, e nàŋsín e bvə̀m, wù suuy jii, «Dzə̀ mo Nyùy Tàr wo m bomen kifá kidzə̀m. Kù‑uù bòm mo yúv, e sàŋrì fo, e bòm nsay, yì wáa neŋ ji moòr. Dzə̀ la wo mò‑oò yii vinyo vìn, a wù dzə̀ fó?

Hibru 7:3

Bó wìr yòʼ kì fo Melkisedek və̀n‑eè loòn, a bó á yòʼ kì tàr wov wùn yè wov, a bó á yòʼ kì rám yév. Bó á yòʼ kì sá ghán se vé‑eè dzəən wun, a bó á yò kì se wù‑uù kpuun. Wù nén a dzə moo Wan Nyùy, a dzə̀ taà cù wo wù gòʼòn kàŋ mòʼón, e dù, e mày.

Hibru 2:3

Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.

Hibru 1:5

bìʼ fo Nyùy yòʼ‑oò yiì ne sùúy e nshìylav rə yìmòʼ mo wù‑uù suuyin e Wan və jii: «À dzə̀ Wán wom, a m sì Tàr won lán.» A bó wù yòʼ‑oò yiì ne sùúy sa e yìmòʼ jii: «M wíy a dzə Tàr won, áà wáa dzə Wán wom.»

Efesor 3:9

Kí kfə́n a dzə jii, m naari kinyo kìn, é wìr dzə̀m kiíy á ji Nyùy sí li wír ve bó yòʼ dzəə̀n veé Isray sa lèn ji və́ vee wír. Kù‑uù sìysì wun woo Nyùy wo wù‑uù bomen vifá vidzə̀m kinyo kìn fo ŋgùʼ, e lìtì, la wìr yòʼ kìíy, e shem lèn.

Aysaya 2:2

Wíy lòo dzə e ghan se sí wiyì, é gwan wo lav cù Nyùy Tàr tíy sho, wáa dzə gwan wo wù shaàn agwan adzə̀m. Wù wíy a tiy e yuv, a shaà virùmèn vidzə̀m, a vitúm vidzə̀m vi wíy a mèʼèm, a wìy fo.

Remrí 18:15

Nyùy Tàr woo Nyùy won wíy tum *ŋgaà ntum və wùmòʼ fo věn wùn moo mo, a wíy a dzə wír fo věn mvəm. Vèn kù wíy a yunín a dzə̀ wun.

Remrí 4:30

Vinyo vee shoon vi wíy lóo koóy ven, ŋgeʼ ye tavín nəə ven, é vèn nèn bìnkìr, e kfə̀n e Nyùy Tàr woo Nyùy wón wùn, a yunín wun.

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.

Lim Aŋgàa Ntum 10:36

Vèn kù‑uù lo yù sá ntum ye Nyùy‑iì tsənsin fo wír veé Israyi ye yì dzəə̀n ji Jesus Kristu‑uù wìy ji wíri fiʼ kòóy nyaáŋ wùn à Nyùy. A Jesus Kristu və̀n dzə̀ Tàr à wíri adzə̀m.

Joon 15:15

M yòʼ dzəə́ yoŋ ven ji wónlè vém. Wónlě wìri dzə̀, a bó á yòʼ kì vinyo vidzə̀m ve Tàr wov yii. Vèn sì kén ji ŋkar sém, bìʼ fo m fèrìn ne vinyo ve mò‑oò yuun fo Tàr wor vidzə̀m e vèn.

Mayka 4:1

Wíy lòo dzə e ghan sé bàm sí, é gwan wo lav cù Nyùy Tàr tíy sho wáa dzə gwan wo wù shaàn agwan adzə̀m. Wù wíy a tiy e yuv, a shaà virùmèn vidzə̀m, a màŋgòŋ wíy a mèʼèm, a wìy fo.

Jeremia 30:24

Dòʼshwiiy Nyùy Tàr wo ghaʼán və̀n yòʼ wíy mày, a bó wù máysí lim rə́ ye yí dzəə̀n e wun kwàʼtì. Wíy lòo dzə e vishiíy ve ví wiyì, é vèn nèn kìíy vinyo vìn.

Ŋwàʼ Jud 1:18

Vé‑eè ló a toʼtí e vèn jii, wíy lòo dzə e ghan sé bàm sí, é wír ámóʼó fəə́, a kèŋ ven kéŋen. A dzə̀ wír ve á méŋ Nyùy, yii a dzə̀ vinyo ve mensə́ mev mè tíy sho vidzə̀m.

Ŋwàʼ woó Rom 1:4

Wù biímé kinyo ke Tàr wov Nyùy shilív shidzə̀m, e wìy kpù, Nyùy nèn fə̀ə́r wun woo Taàtá wòsən Jesus Kristu və̀n fo kpu, e dìn ji Wán və wo wù sí tíy vitú fo vifá vi vidzə̀m.

Lim Aŋgàa Ntum 2:17

« ‹Nyùy suuy jii, wíy lòo dzə e ghan sé bàm sí, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí, é wón vén vee wónlě nsùme wáa yen vinyo e njà vinjeenjèm, é ŋgày sén sé wìr si wáa yen vinyo e njèm.

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Joon 16:15

Vinyo ve Tàr wor vidzə̀m vi dzə̀ sá vém. Á kinyo ke kí yiìn, bo m wáa suúy ji Kiyoy ke Nyùy kìn ki wíy lì a dzə̀ vinyo vém, a fèr e vèn.

Maak 12:6

Wìr wo wù‑uù jòʼsìn e wùn kiwo cáʼcáʼ nèn a dzə wán və, a wù‑uù kòŋ é ŋàŋ. Fo bàm, wù gér wán və̀y, e tsə̀nsí, a wù‑uù kí ji á yíi a ghvəm a wán və.

Maak 1:1

Kin ki dzə̀ sáʼka wo juŋ woo kùm Jesus Kristu woo Wan Nyùy.

Daniel 10:14

M wìy ne lèn ji m yii, áà kiíy kinyo ke kí wíy a koóy wír vé e ghan se sí wiyì, bìʼ fo kinjeenjèm kìn ki din a dzə̀ ghán se sí dzəə́ wìy a wìy.»

Esiker 38:16

À wíy wìy, e ghiʼ wír vém veé Isray e rə́r sí mo mbàʼ sùm woŋ. Gog, wíy lóo dzə e kishiíy kin e ghan sé bàm sí, é m ku yiì, áà nəə́ wír vém e rə́r sí. M wíy yiì bèy ji m fiʼ dìn e vitúm vi ji m dzə̀ e ránén ji Nyùy, aá wíy a yen e sí yéví a dzə̀ fó vinyò ve m wíy yiì e wò.

Aysaya 45:18

Jí sìn si dzə̀ sé Nyùy Tàr. Dzə̀ wun Nyùy wo wù‑uù bomen yúv wùn à nsay. Wù‑uù lì ghán, e bònen nàvtì feyì ji ví fiʼ wìy shìíy. Wù yòʼ‑oò lo bòm nsay ji yì wáa tiy kisáŋ. Wù‑uù bòm ji wíri fíʼ a dzə sho. Kù dzə̀ wun wo wù yoŋ jii, «Dzə̀ mo Nyùy Tàr, a bó Nyùy wùmòʼ yòʼ kfə̀n dzə̀, e shaà mo.

Remrí 31:29

M sì é shùu kpu, a m kì jii, yì yíi ran kibvəə́shí, é la á yòʼ dzə́ə a ci kinyo ké a yiì, kìn dzə̀ ke juŋ ki, kìn ke bi kí. Áwune yíi a yiì bèy, a tav kitú fo Nyùy Tàr, e ten fó a dzə mo mò‑oò yòŋèn ji á wáa dzə. Nyùy Tàr wíy shwiíy kilòŋ, é vinyo ve biibí ví wáa koóy áwune.»

2 Pita 3:3

Kinyo ke kuʼùn ke m taʼ ji vèn kiíy kí dzə̀ jii, ndzə wíy kèʼ may, é wír ámóʼó fəə́, a sheʼ kinyo ke Nyùy shéʼén, a yiì a dzə̀ vinyo ve mensə́ mev mè koŋ vidzə̀m.

Hibru 1:8

Fo ké Wan və kí, wù suúy jii: «À dzə̀ Nyùy, a sáʼ yée kù wíy a tiy fo, e dù, e jòʼsì. À wíy a saʼ vifon vé kijuŋ feyì là kiloʼ.

Hosea 3:5

Yii bèy, a ghán sí wíy gheén, é wír veé Israyi binkir, a leéy a dzə̀ Nyùy Tàr woo Nyùy wov, e kfə̀n a leéy wír wo wù wíy fəə fo Davir ram, a dzə fon wov. Wíy lòo dzə e ghan sé bàm sí, aáwune wáa koʼtí e Nyùy Tǎr si, a fàn, a yàʼ, a kìʼ kisəəvì a dzə̀ ke fó wun woo Nyùy.

Kèʼlo 49:1

Jakov jàŋ wón və́ vee vilum, e sùúy jii, «Vèn báʼtí adzə̀m, é m suúy ven kinyo ke kí wíy koóy ven é ghan se sí wíy a wìy.

Hibru 9:26

A kee shooy ki‑iì dzə̀ é shií, bo Jesus kù dzəə́ rə́si kpú, kfə̀n lo kpú, e kèʼ mo Nyùy‑iì bomen ndzə. Ké Jesus ki dzə̀ jii, wù wìy e ghan se ndzə ye mvə sí shaa sìn ji wun mayir vinyo ve bi ví, e fò kitú kfə́, e tàŋrí wíri shó kàŋ mòʼón.

Joon 3:25

Wón lìm Joon wùn à wìr woó Juda wùmòʼ nèn lò, e kèʼ, a bìʼ jii, dzəə̀ yee réŋ ye dzə̀ wìr *kfə̀mrí kitú, e bóo ran fo Nyùy sà dzə̀ rəné á?

Daniel 2:28

Yii bèy, a Nyùy dzə̀ á e yuv, wo wù yii sar vinyo veé kilìtì. Wù dìn a ne e fòn kinyo ke kí dzəə́ bvəə́shi a koóy. Mo‑óò fiʼti á e fòn njèm ye fòn‑ee neèmèn é mbvə̀ʼ, yì shí wun, vinyo ve fòn‑ee yenen é njà vinjeenjèm.

Jeremia 48:47

Yii bèy, wíy lòo dzə e ghan sé bàm sí, é m kfən siìr vijuŋ ve wìr veé Moav aáwune. Suuy mo woo Nyùy Tàr.» Á vinyo ve Nyùy Tàr‑iì tinen kùm Moav.

Aysaya 45:12

Yì‑iì bòm mo nsay, e bòm wíri, e lèm ji á wáa dzə sho. Yì‑iì bòm mo yúv, e bòm vifá vee fó, e lèm fo.

Kintaŋ 24:14

Balaam lò, e sùúy e Balak jii, «Bo mo‑óò du, e yèn wír vém. Yii bèy, wìy ó, m lo, e yiì, áà kiíy kinyo ke wír vìne lo, e yiì e vèn é vishiíy ve ví wiyì.»

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

Matio 13:39

a maʼ wun ŋgoòy yee shooy, bìʼ fo wù ban ŋgaà sùm. Ghán sé kav si dzə̀ ghán se ndzə rə̀n wíy mày, a vé kavi dzə̀ nshèelav se Nyùy.

Maak 12:7

Wír vee shooyi dù, e sùŋnín jii, ‹Və̀sə dzə̀ njìlaʼ ŋgaà sùm, vèsən yúyrí, e yòv súm.›

Joon 1:10

Wun woo Jínyùy wáa dzə e ndzə fèn, la wír veé ndzəə yòʼ fə̀m kìíy wun, a kù dzə̀ wun wo wù‑uù fèrìn ndzə rə̀n.

Joon 5:26

A kí dzə̀ bey, bìʼ fo Nyùy Tàr wo kù yii wun, bo wíri wáa lùŋ, foon ne sa vitaáví vee shooy e Wan və.

Joon 5:27

Wù kfən fò vitaáví shó ji wáa tinén wun woo Wán nsaʼ wìr dzə̀m, bìʼ fo dzəə̀n wun wo yírí dzəə̀n *Wanwìr.

Joon 9:29

Vèr kì jii, Nyùy‑iì lo sùŋnín wùn Mooser, yii bèy, fo ké wìr və̀n ki, vèr yòʼ kì fo wù loòn.»

1 Korin 2:7

A vifií ve vèr fiʼtì vìn vi dzə̀ kinyo ke kí‑iì dzəə̀n é kilìr, kfə́n a dzə kinyo ke Nyùy‑iì sìysìn fo wùn vifii, é bo ndzə wìy a kèʼ ji wun wíy lì vèsən, e way e wùn mvə̀m vijùŋ.

Hibru 3:6

Kristu nèn wìy wìy, a lìm kfə́ e Nyùy lav foo fèy shilív shimòʼón moo wán woo ŋgaà lav, a lav dzə̀ vèsən vin. Dzə̀ rú vèsən, a vèsən bèn ghár shilív, tiir vifií a dzə̀ é ŋkàʼmé wo Nyùy‑iì kàʼàn vèsən shó, e dù, e mày.

Hibru 4:14

Vèsən wáa kuumé ji vèsən kér taà cù wo kuʼùn wo wù táti vèsən à Nyùy, a dzə̀ Jesus woo Wan Nyùy wo wù‑uù duùn, e mèé e ntoò yùv fo Nyùy dzəə̀n. Vèsən ku nèn ghàr kinyo kfə́ ke vèsən biimen kitávín,

Hibru 7:28

Wù dzə̀ rú jeéy fo taà cù wo kùʼùn woó dzəə ye mvə. Vé‑eè lo, lóo shoʼ wír ji taà cù wo kuʼùn, kù a dzə wír, a wù kér sa jay. Yii bèy, Nyùy wìy lò, e yiì kilìʼ, e gwàr dzə́ə ye fíy, e nèn lèm a dzə̀ Wán və wo bó wù yòʼ kér jay, a wù ghèén e taà cù wo kuʼùn, e dù, e mày.

Joon 13:32

Mo vikuʼùy vé Nyùy vi yíi a yensín e Wanwìr və̀n wùn, é wun woo Nyùy nèn a dìn sa vé Wanwìr vee vikuʼùy, e làa yòʼ siʼsíʼ.»